„Með hjartað á 200 og þurfti að taka hlé frá vinnunni“ Sindri Sverrisson skrifar 3. júlí 2023 14:06 Sandra Erlingsdóttir er ein af fáum atvinnumönnum í íslenska landsliðshópnum og hefur þurft að venjast því að meirihluti liðsfélaga hennar sé á stórmóti í nóvember og desember, á meðan hún fer í ræktarsalinn. VÍSIR/HULDA MARGRÉT „Þetta var svo ótrúlega mikið sjokk áðan vegna þess að ég var ekki búin að gera mér neinar vonir,“ segir Sandra Erlingsdóttir, himinlifandi eftir þau tíðindi dagsins að hún sé leiðinni á HM í handbolta í lok nóvember. Sandra og stöllur hennar í íslenska landsliðinu spila á heimsmeistaramótinu eftir að IHF, alþjóða handboltasambandið, ákvað að úthluta Íslandi og Austurríki síðustu tveimur lausu sætunum á mótinu. Í umspilinu í Evrópu um sæti á HM tapaði Austurríki sínu einvígi með minnstum mun en Ísland og Sviss töpuðu sínum einvígum með sama mun. IHF ræður hins vegar alfarið til hvaða þátta er horft varðandi úthlutun sætanna tveggja – hinna sérstöku boðssæta (e. wild card). Var viss um að Sviss fengi sætið „Ég hugsaði bara „nei, þetta verða ekki við“. Ég var viss um að þeir gæfu Sviss miðann. Þess vegna reyndi ég að hugsa ekki um þetta en vissi samt að þetta myndi ráðast um þetta leyti. Svo sat ég bara og var að vinna þegar Addi [Arnar Pétursson, landsliðsþjálfari] setti inn tilkynningu á Facebook-hópinn okkar: Til hamingju stelpur. Ég var með hjartað á 200 og endaði á að þurfa að taka hlé frá vinnunni og fara í göngutúr áður en ég gat sest aftur,“ segir Sandra, enn í skýjunum eftir fréttirnar frábæru. Íslenska kvennalandsliðið í handbolta hefur einu sinni áður komist á HM en það var árið 2011 þegar mótið fór fram í Brasilíu. Sandra var þá 13 ára. Nóvember mun skemmtilegri en síðustu ár „Ég man lítið eftir því en man samt eftir að hafa verið uppi í sófa að horfa á leikina. Það er rugl að það skuli vera komin tólf ár síðan síðast. Þetta er auðvitað búið að vera draumur síðan að maður var lítill og nóvember er aldrei skemmtilegur mánuður þegar maður er ekki með á stórmóti. Þá er maður bara sjálfur á einhverjum þrekæfingum á meðan að 70 prósent af liðsfélögunum eru að keppa á mótinu. Það verður mjög gaman að vera partur af því núna,“ segir Sandra. Gætu fengið dauðariðil eða orðið heppnar Ísland verður í neðsta styrkleikaflokki á fimmtudaginn þegar dregið verður í riðla fyrir HM. Sandra segir íslenska liðið þó alveg geta spjarað sig á HM, sérstaklega ef að drátturinn fer vel. „Maður getur auðvitað endað í algjörum dauðariðli þarna en svo getur maður líka orðið heppinn og endað í riðli þar sem við eigum mikinn séns. Það eru lið þarna í potti 2 sem við gætum alveg átt séns á móti, og mér finnst liðin í potti 3 vera á pari við okkur. Það er helst í efsta flokknum sem stórliðin eru,“ segir Sandra. Arnar Pétursson landsliðsþjálfari sendi tilkynningu á leikmenn í dag og óskaði þeim til hamingju með HM-sætið.VÍSIR/HULDA MARGRÉT Góð hvatning fyrir erfiða mánuði HM fer fram í Danmörku, Noregi og Svíþjóð og má því búast við að Íslendingar fjölmenni á mótið og styðji við stelpurnar okkar. „Þetta gæti ekki verið á betri stað. Auðvelt að fljúga og margir Íslendingar sem búa á Norðurlöndunum. Ég veit að fjölskyldumeðlimir eru strax farnir að taka frá þennan tíma,“ segir Sandra sem ætlar að nota fréttirnar góðu sem hvatningu á tveggja mánaða undirbúningstímabili sínu með TuS Metzingen í Þýskalandi: „Ég er að fara á fyrstu æfingu undirbúningstímabilsins í dag og að fá þessar fréttir núna er þvílík hvatning fyrir mann næstu mánuðina. Það er alveg erfitt að búa í útlöndum, lengst frá öllum, og vera að æfa, og það er svo geggjað að fá eitthvað svona. Þá veit maður ástæðuna fyrir því að maður stendur í þessu. Það er fyrir þessi augnablik.“ Landslið kvenna í handbolta Handbolti HM kvenna í handbolta 2023 Mest lesið Moldrík og virðist ætla að umturna kvennafótbolta Fótbolti Umtalað samband við eldri konu talið hafa spillt fyrir Körfubolti Ronaldo staðfestir að Evrópumótið í ár verði hans síðasta Fótbolti Holland í átta liða úrslit EM í fyrsta sinn í sextán ár Fótbolti „Takk fyrir að berjast alltaf fyrir okkur stelpunum“ Íslenski boltinn Í beinni: KA-Valur | Gylfi snýr aftur í undanúrslitum bikarsins Íslenski boltinn Paul Pogba ekki hættur: „Ég mun berjast, fyrir sjálfan mig, gegn þessu óréttlæti“ Fótbolti „Líklega besti leikur lífs míns“ Fótbolti „Geri mér alveg grein fyrir því að þetta sé á einhvern hátt umdeilt“ Handbolti Fyrstur í sögunni til að verja þrjár vítaspyrnur í sama EM-leiknum Fótbolti Fleiri fréttir Markvörðurinn Ísak til Drammen Hanna Guðrún næsti aðstoðarþjálfari Stjörnunnar „Geri mér alveg grein fyrir því að þetta sé á einhvern hátt umdeilt“ Elín Klara valin í lið mótsins á HM Stelpurnar tryggðu sér sjöunda sætið Íslensku stelpurnar spila um sjöunda sætið eftir tap í spennuleik Þórsararnir halda áfram að skila sér heim Segir framlög til afreksíþrótta alltof lág: „Þessar 392 milljónir duga engan veginn“ Riðlar Meistaradeildarinnar klárir: Íslendingar áberandi í bestu deild í heimi Hetjuleg barátta dugði ekki til sigurs gegn Evrópumeisturunum Íslensku stelpurnar mæta Ungverjum í átta liða úrslitum „Held að Guðmundur hafi gert afskaplega lítið gott fyrir íslenskan handbolta og HSÍ“ Kiel reyndi að fá Aron aftur „Fólk sem vissi ekkert hvað það var að tala um“ Öruggur sigur á Svartfjallalandi tryggði sæti í 8-liða úrslitum Gagnrýnir máttlausan stuðning ríkisins við afreksíþróttir Staða HSÍ grafalvarleg Sara Sif til Hauka Ísland í sextán liða úrslit Guðmundur hrærður eftir tíðindi morgunsins Guðmundur fer með Fredericia í Meistaradeildina Rakel og Arnar kynnt til leiks hjá Fram „Held ég sé að verða betri þjálfari með hverju árinu sem líður“ HSÍ tapaði rúmlega 85 milljónum króna Rakel tekur við Fram og landsliðsþjálfarinn aðstoðar Íslensku stelpurnar hófu HM á sigri Sjáðu ótrúlegt kynningarmyndband Viktors Gísla Viktor Gísli til pólsku meistaranna Guðmundur framlengir: „Hefur lyft öllu á hærra plan“ Eyjamenn safna liði: Róbert snýr aftur til Eyja Sjá meira
Sandra og stöllur hennar í íslenska landsliðinu spila á heimsmeistaramótinu eftir að IHF, alþjóða handboltasambandið, ákvað að úthluta Íslandi og Austurríki síðustu tveimur lausu sætunum á mótinu. Í umspilinu í Evrópu um sæti á HM tapaði Austurríki sínu einvígi með minnstum mun en Ísland og Sviss töpuðu sínum einvígum með sama mun. IHF ræður hins vegar alfarið til hvaða þátta er horft varðandi úthlutun sætanna tveggja – hinna sérstöku boðssæta (e. wild card). Var viss um að Sviss fengi sætið „Ég hugsaði bara „nei, þetta verða ekki við“. Ég var viss um að þeir gæfu Sviss miðann. Þess vegna reyndi ég að hugsa ekki um þetta en vissi samt að þetta myndi ráðast um þetta leyti. Svo sat ég bara og var að vinna þegar Addi [Arnar Pétursson, landsliðsþjálfari] setti inn tilkynningu á Facebook-hópinn okkar: Til hamingju stelpur. Ég var með hjartað á 200 og endaði á að þurfa að taka hlé frá vinnunni og fara í göngutúr áður en ég gat sest aftur,“ segir Sandra, enn í skýjunum eftir fréttirnar frábæru. Íslenska kvennalandsliðið í handbolta hefur einu sinni áður komist á HM en það var árið 2011 þegar mótið fór fram í Brasilíu. Sandra var þá 13 ára. Nóvember mun skemmtilegri en síðustu ár „Ég man lítið eftir því en man samt eftir að hafa verið uppi í sófa að horfa á leikina. Það er rugl að það skuli vera komin tólf ár síðan síðast. Þetta er auðvitað búið að vera draumur síðan að maður var lítill og nóvember er aldrei skemmtilegur mánuður þegar maður er ekki með á stórmóti. Þá er maður bara sjálfur á einhverjum þrekæfingum á meðan að 70 prósent af liðsfélögunum eru að keppa á mótinu. Það verður mjög gaman að vera partur af því núna,“ segir Sandra. Gætu fengið dauðariðil eða orðið heppnar Ísland verður í neðsta styrkleikaflokki á fimmtudaginn þegar dregið verður í riðla fyrir HM. Sandra segir íslenska liðið þó alveg geta spjarað sig á HM, sérstaklega ef að drátturinn fer vel. „Maður getur auðvitað endað í algjörum dauðariðli þarna en svo getur maður líka orðið heppinn og endað í riðli þar sem við eigum mikinn séns. Það eru lið þarna í potti 2 sem við gætum alveg átt séns á móti, og mér finnst liðin í potti 3 vera á pari við okkur. Það er helst í efsta flokknum sem stórliðin eru,“ segir Sandra. Arnar Pétursson landsliðsþjálfari sendi tilkynningu á leikmenn í dag og óskaði þeim til hamingju með HM-sætið.VÍSIR/HULDA MARGRÉT Góð hvatning fyrir erfiða mánuði HM fer fram í Danmörku, Noregi og Svíþjóð og má því búast við að Íslendingar fjölmenni á mótið og styðji við stelpurnar okkar. „Þetta gæti ekki verið á betri stað. Auðvelt að fljúga og margir Íslendingar sem búa á Norðurlöndunum. Ég veit að fjölskyldumeðlimir eru strax farnir að taka frá þennan tíma,“ segir Sandra sem ætlar að nota fréttirnar góðu sem hvatningu á tveggja mánaða undirbúningstímabili sínu með TuS Metzingen í Þýskalandi: „Ég er að fara á fyrstu æfingu undirbúningstímabilsins í dag og að fá þessar fréttir núna er þvílík hvatning fyrir mann næstu mánuðina. Það er alveg erfitt að búa í útlöndum, lengst frá öllum, og vera að æfa, og það er svo geggjað að fá eitthvað svona. Þá veit maður ástæðuna fyrir því að maður stendur í þessu. Það er fyrir þessi augnablik.“
Landslið kvenna í handbolta Handbolti HM kvenna í handbolta 2023 Mest lesið Moldrík og virðist ætla að umturna kvennafótbolta Fótbolti Umtalað samband við eldri konu talið hafa spillt fyrir Körfubolti Ronaldo staðfestir að Evrópumótið í ár verði hans síðasta Fótbolti Holland í átta liða úrslit EM í fyrsta sinn í sextán ár Fótbolti „Takk fyrir að berjast alltaf fyrir okkur stelpunum“ Íslenski boltinn Í beinni: KA-Valur | Gylfi snýr aftur í undanúrslitum bikarsins Íslenski boltinn Paul Pogba ekki hættur: „Ég mun berjast, fyrir sjálfan mig, gegn þessu óréttlæti“ Fótbolti „Líklega besti leikur lífs míns“ Fótbolti „Geri mér alveg grein fyrir því að þetta sé á einhvern hátt umdeilt“ Handbolti Fyrstur í sögunni til að verja þrjár vítaspyrnur í sama EM-leiknum Fótbolti Fleiri fréttir Markvörðurinn Ísak til Drammen Hanna Guðrún næsti aðstoðarþjálfari Stjörnunnar „Geri mér alveg grein fyrir því að þetta sé á einhvern hátt umdeilt“ Elín Klara valin í lið mótsins á HM Stelpurnar tryggðu sér sjöunda sætið Íslensku stelpurnar spila um sjöunda sætið eftir tap í spennuleik Þórsararnir halda áfram að skila sér heim Segir framlög til afreksíþrótta alltof lág: „Þessar 392 milljónir duga engan veginn“ Riðlar Meistaradeildarinnar klárir: Íslendingar áberandi í bestu deild í heimi Hetjuleg barátta dugði ekki til sigurs gegn Evrópumeisturunum Íslensku stelpurnar mæta Ungverjum í átta liða úrslitum „Held að Guðmundur hafi gert afskaplega lítið gott fyrir íslenskan handbolta og HSÍ“ Kiel reyndi að fá Aron aftur „Fólk sem vissi ekkert hvað það var að tala um“ Öruggur sigur á Svartfjallalandi tryggði sæti í 8-liða úrslitum Gagnrýnir máttlausan stuðning ríkisins við afreksíþróttir Staða HSÍ grafalvarleg Sara Sif til Hauka Ísland í sextán liða úrslit Guðmundur hrærður eftir tíðindi morgunsins Guðmundur fer með Fredericia í Meistaradeildina Rakel og Arnar kynnt til leiks hjá Fram „Held ég sé að verða betri þjálfari með hverju árinu sem líður“ HSÍ tapaði rúmlega 85 milljónum króna Rakel tekur við Fram og landsliðsþjálfarinn aðstoðar Íslensku stelpurnar hófu HM á sigri Sjáðu ótrúlegt kynningarmyndband Viktors Gísla Viktor Gísli til pólsku meistaranna Guðmundur framlengir: „Hefur lyft öllu á hærra plan“ Eyjamenn safna liði: Róbert snýr aftur til Eyja Sjá meira