Bertone framlengir við Íslandsmeistarana

Frá þessu er greint á samfélagsmiðlum Valsmanna, en Bertone kom til Vals frá Hukum fyrir seinasta tímabil.

Bertone spilaði stórt hlutverk í liði Vals er félagið tryggði sér Íslandsmeistaratitilinn í körfubolta. Hann skilaði að meðaltali 15 stigum, fimm fráköstum og fimm stoðsendingum í leik.

Íslandsmeistararnir ætla sér greinilega að halda svipuðum kjarna og skilaði þeim titlinum í vor. Í gær tilkynnti félagið að Kári Jónsson, mikilvægasti leikmaður úrslitakeppninnar á seinasta tímabili, hefði skrifað undir áframhaldandi samning við félagið.