Inn­kalla leik­fangið „Mus­hroom teet­her“

Ástæða innköllunar er að sveppahaus leikfangsins getur snúist við og skapað mjög þétt sog sem getur valdið hættu á köfnun. Leikfangið getur því verið lífshættulegt og á ekki að vera í notkun undir neinum kringumstæðum.

Húsnæðis- og mannvirkjastofnun (HMS) vekur athygli á innkölluninni í tilkynningunni, en grunur leikur á að leikfangið sé í umferð á Íslandi. Einnig er hugsanlegt að leikfangið hafi einnig borist hingað til lands eftir öðrum leiðum.

Leikfangið sem hér um ræðir hefur verið til sölu hjá Amazon síðan 24. september 2021.

HMS beinir því til allra eigenda „Mushroom teether“ að hætta notkun leikfangsins þegar í staðog hafa samband við Amazon eða viðeigandi söluaðila.