Lífið

The Ellen DeGeneres Show stjarnan Sophia Grace er orðin móðir

Elma Rut Valtýsdóttir skrifar
Sophia Grace og Rosie slógu eftirminnilega í gegn í þáttunum The Ellen DeGeneres Show fyrir um tíu árum síðan.
Sophia Grace og Rosie slógu eftirminnilega í gegn í þáttunum The Ellen DeGeneres Show fyrir um tíu árum síðan. Getty/Alberto E. Rodriguez

Barnastjarnan Sophia Grace Brownlee, sem sló eftirminnilega í gegn í The Ellen DeGeneres Show, hefur eignast sitt fyrsta barn. Hún komst í sviðsljósið aðeins átta ára gömul þegar hún rappaði lagið Super Bass með Nicki Minaj ásamt frænku sinni Rosie McClelland.

Í dag er Sophia Grace nítján ára gömul og starfar sem áhrifavaldur. Í haust tilkynnti hún fylgjendum sínum að hún ætti von á barni. Hún viðurkenndi þó að sér hafi orðið brugðið við fréttirnar í fyrstu.

Mörgum aðdáendum varð einnig brugðið og einhverjir sögðu Sophiu of unga til þess að eignast barn. Sophia sagðist aftur á móti gefa lítið fyrir slíkar athugasemdir.

„Þetta snýst bara um manneskjuna sjálfa. Svo lengi sem þér finnst þú vera tilbúin og þetta er eitthvað sem þú ert ánægð með, þá kemur þetta engum öðrum við,“ sagði hún.

Í gær tilkynnti Sophia að henni hefði fæðst drengur þann 26. febrúar síðastliðinn. Hamingjuóskum rignir yfir nýbökuðu móðurina, meðal annars frá Ellen DeGeneres sjálfri sem skrifar: „Velkomin í heiminn, Nicki Minaj hin þriðja“ og vitnar þar í atriði Sophia Grace og Rosie.

Hollywood Barnalán

Tengdar fréttir

The Ellen DeGeneres Show stjarnan Sophia Grace er ólétt

Barnastjarnan Sophia Grace Brownlee, sem sló eftirminnilega í gegn í The Ellen DeGeneres Show, á von á barni. Hún komst í sviðsljósið þegar hún var aðeins níu ára gömul að rappa lagið Super Bass með Nicki Minaj ásamt frænku sinni Rosie McClelland.

„Bless“

Spjallþáttastjórnandinn Ellen DeGeneres hefur nú kvatt þáttinn sinn í síðasta skipti eftir nítján þáttaraðir. Hún bauð Jennifer Aniston velkomna sem síðasta gest þáttarins en hún var einnig fyrsti gesturinn þegar þættirnir hófu göngu sína árið 2003.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.