Svona er nýi landsliðsbúningurinn

Eins og greint var frá á Vísi í síðustu viku var búningi Íslands og fleiri landsliðsbúningum frá Puma lekið. Og íslenski búningurinn er nákvæmlega eins og sá sem var lekið.

Venju samkvæmt er íslenski búningurinn blár. Á honum er svo dökkblá rönd og rautt í hálsmálinu. Þetta er annar búningurinn sem Puma hannar fyrir Ísland. Eftir mörg ár hjá Errea samdi KSÍ við Puma 2020.

Nýi búningurinn verður frumsýndur þegar Ísland mætir Ísrael í B-deild Þjóðadeildarinnar á fimmtudaginn.