Ársfundur Orkustofnunar fer fram í dag í Norðurljósasal Hörpu. Húsið opnar klukkan hálf níu en formleg dagskrá hefst klukkan níu.
Meðal þeirra sem munu taka til máls eru Ólafur Ragnar Grímsson, fyrrverandi forseti Íslands, Guðlaugur Þór Þórðarson, umhverfis-, orku og loftslagsmálaráðherra og Halla Hrund Logadóttir, orkumálastjóri Orkustofnunar.
Raforkuöryggi, skilvirkni stjórnsýslu á tímum orkuskipta og nýting jarðhita eru meðal þeirra mála sem tekin verða fyrir á fundinum. Dagskrána í heild sinni má nálgast á vefsíðu Orkustofnunar.
Streymi af viðburðinum má nálgast hér.
Losun gróðurhúsalofttegunda vegna kolanotkunar stóriðju á Íslandi er talin fram í losunarbókhaldi hennar þrátt fyrir að Orkustofnun telji kolin ekki lengur hluta af frumorkunotkun á landinu. Sviðsstjóri hjá Orkustofnun segir að engin losun sé dulin með breytingunni.
Ný brú yfir Þjórsá á móts við þorpið Árnes er núna á lokastigi hönnunar og gæti farið í útboð í haust. Brúin styttir vegalengdir um tugi kílómetra milli efstu byggða í Árnes- og Rangárvallasýslu en brúarsmíðin er hluti af vegagerð Landsvirkjunar vegna fyrirhugaðrar Hvammsvirkjunar.
Áform eru um að sameina tíu stofnanir sem heyra undir umhverfis-, orku- og loftslagsráðuneytið í þrjár stofnanir. Ráðherra segir að markmiðið með sameiningunni sé að efla stofnanir ráðuneytisins.
