Ítalska félagaskiptavéfréttin Fabrizio Romano greinir frá þessu. Hann segir að Man City hafi samið við hinn 21 árs gamla Gvardiol en eigi eftir að ná samkomulagi við Leipzig. Þýska félagið vill að Króatinn verði dýrasti varnarmaður heims. Talar Romano um að kaupverðið verði yfir 100 milljónir evra.
Understand Manchester City have now agreed personal terms with Jo ko Gvardiol #MCFC
— Fabrizio Romano (@FabrizioRomano) June 24, 2023
Pep Guardiola rates Jo ko highly.
Talks will take place between clubs; RB Leipzig hope to keep Gvardiol, won t sell for less than 100m.
Leipzig want Jo ko to be most expensive CB ever. pic.twitter.com/aRpzjKnzHb
Englandsmeistararnir hafa verið heldur rólegir á markaðnum það sem af er sumri. Þeir sóttu Mateo Kovačić frá Chelsea til að fylla skarð İlkay Gündoğan en sá samdi við Spánarmeistara Barcelona eftir að samningur hans rann út. Þá hefur Kyle Walker verið orðaður frá félaginu.
Pep Guardiola, þjálfari liðsins, vill greinilega hafa fleiri varnarmenn í leikmannahópi sínum og ætti að styttast í að Man City nái samkomulagi við Leipzig um hinn örvfætta Gvardiol. Sá er talinn einn efnilegasti varnarmaður heims í dag.
Hann getur leyst bæði miðvörð og bakvörð. Hann gekk í raðir RB Leipzig árið 2020 frá Dinamo Zagreb í heimalandinu. Þá hefur Gvardiol spilað 21 A-landsleik.
