Ein ástsælasta leikkona landsins, Edda Björgvinsdóttir, hefur sett íbúð sína á Skólavörðustíg 6a á sölu. Um er að ræða þriggja herbergja íbúð, 74,5 fermetrar og er ásett verð tæplega 69 milljónir.
Íbúðin er hlýleg og fallega skreytt og auðvitað staðsett í hjarta borgarinnar. Svalirnar snúa að Hallveigarstíg í suðri. Húsið er byggt árið 1986 og í henni er bæði opið eldhús og stofa.„“
Ásett verð er 68,9 milljónir en fasteignamatið er 44,8 milljónir og brunabótamatið er 36,2 milljónir
Opið hús verður hjá Eddu 30. ágúst 2022 kl. 17:15 til 17:45. Nánar má kynna sér íbúðina á Fasteignavef Vísis.
Edda Björgvinsdóttir var sæmd Fálkaorðu og hlaut titilinn borgarlistamaður Reykjavíkur 2018.
Mæðginin Edda Björgvins og Björgvin Franz eru að byrja með nýja þætti á Stöð 2 en tökum á þeim lauk daginn sem Gísli Rúnar, fyrrverandi eiginmaður Eddu og faðir Björgvins, lést. Þættirnir eru því tileinkaðir Gísla Rúnari.
