Palestína er prófsteinninn! Hjálmtýr Heiðdal skrifar 29. nóvember 2023 18:01 Það sem gerist í Palestínu er miklu víðtækara mál en eingöngu fjöldamorðin og kúgunin sem Ísraelsher fremur nú sem fyrr á Gaza og á Vesturbakkanum. Afstaða vestrænna ríkja upp til hópa gagnvart framferði Ísraels og stöðu Palestínu er hinn raunverulegi prófsteinn á stefnu þeirra og gildi hátíðlegra yfirlýsinga um mikilvægi alþjóðsáttmála um lýðréttindi og frelsi. Í afstöðunni til Ísrael kristallast sú staðreynd - að ráðamenn vestrænna ríkja eru tvöfaldir í roðinu - þeir samþykkja margvíslegar og víðtækar refsiaðgerðir gegn sumum ríkjum sem brjóta gegn mannréttindasáttmálum. Gegn löndum sem brjóta mannréttindi; Rússlandi, Íran, N- Kóreu ofl. er beitt efnahagsþvingunum og útilokun frá alþjóðlegu menningarsamstarfi, íþróttakeppnum og vísindasamstarfi. En Ísrael, apartheidríkið, sem stelur landi, myrðir ungabörn, heldur úti lengsta hernámi sögunnar, byggir ólöglega múra, fangelsar börn og fullorðna án dóms og laga og myrðir forystumenn Palestínumanna hvar sem þá er að finna; Ísrael sem hefur einn lengsta feril mannréttindabrota allra ríkja innan Sameinuðu þjóðanna, er í hávegum haft. Og nýtur stuðnings á sviði efnahags-, hernaðar- og stjórnmála. Og nú sem aldrei fyrr. Heimafyrir, í ýmsum Evrópulöndum, er allt öfugsnúið þegar ríkisstjórnir sem segjast fylgja mannréttindum ráðast gegn grundvallarréttindum eigin þegna. Fjöldi fólks á Vesturlöndum, í ýmsum starfsgreinum s.s. fjölmiðlum og listum, sem vogar sé að gagnrýna stefnu Ísraels, er rekið úr starfi. Gagnrýni á framferði Ísraels og á síonismann er sögð vera gyðingahatur! Hver borgar? Ríkisstjórnir margra landa senda hersetnum Palestínumönnum lífsnauðsynjar og byggja m.a. skóla og sjúkrahús. Gazabúar eru flestir á framfæri Sameinuðu þjóðanna, atvinnulausir í herkví í tæp tuttugu ár. Í sífelldum árásum Ísraelshers eru skólarnir og sjúkrahúsin eyðilögð og skrúfað fyrir eldsneyti, vatn og lyfjasendingar. Þá kemur til kasta „alþjóðasamfélagsins“, skólar og sjúkrahús endurbyggð og lífsnauðsynjar sendar til innilokaðra Palestínumanna - innilokaðir af Ísraelhers sem tekur enga ábyrgð á gerðum sínum Í stórárásinni sem hófst í október 2023 endurtekur sagan sig - Ísraelsher sprengir sjúkrahús, skóla, heimili og birgðarstöðvar í loft upp. Og Evrópulönd ofl. senda mat,vatn, lyf, eldsneyti til að bjarga nauðstöddum Gazabúum. Nú þegar er byrjað að ræða enduruppbyggingu Gaza. En það er ekki hið ósnertanlega Ísrael ber kostnað af eyðileggingunni sem her þeirra veldur - það gera skattgreiðendur í öðrum löndum. Tvöfeldnin er ótrúleg. Ísraelsher fær stuðning í formi hátæknivopna frá Vesturlöndum sem eru notuð til að eyðileggja líf og lífsafkomu Palestínumanna. Vesturlönd borga því bæði fyrir eyðilegginguna og uppbygginguna! Gjá milli orða og efnda Almenningur Evrópu og víðar sér þessa tvöfeldni sem blasir við - og kostnaðinn sem almenningur ber að sjálfsögðu. Og stjórnvöld verða ómerkingar - fólk sem segir eitt en gerir annað. Þórdís Kolbrún Reykfjörð Gylfadóttir, fyrrverandi utanríkismálaráðherra, var aldrei spör á orð um mikilvægi mannréttinda og fylgni við alþjóðasamninga - ekki síst fyrir smáþjóðir. Enn situr hún í ríkisstjórn sem hagar sé með sama hætti og aðrar ríkisstjórnir Vesturlanda - styður Ísrael samtímis sem Ísrael myrðir þúsundir barna og lýsir jafnframt yfir að þessu sé ekki lokið. Er mögulegt að leggjast lægra - að skapa stærri gjá milli orða og efnda? Hræsnisfullir leiðtogar Vesturlanda uppskera eins og þeir sá - þeir standa naktir í tvöfeldni sinni. Traust til stjórnmálastarfs hrynur, þátttaka í kosningum minnkar og lýðræðið stendur veikar. Palestínumálið er prófsteinn - ef Ísrael getur haldið áfram á sinni vegferð, hundsað allt sem er svo mikilvægt í samskiptum ríkja og einstaklinga - þá hefur hið s.k. alþjóðsamfélag fallið enn og aftur á prófinu. Nú er tækifæri til að stíga á stokk til að verja lýðræðið, mannréttindin og frelsið! Hvaða ríkisstjórnir vestrænna landa ætla að stöðva hryðjuverk Ísraels? Hvaða ríkisstjórnir ætla áfram að fylla flokk hinna óheiðarlegu; þeirra sem segjast aðhyllast mannréttindi og frelsi - en styðja stríðsglæpi Ísraels! Hvað ætlar ríkisstjórn Íslands að gera? Höfundur er formaður Félagsins Ísland – Palestína og höfundur bókarinnar Íslandsstræti í Jerúsalem. Viltu birta grein á Vísi? Sendu okkur póst. Senda grein Átök í Ísrael og Palestínu Palestína Ísrael Hjálmtýr Heiðdal Mest lesið Ár vondra vinnubragða í Stúdentaráði HÍ Katla Ólafsdóttir,Mathias Bragi Ölvisson Skoðun Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun Mannúð og hugrekki - gegn stríðsglæpum og þjóðarmorði Ólafur Ingólfsson Skoðun Myllan sem mala átti gull Andrés Kristjánsson Skoðun Sjö mýtur um loftslagsbreytingar Kristinn Már Hilmarsson,Elva Rakel Jónsdóttir Skoðun Rösk og reiðubúin fyrir landsbyggðina Hópur Röskvuliða Skoðun Pírati pissar í skóinn sinn Helgi Áss Grétarsson Skoðun Fáum presta aftur inn í skólana Rósa Guðbjartsdóttir Skoðun Icelandic Learning is a Gendered Health Issue Logan Lee Sigurðsson Skoðun Vanhæfur Sjálfstæðisflokkur Dóra Björt Guðjónsdóttir Skoðun Skoðun Skoðun Ár vondra vinnubragða í Stúdentaráði HÍ Katla Ólafsdóttir,Mathias Bragi Ölvisson skrifar Skoðun Mannúð og hugrekki - gegn stríðsglæpum og þjóðarmorði Ólafur Ingólfsson skrifar Skoðun Framtíð menntunar – byggjum á trausti, ekki tortryggni Helga Kristín Kolbeins skrifar Skoðun Fé án hirðis Þorvaldur Lúðvík Sigurjónsson skrifar Skoðun Gæludýr geta dimmu í dagsljós breytt Kolbrún Áslaugar Baldursdóttir skrifar Skoðun Myllan sem mala átti gull Andrés Kristjánsson skrifar Skoðun Sjö mýtur um loftslagsbreytingar Kristinn Már Hilmarsson,Elva Rakel Jónsdóttir skrifar Skoðun Pírati pissar í skóinn sinn Helgi Áss Grétarsson skrifar Skoðun Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir skrifar Skoðun Fáum presta aftur inn í skólana Rósa Guðbjartsdóttir skrifar Skoðun Rösk og reiðubúin fyrir landsbyggðina Hópur Röskvuliða skrifar Skoðun Icelandic Learning is a Gendered Health Issue Logan Lee Sigurðsson skrifar Skoðun Goðsögnin um UFS-sjóði sem róttækar „woke"- fjárfestingar Már Wolfgang Mixa skrifar Skoðun Framtíð Öskjuhlíðar Magnea Gná Jóhannsdóttir skrifar Skoðun Vanhæfur Sjálfstæðisflokkur Dóra Björt Guðjónsdóttir skrifar Skoðun Mælt fyrir miklum kjarabótum öryrkja og aldraðra Inga Sæland skrifar Skoðun Mannréttindabrot og stríðsglæpir Rússa í Úkraínu Erlingur Erlingsson skrifar Skoðun Áskorun til Félags íslenskra hjúkrunarfræðinga og Háskóla Íslands Ríkharður Ólafsson,Styrmir Hallsson skrifar Skoðun Ákvarðanir teknar í Reykjavík – afleiðingarnar skella á okkur Hópur Framsóknarmanna í sveitarstjórnum skrifar Skoðun Snjallborgin eða Skuggaborgin Reykjavík: Gervigreindarknúið höfuðborgarsvæði Björgmundur Örn Guðmundsson skrifar Skoðun Getur Sturlunga snúið aftur? Leifur B. Dagfinnsson skrifar Skoðun Vaka stendur með Menntavísindasviði í verki Gunnar Ásgrímsson skrifar Skoðun Vorbókaleysingar Henry Alexander Henrysson skrifar Skoðun Er þetta í alvöru umdeild skoðun fámenns hóps? Snorri Másson skrifar Skoðun Liðveisla fyrir öll Atli Már Haraldsson skrifar Skoðun Réttur til endurtektarprófa: Jafnræði í námi fyrir alla stúdenta Vera Mist Magnúsdóttir,Guðlaug Eva Albertsdóttir skrifar Skoðun Að standa við stóru orðin Guðmundur Ari Sigurjónsson skrifar Skoðun Aðför að landsbyggðinni – og tilraun til að slá ryki í augu almennings Ingibjörg Isaksen skrifar Skoðun Deyr mjólkurkýrin ef eigandi hennar fær eitt viðbótar mjólkurglas? Þórður Snær Júlíusson skrifar Skoðun Kynlíf veldur einhverfu: Opið bréf til Háskóla Íslands og fjölmiðla Guðlaug Svala Kristjánsdóttir,Margrét Oddný Leópoldsdóttir skrifar Sjá meira
Það sem gerist í Palestínu er miklu víðtækara mál en eingöngu fjöldamorðin og kúgunin sem Ísraelsher fremur nú sem fyrr á Gaza og á Vesturbakkanum. Afstaða vestrænna ríkja upp til hópa gagnvart framferði Ísraels og stöðu Palestínu er hinn raunverulegi prófsteinn á stefnu þeirra og gildi hátíðlegra yfirlýsinga um mikilvægi alþjóðsáttmála um lýðréttindi og frelsi. Í afstöðunni til Ísrael kristallast sú staðreynd - að ráðamenn vestrænna ríkja eru tvöfaldir í roðinu - þeir samþykkja margvíslegar og víðtækar refsiaðgerðir gegn sumum ríkjum sem brjóta gegn mannréttindasáttmálum. Gegn löndum sem brjóta mannréttindi; Rússlandi, Íran, N- Kóreu ofl. er beitt efnahagsþvingunum og útilokun frá alþjóðlegu menningarsamstarfi, íþróttakeppnum og vísindasamstarfi. En Ísrael, apartheidríkið, sem stelur landi, myrðir ungabörn, heldur úti lengsta hernámi sögunnar, byggir ólöglega múra, fangelsar börn og fullorðna án dóms og laga og myrðir forystumenn Palestínumanna hvar sem þá er að finna; Ísrael sem hefur einn lengsta feril mannréttindabrota allra ríkja innan Sameinuðu þjóðanna, er í hávegum haft. Og nýtur stuðnings á sviði efnahags-, hernaðar- og stjórnmála. Og nú sem aldrei fyrr. Heimafyrir, í ýmsum Evrópulöndum, er allt öfugsnúið þegar ríkisstjórnir sem segjast fylgja mannréttindum ráðast gegn grundvallarréttindum eigin þegna. Fjöldi fólks á Vesturlöndum, í ýmsum starfsgreinum s.s. fjölmiðlum og listum, sem vogar sé að gagnrýna stefnu Ísraels, er rekið úr starfi. Gagnrýni á framferði Ísraels og á síonismann er sögð vera gyðingahatur! Hver borgar? Ríkisstjórnir margra landa senda hersetnum Palestínumönnum lífsnauðsynjar og byggja m.a. skóla og sjúkrahús. Gazabúar eru flestir á framfæri Sameinuðu þjóðanna, atvinnulausir í herkví í tæp tuttugu ár. Í sífelldum árásum Ísraelshers eru skólarnir og sjúkrahúsin eyðilögð og skrúfað fyrir eldsneyti, vatn og lyfjasendingar. Þá kemur til kasta „alþjóðasamfélagsins“, skólar og sjúkrahús endurbyggð og lífsnauðsynjar sendar til innilokaðra Palestínumanna - innilokaðir af Ísraelhers sem tekur enga ábyrgð á gerðum sínum Í stórárásinni sem hófst í október 2023 endurtekur sagan sig - Ísraelsher sprengir sjúkrahús, skóla, heimili og birgðarstöðvar í loft upp. Og Evrópulönd ofl. senda mat,vatn, lyf, eldsneyti til að bjarga nauðstöddum Gazabúum. Nú þegar er byrjað að ræða enduruppbyggingu Gaza. En það er ekki hið ósnertanlega Ísrael ber kostnað af eyðileggingunni sem her þeirra veldur - það gera skattgreiðendur í öðrum löndum. Tvöfeldnin er ótrúleg. Ísraelsher fær stuðning í formi hátæknivopna frá Vesturlöndum sem eru notuð til að eyðileggja líf og lífsafkomu Palestínumanna. Vesturlönd borga því bæði fyrir eyðilegginguna og uppbygginguna! Gjá milli orða og efnda Almenningur Evrópu og víðar sér þessa tvöfeldni sem blasir við - og kostnaðinn sem almenningur ber að sjálfsögðu. Og stjórnvöld verða ómerkingar - fólk sem segir eitt en gerir annað. Þórdís Kolbrún Reykfjörð Gylfadóttir, fyrrverandi utanríkismálaráðherra, var aldrei spör á orð um mikilvægi mannréttinda og fylgni við alþjóðasamninga - ekki síst fyrir smáþjóðir. Enn situr hún í ríkisstjórn sem hagar sé með sama hætti og aðrar ríkisstjórnir Vesturlanda - styður Ísrael samtímis sem Ísrael myrðir þúsundir barna og lýsir jafnframt yfir að þessu sé ekki lokið. Er mögulegt að leggjast lægra - að skapa stærri gjá milli orða og efnda? Hræsnisfullir leiðtogar Vesturlanda uppskera eins og þeir sá - þeir standa naktir í tvöfeldni sinni. Traust til stjórnmálastarfs hrynur, þátttaka í kosningum minnkar og lýðræðið stendur veikar. Palestínumálið er prófsteinn - ef Ísrael getur haldið áfram á sinni vegferð, hundsað allt sem er svo mikilvægt í samskiptum ríkja og einstaklinga - þá hefur hið s.k. alþjóðsamfélag fallið enn og aftur á prófinu. Nú er tækifæri til að stíga á stokk til að verja lýðræðið, mannréttindin og frelsið! Hvaða ríkisstjórnir vestrænna landa ætla að stöðva hryðjuverk Ísraels? Hvaða ríkisstjórnir ætla áfram að fylla flokk hinna óheiðarlegu; þeirra sem segjast aðhyllast mannréttindi og frelsi - en styðja stríðsglæpi Ísraels! Hvað ætlar ríkisstjórn Íslands að gera? Höfundur er formaður Félagsins Ísland – Palestína og höfundur bókarinnar Íslandsstræti í Jerúsalem.
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun
Skoðun Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir skrifar
Skoðun Áskorun til Félags íslenskra hjúkrunarfræðinga og Háskóla Íslands Ríkharður Ólafsson,Styrmir Hallsson skrifar
Skoðun Ákvarðanir teknar í Reykjavík – afleiðingarnar skella á okkur Hópur Framsóknarmanna í sveitarstjórnum skrifar
Skoðun Snjallborgin eða Skuggaborgin Reykjavík: Gervigreindarknúið höfuðborgarsvæði Björgmundur Örn Guðmundsson skrifar
Skoðun Réttur til endurtektarprófa: Jafnræði í námi fyrir alla stúdenta Vera Mist Magnúsdóttir,Guðlaug Eva Albertsdóttir skrifar
Skoðun Aðför að landsbyggðinni – og tilraun til að slá ryki í augu almennings Ingibjörg Isaksen skrifar
Skoðun Deyr mjólkurkýrin ef eigandi hennar fær eitt viðbótar mjólkurglas? Þórður Snær Júlíusson skrifar
Skoðun Kynlíf veldur einhverfu: Opið bréf til Háskóla Íslands og fjölmiðla Guðlaug Svala Kristjánsdóttir,Margrét Oddný Leópoldsdóttir skrifar
Ógnin sem við sjáum ekki – Hið falda tungumál ungu kynslóðarinnar á netinu Birgitta Þorsteinsdóttir Skoðun