„Skandall að Messi hafi unnið“

Þetta var enn eitt skiptið þar sem er gengið fram hjá norska framherjanum Erling Braut Haaland en í ljós kom að Messi hafði þarna unnið með minnsta mögulega mun.

Messi varð heimsmeistari árið 2022 en gerði ekki mjög mikið á árinu 2023. Það er ekki hægt að segja sömu sögu af Haaland.

Haaland varð langmarkahæsti leikmaður Manchester City sem vann þrennuna á síðasta tímabili. Haaland bætti líka markametið á einu tímabili í ensku úrvalsdeildinni, bestu deild í heimi.

„Ég verð að róa mig aðeins niður. Þetta kemur mér á óvart. Með fullri virðingu fyrir Lionel Messi, sem er að mínu mati besti fótboltamaður allra tíma,“ sagði Carl-Erik Torp en hélt áfram:

„Ég myndi segja að það sé skandall að Messi hafi unnið,“ sagði Torp. NRK fór yfir viðbrögð manna.

Torp var ekki eini fótboltasérfræðingurinn sem fannst valið ekki vera rétt að þessu sinni.

„Mjög skrýtin ákvörðun. Þetta átti alltaf að vera Erling Haaland,“ skrifaði Martyn Ziegler, blaðamaður hjá The Times, á samfélagsmiðilinn X.

„Lionel Messi er besti fótboltamaður allra tíma en hann var ekki besti leikmaðurinn á árinu 2023. Þessi verðlaun áttu að fara til Erling Braut Haaland,“ skrifaði fótboltasérfræðingurinn Lars Tjærnås.

Slakt gengi norska landsliðsins er aftur á móti ekki að hjálpa Haaland mikið enda Norðmenn langt frá því að komast á EM.