Sigurður Hrannar Þorsteinsson er genginn aftur til liðs við ÍA eftir rúmlega eins árs veru á Seltjarnarnesi, þar sem hann var fyrst að láni frá ÍA og gerði svo samning við Gróttu síðastliðið haust.
Þessi 22 ára gamli sóknarmaður hefur skorað sjö mörk í þrettán leikjum í deild og bikar með Gróttu í sumar.
Hann spilaði fimmtán leiki með Skagamönnum í efstu deild sumarið 2020 og skoraði eitt mark.
ÍA er í miklum vandræðum í Bestu deildinni þar sem liðið er í neðsta sæti og hefur aðeins unnið einn leik á tímabilinu.
Sigurður Hrannar, That s it that s the tweet#SigurðurSigns pic.twitter.com/97yPWfCK7o
— ÍA Akranes FC (@Skagamenn) July 17, 2022
