Innlent

Bana­slys á Reykja­nes­braut

Kolbeinn Tumi Daðason skrifar
Banaslys123

Karlmaður á fertugsaldri lést í umferðarslysi á Reykjanesbraut, skammt austan við Fitjar í Reykjanesbæ í dag eftir að ökutæki sem hann ók valt. Þetta kemur fram í tilkynningu frá lögreglunni á Suðurnesjum.

Þar segir að tilkynning um slysið hafi borist klukkan 08:16 og viðbragðsaðilar strax farið á vettvang. Slysið varð á vegakaflanum í austurátt sem liggur austan Fitjar en vestan Grindavíkurvegar.

Lögreglan á Suðurnesjum og rannsóknarnefnd samgönguslysa rannsaka tildrög slyssins. Ekki er unnt að greina frá nafni hins látna að svo stöddu. Ökumaðurinn var einn í bílnum.

Lögreglumál Samgönguslys Reykjanesbær

Tengdar fréttir

Mest lesið


Fleiri fréttir

Sjá meira


×

Mest lesið