„Sjö barna föður sagt upp eftir 17 ára starf“ Oddur Ævar Gunnarsson skrifar 17. október 2023 12:45 Vilhjálmur segir uppsögnina ekki þá fyrstu í boði Norðuráls sem honum sé misboðið yfir. Vísir/Vilhelm Vilhjálmur Birgisson, formaður Verkalýðsfélags Akraness, segir að sér sé gjörsamlega misboðið vegna uppsagnar félagsmanns síns sem starfaði í steypuskála hjá Norðuráli. Hann segir að starfsmanninum, sem starfaði í sautján ár hjá fyrirtækinu, hafi verið sagt upp vegna þess að hann hafi talað illa um fyrirtækið og mætt á fjölskylduskemmtun án þess að skrá sig. Vilhjálmur segir sögu starfsmannsins í færslu á samfélagsmiðlinum Facebook. Hann segist hafa reynt að fá ákvörðuninni hnekkt en að það hafi ekki gengið og því hafi hann ákveðið að segja frá málinu opinberlega. Vilhjálmur segir að ábyrgð atvinnurekenda sé mikil þó upp komi vissulega atvik eða ástæður þar sem nauðsynlegt sé að segja fólki upp. Mótmæli hafi engu skilað „Ástæða þess að ég skrifa þennan pistil er að á laugardagsmorgunn fékk ég hringingu frá félagsmanni mínum sem tjáði mér að honum hefði verið sagt upp störfum hjá Norðuráli. Þessi umræddi starfsmaður hafði unnið í 17 ár hjá Norðuráli og á þessum 17 árum hafði hann hvorki fengið munnlega né skriflega áminningu að eigin sögn. Þessu til viðbótar var hann sjö barna faðir og var því eðlilega að framfleyta afar þungu heimili fjárhagslega.“ Starfsmaðurinn hafi verið kallaður á fund með framkvæmdastjóra steypuskálans og mannauðsstjóra. Þar hafi honum verið tjáð að honum væri sagt upp störfum og að honum bæri að yfirgefa vinnustaðinn. „En hver var ástæðan sem þessum sjö barna föður með 17 ára starfsreynslu var gefin fyrir uppsögninni? Jú ástæðan var að hann var væri að tala illa um fyrirtækið og hafi mætt á fjölskylduskemmtun sem Norðurál hélt án þess að skrá sig! Umræddur starfsmaður mótmælti harðlega á umræddum fundi að hann væri að tala illa um fyrirtækið en það hafði ekki áhrif á uppsögnina sem framkvæmdastjóri steypuskála hafði skellt í andlitið á mínum félagsmanni.“ Hafi allir talað vel um manninn Vilhjálmur segir að alltaf þegar hann fær slíkar uppsagnir inn á sitt borð, sem byggi á svona stórundarlegum forsendum sem að hans mati standist ekki eina einustu skoðun leiti hann sér upplýsinga til að sannreyna hvort frásögn félagsmannsins sé rétt. Hann segist hafa haft samband við samstarfsfélaga mannsins víða í fyrirtækinu til að kanna allar hliðar málsins. „Það er skemmst frá því að segja að allir sem ég talaði við sem hafa starfað með umræddum félagsmanni hjá Norðuráli gáfu honum afar góð meðmæli og vísuðu því algerlega á bug að minn félagsmaður hafi ástundað að tala illa um fyrirtækið. Það vill nú þannig til að þessi umræddi félagsmaður minn hefur oft komið á skrifstofu mína til að ræða um hinn ýmsu kjaramál og réttindi og í öll þau skipti sem hann hefur komið til viðræðna við mig hefur hann aldrei verið að kasta rýrð á fyrirtækið.“ Samstarfsmenn í áfalli Hann segir samstarfsmenn mannsins hafa sagt hann ætíð hafa unnið verk sín af samviskusemi og dugnaði. Þá hafi vaktin sem maðurinn hafi verið á verið í áfalli eftir uppsögnina. „Ekki bara það heldur fékk ég að heyra að mórallinn í steypuskálanum öllum væri við frostmark eftir þessa uppsögn því fólki fannst hún ósanngjörn og algerlega byggð á röngum forsendum. Rétt er að geta þess að minn félagsmaður hefur vegna þess að hann er að reka þungt heimili þurft að taka mikið af aukavöktum til að framfleyta sér og sinni fjölskyldu og hefur því unnið með öllum vakthópum í steypuskálanum.“ Vilhjálmur segir að hann finni til með samstarfsfólki mannsins. Það finni eðlilega fyrir depurð og ótta eftir svona uppsögn. Hann segir uppsögnina óskiljanlega, ósanngjarna og fyrir neðan allar hellur. Það sé með ólíkindum að byggja uppsögn á einhverju sem ekki sé sannleikanum samkvæmt og það eftir að viðkomandi hafi starfað fyrir fyrirtækið í sautján ár. Ekki fyrsta uppsögn Norðuráls sem misbýður Vilhjálmi „Það er ábyrgðarhlutur að vera atvinnurekandi og það þarf að koma fram við starfsmenn ef sanngirni og virðingu þegar svona veigamiklar ákvarðanir eru teknar, enda eru atvinnurekendur að véla með lífsafkomu sinna starfsmanna. Munum að mannauður er hjarta hvers fyrirtækis og uppsagnir sem byggjast á röngum forsendum bera merki þess að verið sé að reka óttastjórnun og eigi að vera öðrum „víti til varnaðar.“ Hann segir slíka mannauðsstefnu aldrei geta endað með öðru en skipsbroti, enda lifi ekkert fyrirtæki af ef ekki væri fyrir dugnað og kraft þeirra sem starfi á gólfinu. Vilhjálmur segir að það sé fólkið sem skapi hagnað fyrirtækja. „Ég reyndi að fá þessari ákvörðun hnekkt en því miður tókst það ekki og því sá ég mig knúinn til að skrifa um þetta mál enda er hlutverk stéttarfélaga að verja atvinnuöryggi og lífsafkomu sinna félagsmanna með kjafti og klóm og það reynum við í Verkalýðsfélagi Akraness ætíð að gera. En mér er gjörsamlega misboðið hvað þessa uppsögn varðar og þetta er alls ekki fyrsta uppsögn í Norðuráli sem mér verður misboðið yfir!“ Akranes Stéttarfélög Vinnumarkaður Hvalfjarðarsveit Mest lesið Vaktin: Dómari kveður upp um refsingu Diddy Erlent Grunaður um að hafa brotið á fleiri en tíu börnum Innlent Sagt að njóta ótruflaðrar ástar í Venesúela Innlent Nýsestur á skrifstofunni þegar hann fékk bíl í flasið Innlent Látinn fara eftir að hafa neitað Trump um sverð í eigu Eisenhower Erlent Starfsmaður á Brákarborg grunaður um kynferðisbrot Innlent Fólk að bugast þar til hætt var að manna vaktir á föstudögum Innlent „Mér finnst þeir vera að taka frá mér lífið“ Innlent Rekja andlát dóttur að hluta til samsæriskenninga móður Erlent Bein útsending: Siglt áleiðis til Gasa Erlent Fleiri fréttir Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Ingibjörg tekur slaginn við Bergþór Skjálftahrina við Krýsuvík og Kleifarvatn Sagt að njóta ótruflaðrar ástar í Venesúela Bergþór vill verða varaformaður Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Sjá meira
Vilhjálmur segir sögu starfsmannsins í færslu á samfélagsmiðlinum Facebook. Hann segist hafa reynt að fá ákvörðuninni hnekkt en að það hafi ekki gengið og því hafi hann ákveðið að segja frá málinu opinberlega. Vilhjálmur segir að ábyrgð atvinnurekenda sé mikil þó upp komi vissulega atvik eða ástæður þar sem nauðsynlegt sé að segja fólki upp. Mótmæli hafi engu skilað „Ástæða þess að ég skrifa þennan pistil er að á laugardagsmorgunn fékk ég hringingu frá félagsmanni mínum sem tjáði mér að honum hefði verið sagt upp störfum hjá Norðuráli. Þessi umræddi starfsmaður hafði unnið í 17 ár hjá Norðuráli og á þessum 17 árum hafði hann hvorki fengið munnlega né skriflega áminningu að eigin sögn. Þessu til viðbótar var hann sjö barna faðir og var því eðlilega að framfleyta afar þungu heimili fjárhagslega.“ Starfsmaðurinn hafi verið kallaður á fund með framkvæmdastjóra steypuskálans og mannauðsstjóra. Þar hafi honum verið tjáð að honum væri sagt upp störfum og að honum bæri að yfirgefa vinnustaðinn. „En hver var ástæðan sem þessum sjö barna föður með 17 ára starfsreynslu var gefin fyrir uppsögninni? Jú ástæðan var að hann var væri að tala illa um fyrirtækið og hafi mætt á fjölskylduskemmtun sem Norðurál hélt án þess að skrá sig! Umræddur starfsmaður mótmælti harðlega á umræddum fundi að hann væri að tala illa um fyrirtækið en það hafði ekki áhrif á uppsögnina sem framkvæmdastjóri steypuskála hafði skellt í andlitið á mínum félagsmanni.“ Hafi allir talað vel um manninn Vilhjálmur segir að alltaf þegar hann fær slíkar uppsagnir inn á sitt borð, sem byggi á svona stórundarlegum forsendum sem að hans mati standist ekki eina einustu skoðun leiti hann sér upplýsinga til að sannreyna hvort frásögn félagsmannsins sé rétt. Hann segist hafa haft samband við samstarfsfélaga mannsins víða í fyrirtækinu til að kanna allar hliðar málsins. „Það er skemmst frá því að segja að allir sem ég talaði við sem hafa starfað með umræddum félagsmanni hjá Norðuráli gáfu honum afar góð meðmæli og vísuðu því algerlega á bug að minn félagsmaður hafi ástundað að tala illa um fyrirtækið. Það vill nú þannig til að þessi umræddi félagsmaður minn hefur oft komið á skrifstofu mína til að ræða um hinn ýmsu kjaramál og réttindi og í öll þau skipti sem hann hefur komið til viðræðna við mig hefur hann aldrei verið að kasta rýrð á fyrirtækið.“ Samstarfsmenn í áfalli Hann segir samstarfsmenn mannsins hafa sagt hann ætíð hafa unnið verk sín af samviskusemi og dugnaði. Þá hafi vaktin sem maðurinn hafi verið á verið í áfalli eftir uppsögnina. „Ekki bara það heldur fékk ég að heyra að mórallinn í steypuskálanum öllum væri við frostmark eftir þessa uppsögn því fólki fannst hún ósanngjörn og algerlega byggð á röngum forsendum. Rétt er að geta þess að minn félagsmaður hefur vegna þess að hann er að reka þungt heimili þurft að taka mikið af aukavöktum til að framfleyta sér og sinni fjölskyldu og hefur því unnið með öllum vakthópum í steypuskálanum.“ Vilhjálmur segir að hann finni til með samstarfsfólki mannsins. Það finni eðlilega fyrir depurð og ótta eftir svona uppsögn. Hann segir uppsögnina óskiljanlega, ósanngjarna og fyrir neðan allar hellur. Það sé með ólíkindum að byggja uppsögn á einhverju sem ekki sé sannleikanum samkvæmt og það eftir að viðkomandi hafi starfað fyrir fyrirtækið í sautján ár. Ekki fyrsta uppsögn Norðuráls sem misbýður Vilhjálmi „Það er ábyrgðarhlutur að vera atvinnurekandi og það þarf að koma fram við starfsmenn ef sanngirni og virðingu þegar svona veigamiklar ákvarðanir eru teknar, enda eru atvinnurekendur að véla með lífsafkomu sinna starfsmanna. Munum að mannauður er hjarta hvers fyrirtækis og uppsagnir sem byggjast á röngum forsendum bera merki þess að verið sé að reka óttastjórnun og eigi að vera öðrum „víti til varnaðar.“ Hann segir slíka mannauðsstefnu aldrei geta endað með öðru en skipsbroti, enda lifi ekkert fyrirtæki af ef ekki væri fyrir dugnað og kraft þeirra sem starfi á gólfinu. Vilhjálmur segir að það sé fólkið sem skapi hagnað fyrirtækja. „Ég reyndi að fá þessari ákvörðun hnekkt en því miður tókst það ekki og því sá ég mig knúinn til að skrifa um þetta mál enda er hlutverk stéttarfélaga að verja atvinnuöryggi og lífsafkomu sinna félagsmanna með kjafti og klóm og það reynum við í Verkalýðsfélagi Akraness ætíð að gera. En mér er gjörsamlega misboðið hvað þessa uppsögn varðar og þetta er alls ekki fyrsta uppsögn í Norðuráli sem mér verður misboðið yfir!“
Akranes Stéttarfélög Vinnumarkaður Hvalfjarðarsveit Mest lesið Vaktin: Dómari kveður upp um refsingu Diddy Erlent Grunaður um að hafa brotið á fleiri en tíu börnum Innlent Sagt að njóta ótruflaðrar ástar í Venesúela Innlent Nýsestur á skrifstofunni þegar hann fékk bíl í flasið Innlent Látinn fara eftir að hafa neitað Trump um sverð í eigu Eisenhower Erlent Starfsmaður á Brákarborg grunaður um kynferðisbrot Innlent Fólk að bugast þar til hætt var að manna vaktir á föstudögum Innlent „Mér finnst þeir vera að taka frá mér lífið“ Innlent Rekja andlát dóttur að hluta til samsæriskenninga móður Erlent Bein útsending: Siglt áleiðis til Gasa Erlent Fleiri fréttir Segja Rússa heyja stríð við Vesturlönd og síðustu ævidagarnir á Grund „Kópavogsmódelið er ekkert annað en þjónustuskerðing“ Nýsestur á skrifstofunni þegar hann fékk bíl í flasið Starfsmaður á Brákarborg grunaður um kynferðisbrot Fresta framkvæmdum vegna veðurs Sýnist komið að seinni hluta í eldsumbrotum í Sundhnúksgígaröðinni Grunaður um að hafa brotið á fleiri en tíu börnum Varaformannsslagur í Miðflokknum: Öll vinir og „peppuð“ fyrir landsþingi Stöðfirðingum enn ráðlagt að sjóða vatn vegna mengunar Tillögurnar í leikskólamálum séu vonbrigði og uppgjöf Jörð skelfur í Krýsuvík og Þjóðaröryggisráð fundaði í morgun Fólk að bugast þar til hætt var að manna vaktir á föstudögum Snorri etur kappi við Bergþór og Ingibjörgu Hafnaði kæru Sameindar vegna Konukots í Ármúla Ingibjörg tekur slaginn við Bergþór Skjálftahrina við Krýsuvík og Kleifarvatn Sagt að njóta ótruflaðrar ástar í Venesúela Bergþór vill verða varaformaður Óljóst hvort Kínverjarnir geti sótt vélina sína „Mér finnst þeir vera að taka frá mér lífið“ Rauk upp úr flugvél Jet2 Loka leikskóladeild á Stöðvarfirði vegna manneklu Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Sjá meira