Í Lögbirtingablaðinu segir að kröfur Skattsins verða teknar fyrir miðvikudaginn 31. maí næst komandi og eru fyrirsvarsmenn félaganna, kröfuhafa eða annarra sem telja sig eiga lögvarinna hagsmuna að gæta, hvattir til þess að mæta fyrir dóm og koma fram mótmælum ef einhver eru.
Félögin þrjátíu eru eftirfarandi:
Staðganga-stuðningsfélag staðgö
Starfsmannafélag Fjarsölu Flugl
Handverkshópur Mosfellsb/nágr
Venusarhópurinn,áhugamannafél
Afmælisgjöf til KR,félag
Agitu ehf.
Starfsmannafélag Tímarit Fróða
Starfsmannafélag Samtaka iðnað
Skógarsjóðurinn
Reykjavíkurlistinn
Stjórnunarfélag Íslands
Samtök um kvennalista
Mosfellsfréttir
Styrktarsjóður iðnaðarmanna
Snókerfélagið Tankurinn
Félag íslenskra fjallaleiðsögum
SJA105 ehf.
CGS Redmond Techn LLC,útbú Ísl
Hagsmunasamt útskr. viðskd HR
Ævintýraklúbburinn,áhugamfélag
Yoga stúdíó sf.
Dúddi,félag lokaársn Byggd TÍ
Fallhlífaklúbbur Reykjavíkur
Minningarsjóður Haralds Blöndal
Íslenska sundþjálfarasambandið
Theódóra ehf
Starfsmannafélag Háskólabíós
Skákfélagið Hrókurinn
Esja,félag framsóknarkv í Kjós
Vísindasjóður sérfr háls/n Bsp
Þekktasta félagið er að öllum líkindum stjórnmálaaflið Reykjavíkurlistinn sem var stofnað fyrir borgarstjórnarkosningar árið 1994. Flokkurinn bauð sig aftur fram 1998 og 2002 og fékk ávallt yfir fimmtíu prósent fylgi. Var Reykjavíkurlistinn sameiginlegur framboðslisti félagshyggjuflokka í Reykjavík.
Upprunalega voru það Alþýðuflokkurinn, Alþýðubandalagið, Framsóknarflokkurinn og Samtök um kvennalista, félag sem Skatturinn vill einnig slíta.
Ingibjörg Sólrún Gísladóttir leiddi flokkinn í öllum þremur kosningum og gegndi embætti borgarstjóra árin 1994 til 2003 þegar Þórólfur Árnason tók við.