Skjálfti 3,2 að stærð við Geita­fell

Böðvar Sveinsson, náttúruvársérfræðingur á Veðurstofunni, segir að lítil skjálftahrina hafi hafist á þessum slóðum í nótt.

„Það eru alltaf skjálftar þarna af og til. En síðustu vikuna hafa þeir verið sextíu og þar af fjörutíu í dag. Sá stærsti var 3,2 að stærð klukkan 20:49 og svo kom annar, 2,9 að stærð um tveimur mínútum síðar,“ segir Böðvar.

Stærsti skjálftinn sem varð í kvöld varð á um sex kílómetra dýpi og um sex kílómetra vestur af Raufarhólshelli.