Afturelding á toppinn, jafntefli hjá HK og KA, Haukar vinna Aftureldingu

Saga Sif Gísladóttir gerði sér lítið fyrir og varði heil 15 skot í marki Aftureldingar eða 40,5% allra skota. Það dugði þó ekki til sigurs gegn ógnarsterkri sókn Hauka sem unnu leikinn með þremur mörkum. Elín Klara Þorkelsdóttir leiddi markaskorun gestanna með 6 mörk og 100% vítanýtingu. 

Haukar koma sér upp í þriðja sætið með þessum sigri, Afturelding situr í því sjötta en bæði lið hafa nú spilað þrjá leiki líkt og Valur og ÍBV í toppsætunum tveimur. 

Það var svo mikil dramatík í Kórnum þegar HK tók á mót KA í Olís deild karla. Leikurinn stóð jafn í rúmar tvær mínútur áður en Hafsteinn Óli Berg kom HK yfir með marki langt fyrir utan teig. Heimamenn héldu að sigurinn væri í hús en á síðustu sekúndum leiksins fengu þeir dæmt á sig víti og KA jafnaði. 

Afturelding kemur sér upp í efsta sætið karla megin en Valsararnir í öðru sætinu eiga leik til góða gegn Selfossi á morgun. KA og HK sitja jöfn að stigum í 3. og 4. sætinu. Þessi lið eiga leik til góða á restina af deildinni og því mætti vænta tölverðra breytinga á stöðutöflunni þegar hinir leikir umferðarinnar fara fram.