Fyrrum for­sætis­ráð­herra Svía gæti orðið for­seti sænska sam­bandsins

Sérstök valnefnd lagði það til við sænska sambandið að Reinfeldt væri besti kosturinn.

„Við höfum hlustað á alla og höfðum á endanum tekið þá ákvörðun að tillaga nefndarinnar til þessarar stöðu í sænska knattspyrnusambandinu sé Fredrik Reinfeldt,“ segir í greinargerð nefndarinnar.

Sænska knattspyrnusambandið kýs nýjan forseta 25. mars næstkomandi. Karl-Erik Nilsson hefur verið forseti frá 2012 en ákvað að hætta í ár.

Fredrik Reinfeldt, sem er frá Stokkhólmi, er 57 ára gamall en hann var forsætisráðherra Svíþjóðar frá 2006 til 2014. Hann varð á sínum tíma sá þriðji yngsti til að gegna þessari stöðu en Reinfeldt var 41 árs þegar hann tók við.

Reinfeldt er harður stuðningsmaður Djurgårdens IF og mikill fótboltaáhugamaður.