Kardemommubærinn Karólína Helga Símonardóttir og Sigurjón Ingvason skrifa 10. maí 2022 17:01 Til þess að geta boðið Hafnfirðingum góða þjónustu og byggt upp bæ þar sem öllum líður vel, þá er nauðsynlegt að eiga fyrir því. Þess vegna er gríðarlega mikilvægt að farið sé vel með sameiginlega sjóði okkar. Viðreisn er flokkur sem leggur mikla áherslu á ábyrga fjármálastjórn. Það þýðir ekki að við viljum spara í því að gera vel við íbúa, heldur þvert á móti. Við viljum, með faglegri stjórnun, einmitt sjá til þess að það verði til peningur til að koma góðum málum í framkvæmd. Til þess að svo megi verða er nauðsynlegt að tryggja viðvarandi trausta tekjuöflun og fara vel með þá fjármuni sem eru til ráðstöfunar og hafa langtímasýn á rekstur bæjarins. Meirihluti Sjálfstæðismanna og Framsóknar hefur ekki viðhaft faglega fjármálastjórn í sinni stjórnartíð og eru mýmörg dæmi sem sýna að stjórnun þeirra, eða stjórnleysi öllu heldur, einkennist af tilviljunarkenndum ákvörðunum, fyrirhyggjuleysi og vafasömum gjörningum. Eftirfarandi eru nokkur dæmi um slíkt. Allir vita að þessum flokkum ferst það ekki vel úr hendi að ráðstafa eignum almennings. Listinn er langur en það má benda á nýlega bankasölu, fyrri bankasölur og ráðstöfun fiskveiðiauðlindarinnar. Í Hafnarfirði var efnt til brunaútsölu á HS Veitum undir því yfirskini að það væri nauðsynlegt vegna Covid. Faraldurinn var rétt kominn af stað þegar rokið var til og sala ákveðin. Svo mikið lá á að selja, að málið var ekki einu sinni samþykkt í bæjarstjórn áður en söluferlið fór í gang. Þetta ferli vakti margar spurningar. Af hverju lá svona mikið á? Er líklegt að fá besta verð í krísuástandi? Er skynsamlegt að skapa einkavædda einokun með því að selja fyrirtæki sem hefur einkarétt á dreifingu? Hefði ekki verið gott að halda áfram að fá góðan arð af fyrirtækinu á hverju ári til frambúðar? Þegar byggt var stórt íþróttahús í bænum á árunum 2018-2019 var ekki hægt að standa eðlilega að því heldur var farið í alls kyns fjárhagslega loftfimleika. Bærinn gerði ekki kostnaðaráætlun um bygginguna, verkið var boðið út en hætt var við að ganga til samninga við lægstbjóðanda og þar með sköpuð skaðabótaskylda og að lokum keypti bærinn eigið hús af íþróttafélaginu til þess að félagið gæti sjálft annast framkvæmdina án útboðs. Bærinn hefur verið að borga fyrir mörg verkefni sem hefur síðan verið hent í ruslið vegna sérhagsmuna. Það er algengt vinnulag meirihlutans að búa til glansmyndir um framtíðarskipulag, en sniðganga svo þær hugmyndir þegar þær henta ekki einstökum góðvinum. Þar má nefna að upphafleg skipulagslýsing fyrir Flensborgarhöfn og rammaskipulag fyrir Hraun Vestur voru slegin af, þegar lóðarhafar vildu margfalt meira byggingarmagn. Svona vinnubrögð fela ekki aðeins í sér sóun á góðri vinnu heldur riðla þau öllum eðlilegum forsendum góðrar uppbyggingar og leiða á endanum til aukins kostnaðar bæjarins vegna þess að endurhugsa þarf alla innviði þegar svona kúvendingar eru gerðar. Í aðdraganda kosninga í ár, ákvað meirihlutinn að ráðast í risastóra auglýsingaherferð á samfélagsmiðlum þar sem dregin var upp óraunhæf glansmynd af “skipulagsafrekum” bæjarins á undanförnum árum. Þessar auglýsingar voru ekkert annað en hluti af kosningaherferð Sjálfstæðisflokks og Framsóknar, en birtar undir nafni Hafnarfjarðarbæjar og greiddar með þínum peningum, ágæti kjósandi! Það er athyglisvert að næst stærsti flokkurinn í bænum sem að eigin sögn er á mikilli siglingu í aðdraganda kosninga, ætlar ekki að marka sér sérstöðu í ábyrgri fjármálastjórn. Margir muna eftir því að Samfylkingin var á tíðum jafn skrautleg og ofangreindir flokkar í sinni stjórnun. Ef þú manst það ekki, þá er google alltaf tilbúið til að aðstoða. Ef kjósendur vilja ábyrga fjármálastjórn sem tryggir að þeir fái sem mest fyrir peninginn, þá er Viðreisn eini raunhæfi valkosturinn. Við leggjum áherslu á faglega og agaða fjármálastjórn, hagræðingu, samvinnu milli sveitarfélaga í innkaupum og við erum með ferskar hugmyndir um hvernig má tryggja tekjustreymi bæjarins til framtíðar, s.s. með byggingu stórskipahafnar í Óttarsstaðalandi. Er enginn orðinn leiður á gamaldags stjórnmálum og gamaldags stjórnun? Munið bara hvað lífið var miklu betra í Kardemommubænun þegar Soffía frænka var búin að koma skikki á hlutina. Höfundar eru Karólína Helga Símonardóttir sem skipar 2. sæti á lista Viðreisnar í Hafnarfirði og Sigurjón Ingvason sem skipar 9. sæti á lista Viðreisnar í Hafnarfirði. Viltu birta grein á Vísi? Sendu okkur póst. Senda grein Karólína Helga Símonardóttir Hafnarfjörður Viðreisn Skoðun: Kosningar 2022 Sveitarstjórnarkosningar 2022 Mest lesið Halldór 23.8.2025 Halldór Vanþekking eða vísvitandi blekkingar? Hjörtur J. Guðmundsson Skoðun Heildstætt heilbrigðiskerfi – hagur okkar allra Alma D. Möller Skoðun „I believe the children are our future…“ Karen Rúnarsdóttir Skoðun Skólaskætingur Þórdís Kolbrún R. Gylfadóttir Skoðun Andaðu rólega elskan... Ester Hilmarsdóttir Skoðun Eldri borgarar – áhrif aðildar að Evrópusambandinu (ESB) Þorvaldur Ingi Jónsson Skoðun Er Akureyri að missa háskólann sinn? Aðalbjörn Jóhannsson Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson Skoðun Ný sókn í menntamálum Guðmundur Ari Sigurjónsson Skoðun Skoðun Skoðun Heildstætt heilbrigðiskerfi – hagur okkar allra Alma D. Möller skrifar Skoðun Vanþekking eða vísvitandi blekkingar? Hjörtur J. Guðmundsson skrifar Skoðun „I believe the children are our future…“ Karen Rúnarsdóttir skrifar Skoðun Mikilvægi félagasamtaka og magnað maraþon Þuríður Harpa Sigurðardóttir skrifar Skoðun Allt sem ég þarf að gera Dagbjartur Kristjánsson skrifar Skoðun Eldri borgarar – áhrif aðildar að Evrópusambandinu (ESB) Þorvaldur Ingi Jónsson skrifar Skoðun Meiri gæði og mun minni álögur - Hveragerðisleiðin í leikskólamálum Jóhanna Ýr Jóhannsdóttir,Sandra Sigurðardóttir,Dagný Sif Sigurbjörnsdóttir,Halldór Benjamín Hreinsson,Njörður Sigurðsson skrifar Skoðun Reykjavíkurborg stígur fyrsta skrefið í snjallvæðingu umferðarljósa! Einar Sveinbjörn Guðmundsson skrifar Skoðun Framtíðin í fyrsta sæti – mikilvægi forgangsröðunar á tillögum Kópavogsbæjar í grunnskólamálum Sigrún Ólöf Ingólfsdóttir skrifar Skoðun Notkun ökklabanda Guðmundur Ingi Þóroddsson skrifar Skoðun Skólaskætingur Þórdís Kolbrún R. Gylfadóttir skrifar Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson skrifar Skoðun Ný sókn í menntamálum Guðmundur Ari Sigurjónsson skrifar Skoðun Þjóðarmorð, fálmandi mjálm eða aðgerðir? Viðar Hreinsson skrifar Skoðun Vin í eyðimörkinni – almenningsbókasöfn borgarinnar Sanna Magdalena Mörtudóttir skrifar Skoðun Er Akureyri að missa háskólann sinn? Aðalbjörn Jóhannsson skrifar Skoðun Tíu staðreyndir um alvarlegustu kvenréttindakrísu heims Stella Samúelsdóttir skrifar Skoðun Ég vildi óska þess að ég hefði hreinlega fengið krabbamein Íris Elfa Þorkelsdóttir skrifar Skoðun Mestu aularnir í Vetrarbrautinni Kári Helgason skrifar Skoðun Fjárfestum í fyrsta bekk, frekar en fangelsum Hjördís Eva Þórðardóttir skrifar Skoðun Eftirlíking vitundar og hætturnar sem henni fylgja Þorsteinn Siglaugsson skrifar Skoðun Andaðu rólega elskan... Ester Hilmarsdóttir skrifar Skoðun Gagnvirkni líkama og vitundar til heilbrigðis Þórdís Hólm Filipsdóttir skrifar Skoðun Nýjar lausnir í kennslu – gamlar hindranir Bogi Ragnarsson skrifar Skoðun Kópavogsleiðinn Ragnar Þór Pétursson skrifar Skoðun Samstarf sem skilar raunverulegum loftslagsaðgerðum Nótt Thorberg skrifar Skoðun Lærum að lesa og reikna Jón Pétur Zimsen skrifar Skoðun Loforðið sem borgarstjóri gleymdi Magnea Gná Jóhannsdóttir skrifar Skoðun Kristrún, það er bannað að plata Snorri Másson skrifar Skoðun Öndunaræfingar í boði SFS Vala Árnadóttir skrifar Sjá meira
Til þess að geta boðið Hafnfirðingum góða þjónustu og byggt upp bæ þar sem öllum líður vel, þá er nauðsynlegt að eiga fyrir því. Þess vegna er gríðarlega mikilvægt að farið sé vel með sameiginlega sjóði okkar. Viðreisn er flokkur sem leggur mikla áherslu á ábyrga fjármálastjórn. Það þýðir ekki að við viljum spara í því að gera vel við íbúa, heldur þvert á móti. Við viljum, með faglegri stjórnun, einmitt sjá til þess að það verði til peningur til að koma góðum málum í framkvæmd. Til þess að svo megi verða er nauðsynlegt að tryggja viðvarandi trausta tekjuöflun og fara vel með þá fjármuni sem eru til ráðstöfunar og hafa langtímasýn á rekstur bæjarins. Meirihluti Sjálfstæðismanna og Framsóknar hefur ekki viðhaft faglega fjármálastjórn í sinni stjórnartíð og eru mýmörg dæmi sem sýna að stjórnun þeirra, eða stjórnleysi öllu heldur, einkennist af tilviljunarkenndum ákvörðunum, fyrirhyggjuleysi og vafasömum gjörningum. Eftirfarandi eru nokkur dæmi um slíkt. Allir vita að þessum flokkum ferst það ekki vel úr hendi að ráðstafa eignum almennings. Listinn er langur en það má benda á nýlega bankasölu, fyrri bankasölur og ráðstöfun fiskveiðiauðlindarinnar. Í Hafnarfirði var efnt til brunaútsölu á HS Veitum undir því yfirskini að það væri nauðsynlegt vegna Covid. Faraldurinn var rétt kominn af stað þegar rokið var til og sala ákveðin. Svo mikið lá á að selja, að málið var ekki einu sinni samþykkt í bæjarstjórn áður en söluferlið fór í gang. Þetta ferli vakti margar spurningar. Af hverju lá svona mikið á? Er líklegt að fá besta verð í krísuástandi? Er skynsamlegt að skapa einkavædda einokun með því að selja fyrirtæki sem hefur einkarétt á dreifingu? Hefði ekki verið gott að halda áfram að fá góðan arð af fyrirtækinu á hverju ári til frambúðar? Þegar byggt var stórt íþróttahús í bænum á árunum 2018-2019 var ekki hægt að standa eðlilega að því heldur var farið í alls kyns fjárhagslega loftfimleika. Bærinn gerði ekki kostnaðaráætlun um bygginguna, verkið var boðið út en hætt var við að ganga til samninga við lægstbjóðanda og þar með sköpuð skaðabótaskylda og að lokum keypti bærinn eigið hús af íþróttafélaginu til þess að félagið gæti sjálft annast framkvæmdina án útboðs. Bærinn hefur verið að borga fyrir mörg verkefni sem hefur síðan verið hent í ruslið vegna sérhagsmuna. Það er algengt vinnulag meirihlutans að búa til glansmyndir um framtíðarskipulag, en sniðganga svo þær hugmyndir þegar þær henta ekki einstökum góðvinum. Þar má nefna að upphafleg skipulagslýsing fyrir Flensborgarhöfn og rammaskipulag fyrir Hraun Vestur voru slegin af, þegar lóðarhafar vildu margfalt meira byggingarmagn. Svona vinnubrögð fela ekki aðeins í sér sóun á góðri vinnu heldur riðla þau öllum eðlilegum forsendum góðrar uppbyggingar og leiða á endanum til aukins kostnaðar bæjarins vegna þess að endurhugsa þarf alla innviði þegar svona kúvendingar eru gerðar. Í aðdraganda kosninga í ár, ákvað meirihlutinn að ráðast í risastóra auglýsingaherferð á samfélagsmiðlum þar sem dregin var upp óraunhæf glansmynd af “skipulagsafrekum” bæjarins á undanförnum árum. Þessar auglýsingar voru ekkert annað en hluti af kosningaherferð Sjálfstæðisflokks og Framsóknar, en birtar undir nafni Hafnarfjarðarbæjar og greiddar með þínum peningum, ágæti kjósandi! Það er athyglisvert að næst stærsti flokkurinn í bænum sem að eigin sögn er á mikilli siglingu í aðdraganda kosninga, ætlar ekki að marka sér sérstöðu í ábyrgri fjármálastjórn. Margir muna eftir því að Samfylkingin var á tíðum jafn skrautleg og ofangreindir flokkar í sinni stjórnun. Ef þú manst það ekki, þá er google alltaf tilbúið til að aðstoða. Ef kjósendur vilja ábyrga fjármálastjórn sem tryggir að þeir fái sem mest fyrir peninginn, þá er Viðreisn eini raunhæfi valkosturinn. Við leggjum áherslu á faglega og agaða fjármálastjórn, hagræðingu, samvinnu milli sveitarfélaga í innkaupum og við erum með ferskar hugmyndir um hvernig má tryggja tekjustreymi bæjarins til framtíðar, s.s. með byggingu stórskipahafnar í Óttarsstaðalandi. Er enginn orðinn leiður á gamaldags stjórnmálum og gamaldags stjórnun? Munið bara hvað lífið var miklu betra í Kardemommubænun þegar Soffía frænka var búin að koma skikki á hlutina. Höfundar eru Karólína Helga Símonardóttir sem skipar 2. sæti á lista Viðreisnar í Hafnarfirði og Sigurjón Ingvason sem skipar 9. sæti á lista Viðreisnar í Hafnarfirði.
Skoðun Meiri gæði og mun minni álögur - Hveragerðisleiðin í leikskólamálum Jóhanna Ýr Jóhannsdóttir,Sandra Sigurðardóttir,Dagný Sif Sigurbjörnsdóttir,Halldór Benjamín Hreinsson,Njörður Sigurðsson skrifar
Skoðun Reykjavíkurborg stígur fyrsta skrefið í snjallvæðingu umferðarljósa! Einar Sveinbjörn Guðmundsson skrifar
Skoðun Framtíðin í fyrsta sæti – mikilvægi forgangsröðunar á tillögum Kópavogsbæjar í grunnskólamálum Sigrún Ólöf Ingólfsdóttir skrifar
Skoðun Þéttingarstefnan hefur brugðist og Dóra breytir um umræðuefni Aðalsteinn Haukur Sverrisson skrifar