Lið Halldórs látið spila eftir að áhorfandi lést og fjölskyldan horfði á Sindri Sverrisson skrifar 23. mars 2024 10:00 Halldór Jóhann Sigfússon er ýmsu vanur úr störfum sínum sem lögreglumaður, þó hann sé þekktari sem handboltaþjálfari. Getty/Slavko Midzor Halldór Jóhann Sigfússon, handboltaþjálfari Nordsjælland í Danmörku, varð vitni að endurlífgunartilraunum í íþróttahöll félagsins, þegar eldri stuðningsmaður lést skömmu fyrir leik við SAH í síðustu viku. Ákveðið var að leikurinn færi samt fram og fjölskylda mannsins horfði á leikinn. Halldór er sjálfsagt vanari því en flestir kollegar hans að takast á við grafalvarlegar aðstæður á borð við þessar, enda starfaði hann sem lögreglumaður á Íslandi. „Ég hef sjálfur margoft komið inn í alls konar svona aðstæður, verið að hjartahnoða með sjúkraflutningsmönnum, og því miður lent í því að fólk hefur dáið í höndunum á mér,“ segir Halldór. Maðurinn sem lést á þriðjudaginn var um áttrætt. Hann fékk hjartaáfall í anddyri Helsingør-hallarinnar, í síðasta heimaleik deildakeppninnar á þessu tímabili. Öðruvísi ef leikurinn hefði verið hafinn „Ég varð var við þetta strax en enginn af leikmönnum mínum eða hinu liðinu. Sjúkraþjálfarinn minn fór beint í að hnoða hann, um leið og hjartastuðtæki var sótt, og ég var svo sem ekkert að skipta mér af, því það var strax komið fagfólk þarna sem er vant og þjálfað í að veita fyrstu hjálp. Sjúkrabíllinn var svo kominn nánast strax,“ segir Halldór. Yfirmenn hans tóku þá ákvörðun að halda áætlun og láta leikinn fara fram. Í tilkynningu á heimasíðu Nordsjælland segir að vonast sé til þess að það hafi verið í anda þess sem lést. Fjölskylda mannsins var viðstödd leikinn. „Þetta gerist í anddyrinu og vissulega kominn nokkur fjöldi í höllina en það urðu ekki svo margir varir við þetta. Það hefði verið öðruvísi ef þetta hefði gerst á áhorfendapöllunum, eða ef leikurinn hefði verið í gangi. Það var samt auðvitað spurning hvort leikurinn ætti að fara fram. Framkvæmdastjórinn kom strax og talaði við mig og ég sagði honum bara að það væri þeirra að taka ákvörðun. En svo var sjúkrabíllinn kominn og í raun ekki vitað á þeim tímapunkti hvort að hann væri að fara að deyja eða ekki. Hann var svo úrskurðaður látinn á sjúkrahúsinu,“ segir Halldór. Fjölskyldan horfði á leikinn: „Fannst þetta mjög sérstakt“ „Maðurinn sem lést er faðir manns sem er í stuðningsmannaklúbbnum hjá okkur. Það sem vakti auðvitað furðu margra, en sýnir hve mismunandi er hvernig fólk tekst á við sorg, er að fjölskylda mannsins kom samt og horfði á leikinn. Þetta fólk hefur verið viðloðandi félagið í mörg ár, án þess að ég þekki það neitt. Auðvitað fannst mér þetta samt mjög sérstakt,“ segir Halldór. En hvernig var fyrir hann að einbeita sér að leiknum, sem tapaðist með einu marki og gerði að verkum að Nordsjælland getur enn fallið í lokaumferðinni í dag? „Þetta hafði í raun engin áhrif á mig. Ég hef sjálfur margoft komið inn í alls konar svona aðstæður, verið að hjartahnoða með sjúkraflutningsmönnum, og því miður lent í því að fólk hefur dáið í höndunum á mér. Auðvitað mótar það mann eitthvað og þetta hafði minni áhrif á mig. Við pössuðum okkur hins vegar á að ræða þetta ekki við leikmennina fyrr en eftir leik. Það eru menn í hópnum sem eru mjög hræddir við svona hluti, og eitthvað þessu líkt hefur gerst áður,“ segir Halldór. Gætu fallið ef allt færi á versta veg í dag Nordsjælland er í næstneðsta sæti dönsku úrvalsdeildarinnar fyrir lokaumferð deildakeppninnar í dag, stigi fyrir ofan Lemvig-Thyborön, en aðeins neðsta liðið fellur beint niður um deild. Lemvig á leik við topplið Álaborgar en Nordsjælland þarf að glíma við lærisveina Guðmundar Guðmundssonar í Fredericia. Halldór, sem skilur við Nordsjælland í sumar og tekur við HK, er staðráðinn í að halda liðinu uppi í úrvalsdeild og þá því eru góðar líkur ef ekki fer illa í dag, því þá fer liðið í fimm liða fallumspil þar sem neðsta liðið spilar svo við lið úr næstefstu deild um sæti í úrvalsdeildinni. „Ég er búinn að sjá þessa deild vera eins steikta og hún hefur verið í vetur, og Lemvig gerði jafntefli við Álaborg í fyrri leiknum í vetur. Í 99 af 100 leikjum þá vinnur Álaborg en það er aldrei að vita hvenær þessi eini leikur kemur. Við þurfum bara að hugsa um okkur,“ segir Halldór. Hann bendir á að Nordsjælland hafi gert fjögur jafntefli í síðustu fimm heimaleikjum og oft verið afar nálægt því að safna fleiri stigum. Liðið hafi þegar safnað fleiri stigum en í fyrra en botnbaráttan er jafnari núna. „Eins og gengur og gerist þegar maður er þarna niðri [í deildinni] þá höfum við verið að fá vafasöm atriði á móti okkur, á síðustu mínútunum í öllum þessum leikjum. Einn eftirlitsmaður hérna sagði að þetta væri búið að vera stöngin út hjá okkur, að við ættum að vera með 20 stig ef einhver af þessum vafasömu dómum hefði fallið með okkur. Við vorum sannarlega hlunnfarnir að einhverju leyti,“ segir Halldór. Halldór er þrautreyndur þjálfari og hér er hann á flugi eftir að hafa stýrt FH til bikarmeistaratitils árið 2019, þegar liðið vann titilinn í fyrsta sinn í 25 ár.VÍSIR/BÁRA Fylgist grannt með verðandi lærisveinum á Íslandi Hann fylgist einnig með Olís-deildinni hér heima, og sínum verðandi lærisveinum í HK: „Ég fylgist grannt með og hef fylgst með íslensku deildinni þessi tvö ár hérna úti. Þökk sé handboltapassanum hef ég í vetur séð nánast alla leiki. Ég tek við liðinu í sumar og það hefur ekki áhrif á mín störf hvort ég tek við liðinu í Grill 66- eða Olís-deildinni. Auðvitað geri ég mér samt grein fyrir því að það munu væntanlega margir leikmenn fara ef liðið fellur. Það er ekkert launungarmál að það er mikið uppbyggingarstarf fyrir höndum í Kórnum, sem mér er ætlað að stýra. Við erum hvergi bangnir, hvort sem liðið fer niður eða ekki. Við erum með fullt af efnilegum leikmönnum sem mig langar til að nota. Það hefur gengið ágætlega að semja við leikmenn. Ég var í sams konar stöðu þegar ég samþykkti að taka við Nordsjælland, sem hélt sér svo uppi. Ég lít á þetta tækifæri hjá HK mjög spennandi augum og sé gríðarleg tækifæri til næstu ára, hjá stærstu handboltadeild á Íslandi,“ segir Halldór. Danski handboltinn HK Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Uppgjörið: Valur - Stjarnan 2-2 | Gylfi Þór jafnaði með stórkostlegu marki Íslenski boltinn Uppgjörið: Fjölnir - Afturelding 0-0 | Afturelding fer aftur á Laugardalsvöll Íslenski boltinn Arnar sagður líklegur til að taka við í Skotlandi Íslenski boltinn Uppgjörið: Breiðablik - ÍA 2-0 | Afbragðsafgreiðsla Ísaks innsiglaði sigurinn Íslenski boltinn Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Hafa ekki heyrt frá Hearts: „Kom mér jafn mikið á óvart og þér“ Íslenski boltinn Fleiri fréttir Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Sjá meira
Halldór er sjálfsagt vanari því en flestir kollegar hans að takast á við grafalvarlegar aðstæður á borð við þessar, enda starfaði hann sem lögreglumaður á Íslandi. „Ég hef sjálfur margoft komið inn í alls konar svona aðstæður, verið að hjartahnoða með sjúkraflutningsmönnum, og því miður lent í því að fólk hefur dáið í höndunum á mér,“ segir Halldór. Maðurinn sem lést á þriðjudaginn var um áttrætt. Hann fékk hjartaáfall í anddyri Helsingør-hallarinnar, í síðasta heimaleik deildakeppninnar á þessu tímabili. Öðruvísi ef leikurinn hefði verið hafinn „Ég varð var við þetta strax en enginn af leikmönnum mínum eða hinu liðinu. Sjúkraþjálfarinn minn fór beint í að hnoða hann, um leið og hjartastuðtæki var sótt, og ég var svo sem ekkert að skipta mér af, því það var strax komið fagfólk þarna sem er vant og þjálfað í að veita fyrstu hjálp. Sjúkrabíllinn var svo kominn nánast strax,“ segir Halldór. Yfirmenn hans tóku þá ákvörðun að halda áætlun og láta leikinn fara fram. Í tilkynningu á heimasíðu Nordsjælland segir að vonast sé til þess að það hafi verið í anda þess sem lést. Fjölskylda mannsins var viðstödd leikinn. „Þetta gerist í anddyrinu og vissulega kominn nokkur fjöldi í höllina en það urðu ekki svo margir varir við þetta. Það hefði verið öðruvísi ef þetta hefði gerst á áhorfendapöllunum, eða ef leikurinn hefði verið í gangi. Það var samt auðvitað spurning hvort leikurinn ætti að fara fram. Framkvæmdastjórinn kom strax og talaði við mig og ég sagði honum bara að það væri þeirra að taka ákvörðun. En svo var sjúkrabíllinn kominn og í raun ekki vitað á þeim tímapunkti hvort að hann væri að fara að deyja eða ekki. Hann var svo úrskurðaður látinn á sjúkrahúsinu,“ segir Halldór. Fjölskyldan horfði á leikinn: „Fannst þetta mjög sérstakt“ „Maðurinn sem lést er faðir manns sem er í stuðningsmannaklúbbnum hjá okkur. Það sem vakti auðvitað furðu margra, en sýnir hve mismunandi er hvernig fólk tekst á við sorg, er að fjölskylda mannsins kom samt og horfði á leikinn. Þetta fólk hefur verið viðloðandi félagið í mörg ár, án þess að ég þekki það neitt. Auðvitað fannst mér þetta samt mjög sérstakt,“ segir Halldór. En hvernig var fyrir hann að einbeita sér að leiknum, sem tapaðist með einu marki og gerði að verkum að Nordsjælland getur enn fallið í lokaumferðinni í dag? „Þetta hafði í raun engin áhrif á mig. Ég hef sjálfur margoft komið inn í alls konar svona aðstæður, verið að hjartahnoða með sjúkraflutningsmönnum, og því miður lent í því að fólk hefur dáið í höndunum á mér. Auðvitað mótar það mann eitthvað og þetta hafði minni áhrif á mig. Við pössuðum okkur hins vegar á að ræða þetta ekki við leikmennina fyrr en eftir leik. Það eru menn í hópnum sem eru mjög hræddir við svona hluti, og eitthvað þessu líkt hefur gerst áður,“ segir Halldór. Gætu fallið ef allt færi á versta veg í dag Nordsjælland er í næstneðsta sæti dönsku úrvalsdeildarinnar fyrir lokaumferð deildakeppninnar í dag, stigi fyrir ofan Lemvig-Thyborön, en aðeins neðsta liðið fellur beint niður um deild. Lemvig á leik við topplið Álaborgar en Nordsjælland þarf að glíma við lærisveina Guðmundar Guðmundssonar í Fredericia. Halldór, sem skilur við Nordsjælland í sumar og tekur við HK, er staðráðinn í að halda liðinu uppi í úrvalsdeild og þá því eru góðar líkur ef ekki fer illa í dag, því þá fer liðið í fimm liða fallumspil þar sem neðsta liðið spilar svo við lið úr næstefstu deild um sæti í úrvalsdeildinni. „Ég er búinn að sjá þessa deild vera eins steikta og hún hefur verið í vetur, og Lemvig gerði jafntefli við Álaborg í fyrri leiknum í vetur. Í 99 af 100 leikjum þá vinnur Álaborg en það er aldrei að vita hvenær þessi eini leikur kemur. Við þurfum bara að hugsa um okkur,“ segir Halldór. Hann bendir á að Nordsjælland hafi gert fjögur jafntefli í síðustu fimm heimaleikjum og oft verið afar nálægt því að safna fleiri stigum. Liðið hafi þegar safnað fleiri stigum en í fyrra en botnbaráttan er jafnari núna. „Eins og gengur og gerist þegar maður er þarna niðri [í deildinni] þá höfum við verið að fá vafasöm atriði á móti okkur, á síðustu mínútunum í öllum þessum leikjum. Einn eftirlitsmaður hérna sagði að þetta væri búið að vera stöngin út hjá okkur, að við ættum að vera með 20 stig ef einhver af þessum vafasömu dómum hefði fallið með okkur. Við vorum sannarlega hlunnfarnir að einhverju leyti,“ segir Halldór. Halldór er þrautreyndur þjálfari og hér er hann á flugi eftir að hafa stýrt FH til bikarmeistaratitils árið 2019, þegar liðið vann titilinn í fyrsta sinn í 25 ár.VÍSIR/BÁRA Fylgist grannt með verðandi lærisveinum á Íslandi Hann fylgist einnig með Olís-deildinni hér heima, og sínum verðandi lærisveinum í HK: „Ég fylgist grannt með og hef fylgst með íslensku deildinni þessi tvö ár hérna úti. Þökk sé handboltapassanum hef ég í vetur séð nánast alla leiki. Ég tek við liðinu í sumar og það hefur ekki áhrif á mín störf hvort ég tek við liðinu í Grill 66- eða Olís-deildinni. Auðvitað geri ég mér samt grein fyrir því að það munu væntanlega margir leikmenn fara ef liðið fellur. Það er ekkert launungarmál að það er mikið uppbyggingarstarf fyrir höndum í Kórnum, sem mér er ætlað að stýra. Við erum hvergi bangnir, hvort sem liðið fer niður eða ekki. Við erum með fullt af efnilegum leikmönnum sem mig langar til að nota. Það hefur gengið ágætlega að semja við leikmenn. Ég var í sams konar stöðu þegar ég samþykkti að taka við Nordsjælland, sem hélt sér svo uppi. Ég lít á þetta tækifæri hjá HK mjög spennandi augum og sé gríðarleg tækifæri til næstu ára, hjá stærstu handboltadeild á Íslandi,“ segir Halldór.
Danski handboltinn HK Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Uppgjörið: Valur - Stjarnan 2-2 | Gylfi Þór jafnaði með stórkostlegu marki Íslenski boltinn Uppgjörið: Fjölnir - Afturelding 0-0 | Afturelding fer aftur á Laugardalsvöll Íslenski boltinn Arnar sagður líklegur til að taka við í Skotlandi Íslenski boltinn Uppgjörið: Breiðablik - ÍA 2-0 | Afbragðsafgreiðsla Ísaks innsiglaði sigurinn Íslenski boltinn Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Hafa ekki heyrt frá Hearts: „Kom mér jafn mikið á óvart og þér“ Íslenski boltinn Fleiri fréttir Háspenna er FH vann Hafnarfjarðarslaginn Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Sjá meira