Sú stóra er framundan Hrefna Sigurjónsdóttir skrifar 3. ágúst 2023 11:45 Framundan er ein stærsta ferðahelgi ársins, verslunarmannahelgin. Þessa línu höfum við heyrt oft áður og varnaðarorð í aðdraganda verslunarmannahelgar. En sjaldan er góð vísa of oft kveðin. Sér í lagi þegar stóraukinn fjöldi ferðamanna hefur bæst við umferðina á vegum landsins. Við viljum að allir skili sér heilir heim og til þess að svo megi verða þurfum við að taka höndum saman um að fara varlega í akstri og öðru atferli. Virðum umferðarreglurnar Umferðarreglur eru settar til að þetta stóra samvinnuverkefni okkar, umferðin, gangi vel fyrir sig og áfallalaust. Mikilvægt er að ökumenn virði hámarkshraða, taki ekki fram úr nema aðstæður leyfi, noti bílbelti, séu allsgáðir og veiti akstrinum fulla athygli. Ef fiktað er í síma undir stýri getur það haft afdrifaríkar afleiðingar. Rannsóknir sýna að ef fólk sendir textaskilaboð undir stýri þá eykst viðbragðstíminn umtalsvert og verður jafnvel enn hægari en hjá drukkinni manneskju. Ef þú skrifar skilaboð undir stýri lítur þú af veginum í fimm sekúndur að meðaltali. Á 70 km hraða keyrir þú því næstum því 100 metra blindandi meðan þú skrifar. Á 90 km hraða eru það 125 metrar sem er lengra en heill fótboltavöllur. Líkur á slysi snaraukast en þegar þú notar síma undir stýri er 23 sinnum líklegra að þú lendir í slysi. Drukknir ökumenn og ökumenn í síma eiga það sameiginlegt að átta sig ekki á hversu skert hæfni þeirra sem ökumanna raunverulega er. Er þetta símafikt í alvörunni svona mikilvægt? Í upphafi skyldi endinn skoða Þegar kemur að akstri er mikilvægt að sýna fyrirhyggju. Nauðsynlegt er að bílstjóri sé vel úthvíldur og í stakk búinn til að stýra ökutæki. Mikið er í húfi og því er oft betra að leggja einfaldlega síðar af stað ef hvíldar er þörf. Lykilatriði er að gefa sér nægan tíma í umferðinni frekar en að taka óþarfa áhættu. Gott er að athuga ástand bílsins áður en lagt er af stað og þarf ástand ökutækis að vera í lagi áður en farið er í ferðalag og varadekk í skottinu. Þetta á bæði við um bíldekk og ferðavagna. Allir ferðavagnar eiga að vera með ljós sem eru hliðstæð aftur- og hliðarljósum bílsins. Einnig þarf að gæta þess að festa vel ferðavagna, hafa gott útsýni úr baksýnis- og hliðarspeglum og huga að veðurspá áður en lagt er af stað. Við mælum einnig með að hafa framrúðuplástur með í för ef svo óheppilega vill til að steinn skjótist í framrúðuna og skilji eftir sig stjörnu. Þá er hægt að smella plástri á stjörnuna þar til hægt er að athuga með viðgerð á rúðunni. Velkomið er að koma við í útibúum okkar hjá Sjóvá og sækja framrúðuplástra. Að lokum minnum við á að ganga vel frá heimilinu áður en lagt er af stað, læsa og huga að innbrotavörnum en innbrot færast oft í aukana þegar fólk fer í frí. Af litlum neista verður oft mikið bál Heilbrigð skynsemi fleytir okkur langt en þó er gott að minna á nokkur atriði sem gleymst geta í lífsins glaum. Veðrið hefur leikið við okkur undanfarið og þá skapast aðstæður þar sem hætta getur verið á gróðureldum. Hiti, þurrkur og vindur auka hættuna á að lítil glóð geti breytt úr sér í þurrum gróðri og því er vert að gæta þess að fara varlega með eld í náttúrunni. Notkun á grillum ýmiss konar, svo sem kolagrillum, einnota grillum og holugrillum getur tendrað neistann. Glóð úr sígarettu, opinn eldur, varðeldar og neisti úr útblæstri bifreiðar geta einnig tendrað eld svo og neistaflug frá rafmagnsverkfærum. Því er mikilvægt að fara að öllu með gát og kveikja ekki eld í viðkvæmum aðstæðum. Yfirskriftin ,,af litlum neista verður oft mikið bál“ er einnig eitthvað sem yfirfæra mætti á hegðun og vert að leggja upp með góð samskipti og þolinmæði að leiðarljósi nú þegar haldið er af stað í komandi ferðalög og á hátíðir. Ef við höldum áfram að tala í myndlíkingum þá er líka hægt að tendra neistann í huggulegra samhengi og líklega óhjákvæmilegt þessa stemningshelgi. En göngum hægt um gleðinnar dyr og sýnum hvort öðru virðingu og vinsemd. Það er miklu skemmtilegra. Góða verslunarmannahelgi! Höfundur er verkefnastjóri forvarna hjá Sjóvá. Viltu birta grein á Vísi? Sendu okkur póst. Senda grein Ferðalög Tryggingar Sjóvá Umferðaröryggi Hrefna Sigurjónsdóttir Slysavarnir Mest lesið Hvers vegna getur ein greiðsla á ári frá TR verið góður kostur? Sigurjón Skúlason Skoðun Í gíslingu Ríkislögmanns, samtryggingar og spillingar Ásthildur Lóa Þórsdóttir Skoðun Af málathöfnum Gauti Kristmannsson Skoðun Þegar andi Mussolini svífur yfir vötnunum og titlar verða langir Ole Anton Bieltvedt Skoðun Kæri Jón Kaldal Eva Dögg Davíðsdóttir Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun HSÍ er okkur öllum til skammar Björn B. Björnsson Skoðun Fölsk vernd fæðingarorlofslaga fyrir verðandi feður? Erna Guðmundsdóttir Skoðun Etanól í glansumbúðum Ingibjörg Rósa Björnsdóttir Skoðun Þetta er tómarúmið ykkar Eva Dögg Jón Kaldal Skoðun Skoðun Skoðun Hvers vegna getur ein greiðsla á ári frá TR verið góður kostur? Sigurjón Skúlason skrifar Skoðun Í gíslingu Ríkislögmanns, samtryggingar og spillingar Ásthildur Lóa Þórsdóttir skrifar Skoðun Þegar andi Mussolini svífur yfir vötnunum og titlar verða langir Ole Anton Bieltvedt skrifar Skoðun Af málathöfnum Gauti Kristmannsson skrifar Skoðun Etanól í glansumbúðum Ingibjörg Rósa Björnsdóttir skrifar Skoðun Kæri Jón Kaldal Eva Dögg Davíðsdóttir skrifar Skoðun Fölsk vernd fæðingarorlofslaga fyrir verðandi feður? Erna Guðmundsdóttir skrifar Skoðun Gaza - hvað getum við gert? Guðrún María Jónsdóttir,Hulda María Einarsdóttir,Sunna Snædal,Theódór Skúli Sigurðsson skrifar Skoðun Palestína og Vestur-Sahara – Tvær vonlausar aðskilnaðarhreyfingar Finnur Thorlacius Eiríksson skrifar Skoðun Græn svæði Rúna Sif Stefánsdóttir skrifar Skoðun HSÍ er okkur öllum til skammar Björn B. Björnsson skrifar Skoðun Stór skref í átt að réttlæti Alma Ýr Ingólfsdóttir skrifar Skoðun Ógreindir víkingar Hólmfríður Jennýjar Árnadóttir,Álfhildur Leifsdóttir skrifar Skoðun Húsnæðisátak Reykjavíkur á fullu skriði Dóra Björt Guðjónsdóttir skrifar Skoðun Opið bréf til Ásmundar Einars barnamálaráðherra Brynjar Bragi Einarsson skrifar Skoðun Sjókvíeldi: aðför gegn náttúrunni Daníel Þröstur Pálsson skrifar Skoðun Þarf heppni til að fæðingarorlof með fjölbura gangi upp? Margrét Finney Jónsdóttir skrifar Skoðun Árangursríkur þingvetur skilar samfélaginu í rétta átt Ágúst Bjarni Garðarsson skrifar Skoðun 100 ára afmæli lýðveldisins Íslands Margrét Tryggvadóttir skrifar Skoðun Skerðingargildra eldra fólks Viðar Eggertsson skrifar Skoðun Þetta er tómarúmið ykkar Eva Dögg Jón Kaldal skrifar Skoðun 1969 Tómas A. Tómasson skrifar Skoðun Víða búið að brúa umönnunarbilið Unnur Valborg Hilmarsdóttir skrifar Skoðun Ósýnilegir sjúkdómar: Eva fékk ristilkrabbamein fertug Eva Gunnarsdóttir skrifar Skoðun Ísland er einstakt: Ísland dettur ekki úr tísku nema við leyfum því að detta úr tísku Anna Kristín Kristjánsdóttir,Selma Rut Þorsteinsdóttir,Hrafn Gunnarsson,Högni Högnason,Hafsteinn Sv. Hafsteinsson skrifar Skoðun Dugði Írum og Dönum skammt Hjörtur J. Guðmundsson skrifar Skoðun Áfengisumræða? Benedikt S. Benediktsson skrifar Skoðun Takk fyrir tímamótafrumvörp í þágu mannréttinda og örorku- og endurhæfingarlífeyristaka! Þuríður Harpa Sigurðardóttir skrifar Skoðun Tímamót í örorku- og endurhæfingarmálum - takk VG, takk ríkisstjórn Steingrímur J. Sigfússon skrifar Skoðun Litróf mannkyns og tækifærin til að víkka sjóndeildarhringinn Matthildur Björnsdóttir skrifar Sjá meira
Framundan er ein stærsta ferðahelgi ársins, verslunarmannahelgin. Þessa línu höfum við heyrt oft áður og varnaðarorð í aðdraganda verslunarmannahelgar. En sjaldan er góð vísa of oft kveðin. Sér í lagi þegar stóraukinn fjöldi ferðamanna hefur bæst við umferðina á vegum landsins. Við viljum að allir skili sér heilir heim og til þess að svo megi verða þurfum við að taka höndum saman um að fara varlega í akstri og öðru atferli. Virðum umferðarreglurnar Umferðarreglur eru settar til að þetta stóra samvinnuverkefni okkar, umferðin, gangi vel fyrir sig og áfallalaust. Mikilvægt er að ökumenn virði hámarkshraða, taki ekki fram úr nema aðstæður leyfi, noti bílbelti, séu allsgáðir og veiti akstrinum fulla athygli. Ef fiktað er í síma undir stýri getur það haft afdrifaríkar afleiðingar. Rannsóknir sýna að ef fólk sendir textaskilaboð undir stýri þá eykst viðbragðstíminn umtalsvert og verður jafnvel enn hægari en hjá drukkinni manneskju. Ef þú skrifar skilaboð undir stýri lítur þú af veginum í fimm sekúndur að meðaltali. Á 70 km hraða keyrir þú því næstum því 100 metra blindandi meðan þú skrifar. Á 90 km hraða eru það 125 metrar sem er lengra en heill fótboltavöllur. Líkur á slysi snaraukast en þegar þú notar síma undir stýri er 23 sinnum líklegra að þú lendir í slysi. Drukknir ökumenn og ökumenn í síma eiga það sameiginlegt að átta sig ekki á hversu skert hæfni þeirra sem ökumanna raunverulega er. Er þetta símafikt í alvörunni svona mikilvægt? Í upphafi skyldi endinn skoða Þegar kemur að akstri er mikilvægt að sýna fyrirhyggju. Nauðsynlegt er að bílstjóri sé vel úthvíldur og í stakk búinn til að stýra ökutæki. Mikið er í húfi og því er oft betra að leggja einfaldlega síðar af stað ef hvíldar er þörf. Lykilatriði er að gefa sér nægan tíma í umferðinni frekar en að taka óþarfa áhættu. Gott er að athuga ástand bílsins áður en lagt er af stað og þarf ástand ökutækis að vera í lagi áður en farið er í ferðalag og varadekk í skottinu. Þetta á bæði við um bíldekk og ferðavagna. Allir ferðavagnar eiga að vera með ljós sem eru hliðstæð aftur- og hliðarljósum bílsins. Einnig þarf að gæta þess að festa vel ferðavagna, hafa gott útsýni úr baksýnis- og hliðarspeglum og huga að veðurspá áður en lagt er af stað. Við mælum einnig með að hafa framrúðuplástur með í för ef svo óheppilega vill til að steinn skjótist í framrúðuna og skilji eftir sig stjörnu. Þá er hægt að smella plástri á stjörnuna þar til hægt er að athuga með viðgerð á rúðunni. Velkomið er að koma við í útibúum okkar hjá Sjóvá og sækja framrúðuplástra. Að lokum minnum við á að ganga vel frá heimilinu áður en lagt er af stað, læsa og huga að innbrotavörnum en innbrot færast oft í aukana þegar fólk fer í frí. Af litlum neista verður oft mikið bál Heilbrigð skynsemi fleytir okkur langt en þó er gott að minna á nokkur atriði sem gleymst geta í lífsins glaum. Veðrið hefur leikið við okkur undanfarið og þá skapast aðstæður þar sem hætta getur verið á gróðureldum. Hiti, þurrkur og vindur auka hættuna á að lítil glóð geti breytt úr sér í þurrum gróðri og því er vert að gæta þess að fara varlega með eld í náttúrunni. Notkun á grillum ýmiss konar, svo sem kolagrillum, einnota grillum og holugrillum getur tendrað neistann. Glóð úr sígarettu, opinn eldur, varðeldar og neisti úr útblæstri bifreiðar geta einnig tendrað eld svo og neistaflug frá rafmagnsverkfærum. Því er mikilvægt að fara að öllu með gát og kveikja ekki eld í viðkvæmum aðstæðum. Yfirskriftin ,,af litlum neista verður oft mikið bál“ er einnig eitthvað sem yfirfæra mætti á hegðun og vert að leggja upp með góð samskipti og þolinmæði að leiðarljósi nú þegar haldið er af stað í komandi ferðalög og á hátíðir. Ef við höldum áfram að tala í myndlíkingum þá er líka hægt að tendra neistann í huggulegra samhengi og líklega óhjákvæmilegt þessa stemningshelgi. En göngum hægt um gleðinnar dyr og sýnum hvort öðru virðingu og vinsemd. Það er miklu skemmtilegra. Góða verslunarmannahelgi! Höfundur er verkefnastjóri forvarna hjá Sjóvá.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Skoðun Gaza - hvað getum við gert? Guðrún María Jónsdóttir,Hulda María Einarsdóttir,Sunna Snædal,Theódór Skúli Sigurðsson skrifar
Skoðun Palestína og Vestur-Sahara – Tvær vonlausar aðskilnaðarhreyfingar Finnur Thorlacius Eiríksson skrifar
Skoðun Ísland er einstakt: Ísland dettur ekki úr tísku nema við leyfum því að detta úr tísku Anna Kristín Kristjánsdóttir,Selma Rut Þorsteinsdóttir,Hrafn Gunnarsson,Högni Högnason,Hafsteinn Sv. Hafsteinsson skrifar
Skoðun Takk fyrir tímamótafrumvörp í þágu mannréttinda og örorku- og endurhæfingarlífeyristaka! Þuríður Harpa Sigurðardóttir skrifar
Skoðun Tímamót í örorku- og endurhæfingarmálum - takk VG, takk ríkisstjórn Steingrímur J. Sigfússon skrifar
Skoðun Litróf mannkyns og tækifærin til að víkka sjóndeildarhringinn Matthildur Björnsdóttir skrifar
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun