Dušan Vlahović kom Juventus yfir eftir tíu mínútna leik, Morata með stoðsendinguna. Morata sjálfur kom heimamönnum svo 2-0 yfir á 36. mínútu eftir sendingu Juan Cuadrado. Staðan 2-0 í hálfleik.
Alex Sandro varð fyrir því óláni að skora sjálfsmark þegar sex mínútur voru liðnar af síðari hálfleik. Þegar sex mínútur voru komnar fram yfir venjulegan leiktíma jafnaði Sergej Milinković-Savić metin fyrir gestina og laukleiknum með 2-2 jafntefli.
Juventus er í 4. sæti með 70 stig þegar ein umferð er eftir. Lazio er sæti neðar með níu stigum minna á meðan Napoli er í 3. sæti með 76 stig.
Serie A er hluti af Stöð 2 Sport Erlent sem kostar 3.990 kr. á mánuði. Upplýsingar um beinar útsendingar frá ítalska boltanum má finna hér.
