Mikilvægar vikur í vændum í Úkraínu Samúel Karl Ólason skrifar 8. febrúar 2023 23:06 Úkraínskir hermenn í þjálfun í Bretlandi. Verið er að þjálfa þá í notkun Challenger 2 skriðdreka og eiga þeir að verða komnir til Úkraínu í næsta mánuði. Getty/Andrew Matthews Ráðamenn í Úkraínu búast við umfangsmiklum árásum Rússa í austurhluta landsins á næstu vikum. Þeir segja Rússa hafa komið tugum og jafnvel hundruð þúsund hermönnum fyrir á svæðinu og þeir séu þegar byrjaðir að reyna að brjóta varnir Úkraínumanna á bak aftur með því að senda hermenn fram í bylgjum. Sérfræðingar segja sókn Rússa mögulega byrjaða en Rússar hafa náð hægum en mjög kostnaðarsömum árangri á undanförnum dögum í Úkraínu. Í samtali við Foreign Policy (áskriftarvefur) segja úkraínskir embættismenn að Rússar hafi nú rúmlega þrjú hundruð þúsund hermenn í Úkraínu í kjölfar herkvaðningarinnar í haust, sem ráðamenn í Evrópu segja að hafi aldrei verið stöðvuð. Rússar séu enn að kveðja menn í herinn en fari leynt með það. Sérfræðingar sem vakta átökin segja þó líklegt að raunverulegur fjöldi rússneskra hermanna sé nokkuð lægri að svo stöddu. Þeir eru þó fleiri en tóku þátt í upprunalegri innrás Rússa í febrúar í fyrra og staðsettir á mun minna svæði en þá. Á móti kemur að hermennirnir eru margir kvaðmenn, sem hafa fengið litla þjálfun og eru ekki jafn vel búnir og atvinnuhermennirnir sem réðust inn í Úkraínu í fyrra. Í heildina eru mun fleiri hermenn á mun minni víglínum en áður hefur verið í Úkraínu. „Við búumst við risastórri nýrri innrás á næstu tíu dögum,“ sagði einn viðmælandi Foreign Policy úr úkraínska hernum. Sækja fram í bylgjum Blaðamaður Wall Street Journal ræddi við hermann nærri Bakhmut í Dónetsk héraði en Rússar hafa um nokkuð langt skeið lagt mikið púður í að ná bænum á sitt vald. Þeir eru sagðir nærri því að umkringja bæinn og telja sérfræðingar mögulegt að Úkraínumenn muni hörfa þaðan á næstu dögum Majórinn Yuriy Harkaviy sagði frá því að í janúar hefði sveit hans skotið sprengikúlum að um tuttugu rússneskum hermönnum sem sóttu að Bakhmut. Skömmu síðar hafi aðrir tuttugu birst og svo tíu í viðbót. Síðar þann dag komu tuttugu rússneskir hermenn til viðbótar og þeim tókst að grafa skurði aðeins nær Bakhmut en skurðir þeirra voru áður. „Ég veit ekki hvenær þeir verða uppiskroppa með hermenn,“ sagði Harkaviy. „Það eru lík alls staðar.“ Úkraínumenn hafa einnig orðið fyrir miklu mannfalli í og við Bakhmut. Mannfallið er þó hærra meðal Rússa og Úkraínumenn segjast vera að draga máttinn úr Rússum og að endingu verði þeir viðkvæmari gagnvart gagnárásum. Rússar hafa einnig verið að gera árásir nærri Vuhledar, suður af Bakhmut, og eru sagðir hafa orðið fyrir miklu mannfalli þar. There are so many videos going around regarding the failed Russian attack on Vuhledar. #Ukraine #Vuhledar pic.twitter.com/B63G0BkHhq— (((Tendar))) (@Tendar) February 8, 2023 Vilja vopnin fyrr Bakhjarlar Úkraínu hafa heitið því að senda Úkraínumönnum vestræna bryn- og skriðdreka, en í flestum tilfellum er útlit fyrir að þau vopn berist ekki til Úkraínu fyrr en í næsta mánuði eða í apríl. Sjá einnig: Segja að vestrænir skriðdrekar brenni eins og aðrir Rishi Sunak, forsætisráðherra Bretlands, sagði í dag að þeir fjórtán Challenger 2 skriðdrekar sem Bretar hefðu gefið Úkraínumönnum yrðu komnir til landsins í næsta mánuði. Verið er að þjálfa úkraínska hermenn í notkun þeirra í Bretlandi. Sunak sagði einnig að Bretar væru tilbúnir til að þjálfa úkraínska flugmenn á vestrænar herþotur og gaf í skyn að til greina kæmi að útvega Úkraínumönnum slíkar þotur. Sjá einnig: Órjúfanleg vinátta þjóðanna tveggja Vólódímír Selenskí, forseti Úkraínu, hefur kallað eftir vestrænum orrustuþotum og langdrægari eldflaugum til að gera meðal annars árásir á birgðastöðvar Rússa bak við víglínurnar. Í Bretlandi í dag ítrekaði hann þá beiðni og sagði Úkraínu þurfa þotur til að verja sig. „Ég veit ekki hvernig við eigum eftir að standa þessa árás af okkur. Það verður mjög erfitt,“ sagði úkraínskur þingmaður við Foreign Policy um væntanlegar árásir Rússa. „Við eigum ekki nóg af skotfærum, af öllu. Skriðdrekarnir koma svo ekki fyrr en seinna. Allt á að koma eftir árásina.“ Innrás Rússa í Úkraínu Úkraína Rússland Hernaður Tengdar fréttir Selenskí í óvæntri heimsókn til Bretlands í dag Vólódímír Selenskí Úkraínuforseti mun í dag heimsækja Bretland í fyrsta sinn síðan Rússar réðust inn í heimaland hans fyrir tæpu ári síðan. Heimsóknin er óvænt en við því er búist að Selenskí muni á morgun ferðast til Brussel til fundar við Evrópusambandið. 8. febrúar 2023 10:40 Rússar hóta að auka árásir sínar vegna vopnasendinga Bandaríkjamenn eru byrjaðir að senda Bradley bryndreka til Úkraínu en hafa einnig lofað að senda þangað öflugri skriðdreka ásamt nokkrum ríkjum Evrópu. Varnarmálaráðherra Rússlands segir að með þessu séu bandalagsþjóðirnar að reyna að lengja í stríðinu. 7. febrúar 2023 19:50 Segir Pútín hafa lofað sér því að láta ekki drepa Selenskí Naftali Bennett, fyrrverandi forsætisráðherra Ísrael, hefur greint frá því að Vladimir Pútín Rússlandsforseti hafi heitið honum því skömmu eftir innrás Rússa í Úkraínu að hann myndi ekki láta drepa Vólódímír Selenskí, forseta Úkraínu. 6. febrúar 2023 07:36 Mest lesið Vön því að hringja í fullorðna karlmenn á fölskum forsendum Innlent Játa frelsisviptingu og rán en hafna manndrápi Innlent Aldrei kynnst neinum sem harkaði jafnmikið af sér Innlent „Ég er fimmtíu kíló, ég get ekki stoppað hann“ Innlent „Hann var hræddur, eiginlega alveg skíthræddur“ Innlent „Tesla er ekki málið til að standa í svona“ Innlent Tilgangurinn að ná í „easy money“ Innlent Yfirmaður heraflans er á móti hernámi og vill semja Erlent Minntust Jesse í Vesturbænum: „Það er mikill söknuður að virkilega góðum dreng“ Innlent Hækkar frítekjumark vegna hækkunar örorkulífeyris Innlent Fleiri fréttir Vörpuðu sprengjum á sjúkrahús með 15 mínútna millibili Vilja nú senda El Salvador fangann til Úganda Habeck hættir á þingi Hótar að senda herinn til Baltimore El Mayo sagður ætla að játa sekt Tíunda skotið klikkaði Yfirmaður heraflans er á móti hernámi og vill semja Persónulegar og átakanlegar lýsingar í ævisögu Giuffre Þýska velferðarríkið standi ekki lengur undir sér Á sjöunda tug drepin í stórtækum árásum Ríkisstjóri Illinois sakar Trump um valdníðslu Lést við tökur á Emily in Paris „Forsetinn var aldrei óviðeigandi við neinn“ Fjöldi látinn eftir rútuslys í New York Gerðu húsleit á heimili fyrrverandi þjóðaröryggisráðgjafa Trump Staðfesta hungursneyð á Gasa Thunberg og félagar borin út úr norska seðlabankanum Hótar Hamas með helvíti og gjöreyðingu Gasa-borgar Rússar vilja koma að því að tryggja öryggi Úkraínu Erik Menendez fær ekki reynslulausn Fella niður 64 milljarða sekt Trump Samþykktu ný hagstæðari kjördæmi í Texas Vara við hörmungum verði gert áhlaup á Gasaborg Stefna á fjöldaframleiðslu á eigin stýriflaugum Losun Kína dregst saman vegna uppgangs í sólarorku Líkamlegar refsingar hamla þroska og hafa áhættu í för með sér Handtekinn á Ítalíu vegna Nord Stream sprenginganna Rússar halda árásum áfram Ætla að stoppa farandfólk með svartri málningu Mega neita þeim aðgengi sem bera keffiyeh Sjá meira
Sérfræðingar segja sókn Rússa mögulega byrjaða en Rússar hafa náð hægum en mjög kostnaðarsömum árangri á undanförnum dögum í Úkraínu. Í samtali við Foreign Policy (áskriftarvefur) segja úkraínskir embættismenn að Rússar hafi nú rúmlega þrjú hundruð þúsund hermenn í Úkraínu í kjölfar herkvaðningarinnar í haust, sem ráðamenn í Evrópu segja að hafi aldrei verið stöðvuð. Rússar séu enn að kveðja menn í herinn en fari leynt með það. Sérfræðingar sem vakta átökin segja þó líklegt að raunverulegur fjöldi rússneskra hermanna sé nokkuð lægri að svo stöddu. Þeir eru þó fleiri en tóku þátt í upprunalegri innrás Rússa í febrúar í fyrra og staðsettir á mun minna svæði en þá. Á móti kemur að hermennirnir eru margir kvaðmenn, sem hafa fengið litla þjálfun og eru ekki jafn vel búnir og atvinnuhermennirnir sem réðust inn í Úkraínu í fyrra. Í heildina eru mun fleiri hermenn á mun minni víglínum en áður hefur verið í Úkraínu. „Við búumst við risastórri nýrri innrás á næstu tíu dögum,“ sagði einn viðmælandi Foreign Policy úr úkraínska hernum. Sækja fram í bylgjum Blaðamaður Wall Street Journal ræddi við hermann nærri Bakhmut í Dónetsk héraði en Rússar hafa um nokkuð langt skeið lagt mikið púður í að ná bænum á sitt vald. Þeir eru sagðir nærri því að umkringja bæinn og telja sérfræðingar mögulegt að Úkraínumenn muni hörfa þaðan á næstu dögum Majórinn Yuriy Harkaviy sagði frá því að í janúar hefði sveit hans skotið sprengikúlum að um tuttugu rússneskum hermönnum sem sóttu að Bakhmut. Skömmu síðar hafi aðrir tuttugu birst og svo tíu í viðbót. Síðar þann dag komu tuttugu rússneskir hermenn til viðbótar og þeim tókst að grafa skurði aðeins nær Bakhmut en skurðir þeirra voru áður. „Ég veit ekki hvenær þeir verða uppiskroppa með hermenn,“ sagði Harkaviy. „Það eru lík alls staðar.“ Úkraínumenn hafa einnig orðið fyrir miklu mannfalli í og við Bakhmut. Mannfallið er þó hærra meðal Rússa og Úkraínumenn segjast vera að draga máttinn úr Rússum og að endingu verði þeir viðkvæmari gagnvart gagnárásum. Rússar hafa einnig verið að gera árásir nærri Vuhledar, suður af Bakhmut, og eru sagðir hafa orðið fyrir miklu mannfalli þar. There are so many videos going around regarding the failed Russian attack on Vuhledar. #Ukraine #Vuhledar pic.twitter.com/B63G0BkHhq— (((Tendar))) (@Tendar) February 8, 2023 Vilja vopnin fyrr Bakhjarlar Úkraínu hafa heitið því að senda Úkraínumönnum vestræna bryn- og skriðdreka, en í flestum tilfellum er útlit fyrir að þau vopn berist ekki til Úkraínu fyrr en í næsta mánuði eða í apríl. Sjá einnig: Segja að vestrænir skriðdrekar brenni eins og aðrir Rishi Sunak, forsætisráðherra Bretlands, sagði í dag að þeir fjórtán Challenger 2 skriðdrekar sem Bretar hefðu gefið Úkraínumönnum yrðu komnir til landsins í næsta mánuði. Verið er að þjálfa úkraínska hermenn í notkun þeirra í Bretlandi. Sunak sagði einnig að Bretar væru tilbúnir til að þjálfa úkraínska flugmenn á vestrænar herþotur og gaf í skyn að til greina kæmi að útvega Úkraínumönnum slíkar þotur. Sjá einnig: Órjúfanleg vinátta þjóðanna tveggja Vólódímír Selenskí, forseti Úkraínu, hefur kallað eftir vestrænum orrustuþotum og langdrægari eldflaugum til að gera meðal annars árásir á birgðastöðvar Rússa bak við víglínurnar. Í Bretlandi í dag ítrekaði hann þá beiðni og sagði Úkraínu þurfa þotur til að verja sig. „Ég veit ekki hvernig við eigum eftir að standa þessa árás af okkur. Það verður mjög erfitt,“ sagði úkraínskur þingmaður við Foreign Policy um væntanlegar árásir Rússa. „Við eigum ekki nóg af skotfærum, af öllu. Skriðdrekarnir koma svo ekki fyrr en seinna. Allt á að koma eftir árásina.“
Innrás Rússa í Úkraínu Úkraína Rússland Hernaður Tengdar fréttir Selenskí í óvæntri heimsókn til Bretlands í dag Vólódímír Selenskí Úkraínuforseti mun í dag heimsækja Bretland í fyrsta sinn síðan Rússar réðust inn í heimaland hans fyrir tæpu ári síðan. Heimsóknin er óvænt en við því er búist að Selenskí muni á morgun ferðast til Brussel til fundar við Evrópusambandið. 8. febrúar 2023 10:40 Rússar hóta að auka árásir sínar vegna vopnasendinga Bandaríkjamenn eru byrjaðir að senda Bradley bryndreka til Úkraínu en hafa einnig lofað að senda þangað öflugri skriðdreka ásamt nokkrum ríkjum Evrópu. Varnarmálaráðherra Rússlands segir að með þessu séu bandalagsþjóðirnar að reyna að lengja í stríðinu. 7. febrúar 2023 19:50 Segir Pútín hafa lofað sér því að láta ekki drepa Selenskí Naftali Bennett, fyrrverandi forsætisráðherra Ísrael, hefur greint frá því að Vladimir Pútín Rússlandsforseti hafi heitið honum því skömmu eftir innrás Rússa í Úkraínu að hann myndi ekki láta drepa Vólódímír Selenskí, forseta Úkraínu. 6. febrúar 2023 07:36 Mest lesið Vön því að hringja í fullorðna karlmenn á fölskum forsendum Innlent Játa frelsisviptingu og rán en hafna manndrápi Innlent Aldrei kynnst neinum sem harkaði jafnmikið af sér Innlent „Ég er fimmtíu kíló, ég get ekki stoppað hann“ Innlent „Hann var hræddur, eiginlega alveg skíthræddur“ Innlent „Tesla er ekki málið til að standa í svona“ Innlent Tilgangurinn að ná í „easy money“ Innlent Yfirmaður heraflans er á móti hernámi og vill semja Erlent Minntust Jesse í Vesturbænum: „Það er mikill söknuður að virkilega góðum dreng“ Innlent Hækkar frítekjumark vegna hækkunar örorkulífeyris Innlent Fleiri fréttir Vörpuðu sprengjum á sjúkrahús með 15 mínútna millibili Vilja nú senda El Salvador fangann til Úganda Habeck hættir á þingi Hótar að senda herinn til Baltimore El Mayo sagður ætla að játa sekt Tíunda skotið klikkaði Yfirmaður heraflans er á móti hernámi og vill semja Persónulegar og átakanlegar lýsingar í ævisögu Giuffre Þýska velferðarríkið standi ekki lengur undir sér Á sjöunda tug drepin í stórtækum árásum Ríkisstjóri Illinois sakar Trump um valdníðslu Lést við tökur á Emily in Paris „Forsetinn var aldrei óviðeigandi við neinn“ Fjöldi látinn eftir rútuslys í New York Gerðu húsleit á heimili fyrrverandi þjóðaröryggisráðgjafa Trump Staðfesta hungursneyð á Gasa Thunberg og félagar borin út úr norska seðlabankanum Hótar Hamas með helvíti og gjöreyðingu Gasa-borgar Rússar vilja koma að því að tryggja öryggi Úkraínu Erik Menendez fær ekki reynslulausn Fella niður 64 milljarða sekt Trump Samþykktu ný hagstæðari kjördæmi í Texas Vara við hörmungum verði gert áhlaup á Gasaborg Stefna á fjöldaframleiðslu á eigin stýriflaugum Losun Kína dregst saman vegna uppgangs í sólarorku Líkamlegar refsingar hamla þroska og hafa áhættu í för með sér Handtekinn á Ítalíu vegna Nord Stream sprenginganna Rússar halda árásum áfram Ætla að stoppa farandfólk með svartri málningu Mega neita þeim aðgengi sem bera keffiyeh Sjá meira
Selenskí í óvæntri heimsókn til Bretlands í dag Vólódímír Selenskí Úkraínuforseti mun í dag heimsækja Bretland í fyrsta sinn síðan Rússar réðust inn í heimaland hans fyrir tæpu ári síðan. Heimsóknin er óvænt en við því er búist að Selenskí muni á morgun ferðast til Brussel til fundar við Evrópusambandið. 8. febrúar 2023 10:40
Rússar hóta að auka árásir sínar vegna vopnasendinga Bandaríkjamenn eru byrjaðir að senda Bradley bryndreka til Úkraínu en hafa einnig lofað að senda þangað öflugri skriðdreka ásamt nokkrum ríkjum Evrópu. Varnarmálaráðherra Rússlands segir að með þessu séu bandalagsþjóðirnar að reyna að lengja í stríðinu. 7. febrúar 2023 19:50
Segir Pútín hafa lofað sér því að láta ekki drepa Selenskí Naftali Bennett, fyrrverandi forsætisráðherra Ísrael, hefur greint frá því að Vladimir Pútín Rússlandsforseti hafi heitið honum því skömmu eftir innrás Rússa í Úkraínu að hann myndi ekki láta drepa Vólódímír Selenskí, forseta Úkraínu. 6. febrúar 2023 07:36