Heimir enn við stjórnvölin en enginn Ísak Snær: Mjög forvitnilegur leikur á Hlíðarenda í kvöld Runólfur Trausti Þórhallsson skrifar 16. júní 2022 13:00 Breiðablik og Valur eigast við í kvöld. Búast má við að Gísli Eyjólfsson mundi skotfótinn oftar en einu sinni. Vísir/Hulda Margrét Breiðablik heimsækir Val í Bestu deild karla í fótbolta í kvöld. Gestirnir eru líkt og alþjóð veit með fullt hús stiga á toppi deildarinnar á meðan Valsmenn hafa átt erfitt uppdráttar í sumar. Markahæsti leikmaður deildarinnar, Ísak Snær Þorvaldsson, verður ekki með Blikum í kvöld en hann tekur út leikbann. Eftir dágóða pásu vegna leikja íslenska A-landsliðsins í Þjóðadeildinni og svo U-21 árs landsliðsins í undankeppni EM er Besta deild karla loks farin aftur af stað. Hún hófst með látum í gær þar sem við fengum níu mörk í tveimur leikjum. Reikna má með svipaðri veislu í kvöld en stórleikur umferðarinnar er á Hlíðarenda þar sem toppliðið – sem er enn með fullt hús stiga – mætir liðinu sem hefur orðið Íslandsmeistari þrisvar á síðustu fimm árum. Þá er ekki langt síðan liðin mættust en þann 26. maí síðastliðinn unnu Blikar 6-2 stórsigur er liðin mættust í 32-liða úrslitum Mjólkurbikarsins. Tekst þeim að leika sama leik eða hefna Valsmenn fyrir ófarirnar? Breytingar hjá Blikum Það eru ákveðin skörð höggvin í lið Breiðabliks en Ísak Snær er sem fyrr í leikbanni þar sem hann hefur nælt sér í fjögur gul spjöld til þessa á leiktíðinni. Þá stendur leikbann Omar Sowe en hann verður hvorki með Blikum í kvöld né gegn KA á mánudaginn kemur. Óskar Hrafn Þorvaldsson, þjálfari toppliðsins, staðfesti í viðtali við Fótbolti.net Viktor Karl Einarsson og Gísli Eyjólfsson séu orðnir leikfærir en þeir voru hvorugir með í síðasta leik Blika fyrir landsleikjahlé. Þá er Elfar Freyr Helgason orðinn leikfær en á móti kemur að Andri Rafn Yeoman er meiddur. Breiðablik missir því í raun út þrjá leikmenn en fær þrjá í staðinn. Maður kemur í manns stað og allt það en nú kemur loks í ljós hvernig liðið höndlar að vera án Ísaks Snæs. Í sama viðtali við Fótbolta.net staðfesti Óskar Hrafn að Ísak Snær hefði klárað æfingu liðsins í aðdraganda leiksins og „kenndi sér einskis meins,“ eftir að hafa komið af velli í leik með U-21 árs landsliðinu eftir að finna fyrir verk í brjósti. „var í frábærum höndum hjá landsliðinu og fór í allar þær rannsóknir sem þurfti. Þær komu vel út þannig það lítur allt mjög vel út,“ bætti Óskar Hrafn við. Óvænt valdir í landsliðið Undirbúningur Breiðabliks hefur ekki verið eins og best verður á kosinn en þrír leikmenn voru kallaðir inn í A-landsliðið vináttulandsleikinn umtalaða gegn San Marínó. Um var að ræða Damir Muminovic, Höskuld Gunnlaugsson og Jason Daða Svanþórsson. Fór orðrómur af stað að einum leikmanni liðsins hefði verið lofað byrjunarliðssæti í leiknum en sá virtist ekki á rökum reistur. Ekki misskilja mig. Þessi frett er bull.— damir muminovic (@damirmuminovic) June 10, 2022 Jason Daði spilaði rúmlega 20 mínútur í leiknum á meðan Damir og Höskuldur komu inn af bekknum þegar þrjár mínútur voru til leiksloka. Aldrei lognmolla á Hlíðarenda Það hefur heldur betur gustað um Heimi Guðjónsson, þjálfara Vals, síðan landsleikjahléið hófst. Annað árið í röð fóru háværir orðrómar á kreik um að honum hefði verið sagt upp en alltaf stendur Heimir af sér storminn og er enn þjálfari Vals. Nafni hans - Heimir Hallgrímsson - var sagður vera á leið að taka við Valsliðinu en allt kom fyrir ekki. Heimir, sonur Hallgríms, neitaði í viðtali við Vísi og var svo mættur á bekkinn hjá ÍBV er liðið tapaði 3-0 gegn Íslands- og bikarmeisturum Víkings í gær, miðvikudag. Fyrir þau sem ekki vita er Heimir Hallgríms fyrrverandi þjálfari ÍBV og Eyja maður í húð og hár. Hvað varðar nafna hans á Hlíðarenda þá hlýtur að vera þreytt að lesa og heyra ítrekaðar sögusagnir um að starf hans sé í hættu. Eina leiðin til að þagga niður í slíkum orðrómum er að vinna fótboltaleiki og það getur Valur gert í kvöld. Leikur Vals og Breiðabliks hefst klukkan 20.15 og er sýndur beint á Stöð 2 Sport. Að leik loknum verður umferðin gerð upp í Stúkunni. Besta deildin er á Stöð 2 Sport. Smelltu hér til að horfa á leiki og þætti. Besta deildin er hluti af Stöð 2 Sport Ísland sem kostar 3.990 kr. á mánuði og má kaupa hér. Fótbolti Íslenski boltinn Besta deild karla Valur Breiðablik Mest lesið Segir að eitrað hafi verið fyrir leikmönnum liðsins Fótbolti Hulda Elma vann Hengil Ultra á brautarmeti Sport Má ekki koma inn í íþróttahús í tíu mánuði Körfubolti Arnór Atla valinn þjálfari ársins Handbolti Taiwo Badmus staðfestur hjá Stólunum: „Ég er kominn heim“ Körfubolti Snýr aftur til Íslands betri en nokkru sinni áður Körfubolti Gummi Ben fékk gullmerki Þórs afhent á Spáni Íslenski boltinn Liverpool hækkar tilboð sitt Enski boltinn Uppgjörið: Víkingur-FH 1-4 | Eintóm hamingja hjá FH-konum í Víkinni Íslenski boltinn Uppgjör: Fram - Stjarnan 3-1 | Framarar sannfærandi Íslenski boltinn Fleiri fréttir Leik lokið: Þróttur - Þór/KA 2-0 | Þróttur með þriggja stiga forskot á toppnum Uppgjör: Fram - Stjarnan 3-1 | Framarar sannfærandi Uppgjörið: Breiðablik-FHL 6-0 | Sex Blikakonur á skotskónum Uppgjörið: Víkingur-FH 1-4 | Eintóm hamingja hjá FH-konum í Víkinni Gummi Ben fékk gullmerki Þórs afhent á Spáni Blómstra á meðan Valskonur eru sögulega slakar Framlengja við markahæsta manninn sinn Uppgjörið: Tindastóll-Valur 2-2 | Bið Valskvenna lengist enn Brynjar Björn í þjálfarateymi Víkings Caroline kveður Þrótt og heldur heim til Bandaríkjanna Sjáðu fimm flottustu mörk maímánaðar Leiknir byrjar vel undir stjórn Gústa Gylfa og ÍR-ingar á toppinn Andri Már fékk tískuráð á stórleiknum á Kópavogsvelli Völdu þann leikmann í Bestu deildinni sem er líkastur þeim sjálfum Ágúst Gylfason snýr aftur í boltann og tekur við Leikni „Þá verður þú bara að taka höggin“ Bönnin þegar Besta hefst aftur: Víkingar missa lykilmann og Vestri án tveggja Pétur Rúnar á bekknum hjá Stólunum í 3. deildinni Ummæli Davíðs Smára ekki á borði aganefndar Sýndu reiði Davíðs skilning en fannst hann fara yfir strikið „Okkar markmið hefur alltaf verið að vera í toppbaráttunni“ Umfjöllun: Valur-Fram 2-1 | Níu stig í Valshúsi á níu dögum Sjáðu miðjumark Sverris, tvennu Tobiasar, rautt á Alex og Atla stela sigri Dagskráin í dag: Litrík umferð gerð upp í Stúkunni „Þetta mark átti ekki að telja“ Leik lokið: Breiðablik - Víkingur 3-1 | Allt í hnút á toppnum „Erum með sjö stigum meira en á sama tíma í fyrra“ Uppgjörið: FH - Afturelding 0-0| Markalaust í bragðdaufum leik Uppgjörið: ÍA - ÍBV 0-3 | Eyjamenn fara með tvo sigurleiki á bakinu inn í hléið Uppgjörið: KA - Stjarnan 1-1 | Náðu að lokum að jafna gegn tíu gestum Sjá meira
Eftir dágóða pásu vegna leikja íslenska A-landsliðsins í Þjóðadeildinni og svo U-21 árs landsliðsins í undankeppni EM er Besta deild karla loks farin aftur af stað. Hún hófst með látum í gær þar sem við fengum níu mörk í tveimur leikjum. Reikna má með svipaðri veislu í kvöld en stórleikur umferðarinnar er á Hlíðarenda þar sem toppliðið – sem er enn með fullt hús stiga – mætir liðinu sem hefur orðið Íslandsmeistari þrisvar á síðustu fimm árum. Þá er ekki langt síðan liðin mættust en þann 26. maí síðastliðinn unnu Blikar 6-2 stórsigur er liðin mættust í 32-liða úrslitum Mjólkurbikarsins. Tekst þeim að leika sama leik eða hefna Valsmenn fyrir ófarirnar? Breytingar hjá Blikum Það eru ákveðin skörð höggvin í lið Breiðabliks en Ísak Snær er sem fyrr í leikbanni þar sem hann hefur nælt sér í fjögur gul spjöld til þessa á leiktíðinni. Þá stendur leikbann Omar Sowe en hann verður hvorki með Blikum í kvöld né gegn KA á mánudaginn kemur. Óskar Hrafn Þorvaldsson, þjálfari toppliðsins, staðfesti í viðtali við Fótbolti.net Viktor Karl Einarsson og Gísli Eyjólfsson séu orðnir leikfærir en þeir voru hvorugir með í síðasta leik Blika fyrir landsleikjahlé. Þá er Elfar Freyr Helgason orðinn leikfær en á móti kemur að Andri Rafn Yeoman er meiddur. Breiðablik missir því í raun út þrjá leikmenn en fær þrjá í staðinn. Maður kemur í manns stað og allt það en nú kemur loks í ljós hvernig liðið höndlar að vera án Ísaks Snæs. Í sama viðtali við Fótbolta.net staðfesti Óskar Hrafn að Ísak Snær hefði klárað æfingu liðsins í aðdraganda leiksins og „kenndi sér einskis meins,“ eftir að hafa komið af velli í leik með U-21 árs landsliðinu eftir að finna fyrir verk í brjósti. „var í frábærum höndum hjá landsliðinu og fór í allar þær rannsóknir sem þurfti. Þær komu vel út þannig það lítur allt mjög vel út,“ bætti Óskar Hrafn við. Óvænt valdir í landsliðið Undirbúningur Breiðabliks hefur ekki verið eins og best verður á kosinn en þrír leikmenn voru kallaðir inn í A-landsliðið vináttulandsleikinn umtalaða gegn San Marínó. Um var að ræða Damir Muminovic, Höskuld Gunnlaugsson og Jason Daða Svanþórsson. Fór orðrómur af stað að einum leikmanni liðsins hefði verið lofað byrjunarliðssæti í leiknum en sá virtist ekki á rökum reistur. Ekki misskilja mig. Þessi frett er bull.— damir muminovic (@damirmuminovic) June 10, 2022 Jason Daði spilaði rúmlega 20 mínútur í leiknum á meðan Damir og Höskuldur komu inn af bekknum þegar þrjár mínútur voru til leiksloka. Aldrei lognmolla á Hlíðarenda Það hefur heldur betur gustað um Heimi Guðjónsson, þjálfara Vals, síðan landsleikjahléið hófst. Annað árið í röð fóru háværir orðrómar á kreik um að honum hefði verið sagt upp en alltaf stendur Heimir af sér storminn og er enn þjálfari Vals. Nafni hans - Heimir Hallgrímsson - var sagður vera á leið að taka við Valsliðinu en allt kom fyrir ekki. Heimir, sonur Hallgríms, neitaði í viðtali við Vísi og var svo mættur á bekkinn hjá ÍBV er liðið tapaði 3-0 gegn Íslands- og bikarmeisturum Víkings í gær, miðvikudag. Fyrir þau sem ekki vita er Heimir Hallgríms fyrrverandi þjálfari ÍBV og Eyja maður í húð og hár. Hvað varðar nafna hans á Hlíðarenda þá hlýtur að vera þreytt að lesa og heyra ítrekaðar sögusagnir um að starf hans sé í hættu. Eina leiðin til að þagga niður í slíkum orðrómum er að vinna fótboltaleiki og það getur Valur gert í kvöld. Leikur Vals og Breiðabliks hefst klukkan 20.15 og er sýndur beint á Stöð 2 Sport. Að leik loknum verður umferðin gerð upp í Stúkunni. Besta deildin er á Stöð 2 Sport. Smelltu hér til að horfa á leiki og þætti. Besta deildin er hluti af Stöð 2 Sport Ísland sem kostar 3.990 kr. á mánuði og má kaupa hér.
Besta deildin er á Stöð 2 Sport. Smelltu hér til að horfa á leiki og þætti. Besta deildin er hluti af Stöð 2 Sport Ísland sem kostar 3.990 kr. á mánuði og má kaupa hér.
Fótbolti Íslenski boltinn Besta deild karla Valur Breiðablik Mest lesið Segir að eitrað hafi verið fyrir leikmönnum liðsins Fótbolti Hulda Elma vann Hengil Ultra á brautarmeti Sport Má ekki koma inn í íþróttahús í tíu mánuði Körfubolti Arnór Atla valinn þjálfari ársins Handbolti Taiwo Badmus staðfestur hjá Stólunum: „Ég er kominn heim“ Körfubolti Snýr aftur til Íslands betri en nokkru sinni áður Körfubolti Gummi Ben fékk gullmerki Þórs afhent á Spáni Íslenski boltinn Liverpool hækkar tilboð sitt Enski boltinn Uppgjörið: Víkingur-FH 1-4 | Eintóm hamingja hjá FH-konum í Víkinni Íslenski boltinn Uppgjör: Fram - Stjarnan 3-1 | Framarar sannfærandi Íslenski boltinn Fleiri fréttir Leik lokið: Þróttur - Þór/KA 2-0 | Þróttur með þriggja stiga forskot á toppnum Uppgjör: Fram - Stjarnan 3-1 | Framarar sannfærandi Uppgjörið: Breiðablik-FHL 6-0 | Sex Blikakonur á skotskónum Uppgjörið: Víkingur-FH 1-4 | Eintóm hamingja hjá FH-konum í Víkinni Gummi Ben fékk gullmerki Þórs afhent á Spáni Blómstra á meðan Valskonur eru sögulega slakar Framlengja við markahæsta manninn sinn Uppgjörið: Tindastóll-Valur 2-2 | Bið Valskvenna lengist enn Brynjar Björn í þjálfarateymi Víkings Caroline kveður Þrótt og heldur heim til Bandaríkjanna Sjáðu fimm flottustu mörk maímánaðar Leiknir byrjar vel undir stjórn Gústa Gylfa og ÍR-ingar á toppinn Andri Már fékk tískuráð á stórleiknum á Kópavogsvelli Völdu þann leikmann í Bestu deildinni sem er líkastur þeim sjálfum Ágúst Gylfason snýr aftur í boltann og tekur við Leikni „Þá verður þú bara að taka höggin“ Bönnin þegar Besta hefst aftur: Víkingar missa lykilmann og Vestri án tveggja Pétur Rúnar á bekknum hjá Stólunum í 3. deildinni Ummæli Davíðs Smára ekki á borði aganefndar Sýndu reiði Davíðs skilning en fannst hann fara yfir strikið „Okkar markmið hefur alltaf verið að vera í toppbaráttunni“ Umfjöllun: Valur-Fram 2-1 | Níu stig í Valshúsi á níu dögum Sjáðu miðjumark Sverris, tvennu Tobiasar, rautt á Alex og Atla stela sigri Dagskráin í dag: Litrík umferð gerð upp í Stúkunni „Þetta mark átti ekki að telja“ Leik lokið: Breiðablik - Víkingur 3-1 | Allt í hnút á toppnum „Erum með sjö stigum meira en á sama tíma í fyrra“ Uppgjörið: FH - Afturelding 0-0| Markalaust í bragðdaufum leik Uppgjörið: ÍA - ÍBV 0-3 | Eyjamenn fara með tvo sigurleiki á bakinu inn í hléið Uppgjörið: KA - Stjarnan 1-1 | Náðu að lokum að jafna gegn tíu gestum Sjá meira