Stútfull hátíðardagskrá um allt land á 17. júní Rafn Ágúst Ragnarsson skrifar 16. júní 2024 15:00 Hátíðargestir á Rútstúni í Kópavogi. Vísir/Vilhelm Þjóðhátíðardagurinn verður haldinn hátíðlegur á morgun og haldið verður upp á 80 ára afmæli lýðveldisins. Venjunni samkvæmt er stútfull og metnaðarfull dagskrá um allt land. Vísir tók saman dagskrána í nokkrum sveitarfélögum. Reykjavíkurborg Á þjóðhátíðardaginn 17. júní verður fjölbreytt dagskrá í höfuðborginni allan daginn. Dagurinn hefst klukkan 11:10 með hátíðlegri athöfn á Austurvelli. Forseti Íslands leggur blómsveig frá íslensku þjóðinni að minnisvarða Jón Sigurðssonar og Bjarni Benediktsson forsætisráðherra flytur hátíðarræðu. Fjallkonan flytur einnig ávarp og nýstúdentar leggja blómsveig við leiði Jóns og Ingibjargar í Hólavallakirkjugarði að athöfninni lokinni. Þá verður haldið í skrúðgöngu frá Austurvelli í Hólavallakirkjugarð. Í kjölfarið á því taka við alls konar skemmtanir fyrir unga og aldna. Tónleikar, götuleikhús, dans, matarvagnar og margt fleira. Á vefnum 17juni.is má skoða dagskrána í Reykjavík nánar. Þar er einnig hægt að finna upplýsingar um götulokanir. Kópavogsbær Í Kópavogi verður 17. júní fagnað með glæsibrag og verður boðið upp á dagskrá á nokkrum stöðum í bænum. Skemmtidagskrá er bæði á Rútstúni og við Versali frá tvö til fjögur en leiktæki og hoppukastali opna klukkan tólf. Einnig er dagskrá við Menningarhús bæjarins. Skrúðganga verður gengin frá Menntaskólanum í Kópavogi klukkan 13:30 og henni lýkur á Rútstúni. Þar hefst svo skemmtidagskrá þar sem fram koma ýmsir listamenn sem og fjallkona Kópavogs. Dagskrána í Kópavogi má skoða nánar hér. Hafnarfjörður Þjóðhátíðarveisla sem teygir anga sína víða um bæinn verður í boði víðsvegar um Hafnarfjörð. Þjóðhátíðardagurinn hefst með fánahyllingu á Hamrinum klukkan átta í boði Skátafélagsins Hraunbúa og lýkur með glæsilegri kvölddagskrá á Thorsplani. Þjóðbúningasamkoma verður haldin í Flensborg klukkan ellefu og klukkan eitt verður gengin skrúðganga frá Flensborgarskólanum niður Hringbraut, eftir Lækjargötu og inn Strandgötu að Thorsplani. Þar hefjast svo hátíðarhöldin klukkan hálf tvö. Dagskrána má lesa á vef Hafnarfjarðarbæjar. Garðabær Í Garðabæ verður dagskrá fyrir alla fjölskylduna. Kvenfélag Garðabæjar heldur kaffihlaðborð og hátíðartónleikar verða haldnir í tilefni af áttatíu ára afmæli lýðveldisins. Skátafélagið Vífill og Blásarasveit Tónlistarskóla Garðabæjar leiða skrúðgöngu klukkan eitt sem fer frá Hofsstaðatúni á Garðatorg. Þar mun fjallkona Garðabæjar flytja ávarp og kunnulegar persónur úr Latabæ skemmta krökkunum. Dagskrána má sjá í heild sinni hér. Mosfellsbær Á lýðveldisdaginn verður einnig boðið upp á fjölbreytta dagskrá í Mosfellsbæ. Dagskráin hefst með hátíðarguðsþjónustu í Lágafellskirkju klukkan ellefu og Skátafélagið Mosverjar leiðir síðan skrúðgöngu að Hlégarði klukkan hálf tvö. Að skrúðgöngunni genginni tekur fjölskyldudagskrá við í Hlégarði. Þar mun fjallkona bæjarins flytja ávarp og listamenn af ýmsum toga stíga á stokk. Hoppukastalar, skátaleikir, sölutjöld og andlitsmálun verður þar líka að finna. Dagskrána má sjá á vef Mosfellsbæjar. Seltjarnarnes Á Seltjarnarnesi verður skrúðganga og fjölbreytt dagskrá fyrir alla fjölskylduna. Frítt verður í alla skemmtun og leiki. Dagskráin hefst klukkan tíu með bátasiglingu frá smábátahöfninni í boði Siglingafélagsins Sigurfara og Björgunarsveitarinnar Ársæls. Þá verður hátíðarguðsþjónusta í Seltjarnarneskirkju klukkan ellefu. Klukkan korter í eitt verður gengin skrúðganga frá Leikskóla Seltjarnarnes yfir í Bakkagarð og lúðrasveit tónlistarskólans, trúðar, stultufólk og fánaberar verða þar í broddi fylkingar. Við tekur skemmtanahald í Bakkagarði klukkan eitt. Fjallkonan flytur ljóðið Hver á sér fegra föðurland og tónlistarmenn troða upp. Þá verður einnig fjölbreytt úrval af leiktækjum í Bakkagarði. Dagskrána má lesa í heild sinni á vef Seltjarnarnesbæjar. Akureyri Þjóðhátíðardagurinn verður haldinn hátíðlegur á Akureyri í Lystigarðinum. Skrúðgangan leggur af stað frá Gamla húsmæðraskólanum við Þórunnarstræti og heldur suður í Lystigarð þar sem formleg hátíðarhöld fara fram. Við komuna þangað hefst hátíðardagskráin. Tónlist, ávörp, dans og alls kyns skemmtanir verða aðgengilegar Akureyringum milli tvö og fimm. Dagskrána má lesa hér. Reykjanesbær Þjóðhátíðardegi Íslendinga verður fagnað í Reykjanesbæ og verður stærsti fáni landsins dreginn að húni á fánastönginni í skrúðgarðinum í Keflavík. Dagskráin hefst klukkan tólf með hátíðarguðsþjónustu í Keflavíkurkirkju. Þá verður skrúðganga gengin frá Keflavíkurkirkju í skrúðgarðinn með sérstökum gestum úr U.S. Naval Forces Europe og Africa Band. Klukkan 13:20 tekur við hátíðardagskrá í skrúðgarðinum þar sem Karlakór Keflavíkur syngur þjóðsönginn, fjallkonan ávarpar lýðinn og fleira. Þá tekur við skemmtidagskrá með fjölbreyttum tónlistar- og dansatriðum ásamt hoppuköstulum, hestateymingu, andlitsmálningu og fleiru. Dagskrána má sjá í heild sinni hér. Árborg Á Selfossi verður fjölbreytt hátíðardagskrá fyrir alla aldurshópa. Skrúðganga verður gengin frá Selfosskirkju klukkan korter yfir eitt, gengið verður Kirkjuveg, Eyraveg, Austurveg, Reynivelli, Engjaveg, Sigtún og inn í Sigtúnsgarð. Klukkan 13:30 hefst svo hátíðardagskrá í Sigtúnsgarði. Þar verða hoppukastalar, loftboltar, andlitsmálum og alls konar sælgæti til sölu. Fjallkonan ávarpar hátíðargesti og tónlistarfólk treður upp. Dagskrána á Selfossi má sjá hér. Ísafjörður Á Ísafirði verður haldið upp á afmæli lýðveldisins á Eyrartúni. Klukkan 13:15 verður skrúðganga gengin frá Silfurtorgi upp á Eyrartún og þar tekur við hátíðardagskrá. Lúðrasveitin leikur fjörug lög, hátíðarræðu heldur Ólafur Guðsteinn Kristjánsson og fjallkona bæjarins ávarpar gesti. Á Eyrartúni verða einnig hoppukastalar, andlitsmálun, karamelluregn, hestbak fyrir börn og sölutjöld á vegum körfuknattleiksdeildar Vestra. Þá verður einnig dagskrá á Hrafnseyri, fæðingarstað sjálfs Jóns Sigurðssonar, þar sem krakkar fá tækifæri til að spreyta sig á fornleifauppgrefti undir handleiðslu fornleifafræðings. Þar verður íbúum af erlendum uppruna einnig boðið upp á leiðsögn og fræðslu um íslenska lýðveldið, Jón Sigurðsson, Hrafnseyri og fornminjar á einfaldri íslensku. Dagskrána má sjá í heild sinni hér. Fjarðabyggð Fjarðabyggð heldur 17. júní hátíðlegan í samstarfi við íþróttahreyfinguna í Fjarðabyggð og fer hátíðardagskrá sveitarfélagsins fram til skiptis í hverjum bæjarkjarna. Í ár fer hátíðardagskráin fram við Salthúsmarkaðinn á Stöðvarfirði. Dagskráin hefst klukkan 12:20 með afhjúpun og vígslu upplýsingaskilta við Stöðvarkirkjugarð og um fornleifauppgröftinn við Stöð. Þá mun forseti bæjarstjórnar ávarpa lýðinn klukkan eitt og fjallkonan í kjölfarið. Við Salthúsmarkaðinn verða hoppukastalar, andlitsmálning og götulist. Einnig verður boðið upp á pylsur og köku. Dagskrána má sjá í heild sinni hér. Hvolsvöllur Á Hvolsvelli hefst hátíðardagskráin snemma eða klukkan níu með morgunmat í Hvolnum. Frá klukkan tíu verður opið hús hjá lögreglunni og björgunarsveitinni Dagrenningu. Klukkan 12:10 verður komið saman við Kirkjuhvol og leggur skrúðgangan af stað klukkan 12:30. Frá klukkan eitt verður hátíðardagskrá á miðbæjartúninu. Þar verður íþróttaálfurinn, tónlistaratriði, fjallkonan ávarpar gesti, hoppukastalar og fleira. Dagskrána má sjá hér. 17. júní Reykjavík Kópavogur Hafnarfjörður Garðabær Mosfellsbær Seltjarnarnes Akureyri Ísafjarðarbær Fjarðabyggð Rangárþing eystra Mest lesið Myndir frá eldsvoðanum í Húsafelli í nótt Innlent Fleiri foreldrar í vanda með máluppeldi en áður Innlent Bandarískum kjósendum líst illa á stöðuna í forsetaslagnum Erlent „Hann á að vera hér á Íslandi“ Innlent Leitin að Slater blásin af Erlent Ómögulegt að vita hvað leynist í „brúnku-nefspreyjum“ sem seld eru á samfélagsmiðlum Innlent Útlitið svart hjá Macron fyrir kosningar á morgun Erlent Hiti víða yfir tuttugu stigum á Austurlandi Veður Stungumaðurinn á hlaupahjólinu áfram í haldi Innlent Ungur maður tekinn af lífi fyrir að hlusta á K-pop í Norður-Kóreu Erlent Fleiri fréttir Samsæriskenningar, borgarstjóri um húsnæðismál og kosningar Stungumaðurinn á hlaupahjólinu áfram í haldi Fleiri foreldrar í vanda með máluppeldi en áður Riðu um miðbæinn til að fagna Landsmóti Ómögulegt að vita hvað leynist í „brúnku-nefspreyjum“ sem seld eru á samfélagsmiðlum 82 ára snillingur í Hafnarfirði í hannyrðum „Hann á að vera hér á Íslandi“ Myndir frá eldsvoðanum í Húsafelli í nótt Alvarlegar aukaverkanir af brúnkunefspreyjum og brottvísun Yazans Tamimi Rændi fötum fyrir nánast hundrað þúsund Hugsi yfir lausagöngu fjár við vegi eftir að ferðamaður ók á lamb Séra Aldís Rut tekur við af verðandi biskup Parísarhjólið varla óvinsælt ef sextíu þúsund vilja taka snúning Rabarabarahátíð í gamla bænum á Blönduósi Býst ekki við nýju eldgosi Hyggst ekki flýta bílabanni og efasemdir um nýtt eldgos Stútar á rafhlaupahjólum handteknir og mega búast við sektum Hjólhýsi brann í Húsafelli Boða til samstöðufundar með Yazan Tíu ára stúlku vísað úr strætó Kristján Loftsson skilur ekkert hvað hvalveiðar koma alls kyns samtökum við Séra Sigfús Jón Árnason látinn Kolólöglegt og hættulegt brúnkulyf í tísku á samfélagsmiðlum Verðlagning landsbyggðarstrætó „glórulaus“ Landsvirkjun með hundraðasta frisbígolfvöll landsins Stórir viðburðir í hættu þegar miðbærinn stækkar „Maður þurfti að vakta að hann myndi ekki kveikja í okkur“ Reykspúandi flugsveit veltir sér yfir Akureyri Hélt fyrst að innbrotsþjófurinn væri sölumaður „Hótanir eru að færast nær fjölskyldum og heimilum“ Sjá meira
Reykjavíkurborg Á þjóðhátíðardaginn 17. júní verður fjölbreytt dagskrá í höfuðborginni allan daginn. Dagurinn hefst klukkan 11:10 með hátíðlegri athöfn á Austurvelli. Forseti Íslands leggur blómsveig frá íslensku þjóðinni að minnisvarða Jón Sigurðssonar og Bjarni Benediktsson forsætisráðherra flytur hátíðarræðu. Fjallkonan flytur einnig ávarp og nýstúdentar leggja blómsveig við leiði Jóns og Ingibjargar í Hólavallakirkjugarði að athöfninni lokinni. Þá verður haldið í skrúðgöngu frá Austurvelli í Hólavallakirkjugarð. Í kjölfarið á því taka við alls konar skemmtanir fyrir unga og aldna. Tónleikar, götuleikhús, dans, matarvagnar og margt fleira. Á vefnum 17juni.is má skoða dagskrána í Reykjavík nánar. Þar er einnig hægt að finna upplýsingar um götulokanir. Kópavogsbær Í Kópavogi verður 17. júní fagnað með glæsibrag og verður boðið upp á dagskrá á nokkrum stöðum í bænum. Skemmtidagskrá er bæði á Rútstúni og við Versali frá tvö til fjögur en leiktæki og hoppukastali opna klukkan tólf. Einnig er dagskrá við Menningarhús bæjarins. Skrúðganga verður gengin frá Menntaskólanum í Kópavogi klukkan 13:30 og henni lýkur á Rútstúni. Þar hefst svo skemmtidagskrá þar sem fram koma ýmsir listamenn sem og fjallkona Kópavogs. Dagskrána í Kópavogi má skoða nánar hér. Hafnarfjörður Þjóðhátíðarveisla sem teygir anga sína víða um bæinn verður í boði víðsvegar um Hafnarfjörð. Þjóðhátíðardagurinn hefst með fánahyllingu á Hamrinum klukkan átta í boði Skátafélagsins Hraunbúa og lýkur með glæsilegri kvölddagskrá á Thorsplani. Þjóðbúningasamkoma verður haldin í Flensborg klukkan ellefu og klukkan eitt verður gengin skrúðganga frá Flensborgarskólanum niður Hringbraut, eftir Lækjargötu og inn Strandgötu að Thorsplani. Þar hefjast svo hátíðarhöldin klukkan hálf tvö. Dagskrána má lesa á vef Hafnarfjarðarbæjar. Garðabær Í Garðabæ verður dagskrá fyrir alla fjölskylduna. Kvenfélag Garðabæjar heldur kaffihlaðborð og hátíðartónleikar verða haldnir í tilefni af áttatíu ára afmæli lýðveldisins. Skátafélagið Vífill og Blásarasveit Tónlistarskóla Garðabæjar leiða skrúðgöngu klukkan eitt sem fer frá Hofsstaðatúni á Garðatorg. Þar mun fjallkona Garðabæjar flytja ávarp og kunnulegar persónur úr Latabæ skemmta krökkunum. Dagskrána má sjá í heild sinni hér. Mosfellsbær Á lýðveldisdaginn verður einnig boðið upp á fjölbreytta dagskrá í Mosfellsbæ. Dagskráin hefst með hátíðarguðsþjónustu í Lágafellskirkju klukkan ellefu og Skátafélagið Mosverjar leiðir síðan skrúðgöngu að Hlégarði klukkan hálf tvö. Að skrúðgöngunni genginni tekur fjölskyldudagskrá við í Hlégarði. Þar mun fjallkona bæjarins flytja ávarp og listamenn af ýmsum toga stíga á stokk. Hoppukastalar, skátaleikir, sölutjöld og andlitsmálun verður þar líka að finna. Dagskrána má sjá á vef Mosfellsbæjar. Seltjarnarnes Á Seltjarnarnesi verður skrúðganga og fjölbreytt dagskrá fyrir alla fjölskylduna. Frítt verður í alla skemmtun og leiki. Dagskráin hefst klukkan tíu með bátasiglingu frá smábátahöfninni í boði Siglingafélagsins Sigurfara og Björgunarsveitarinnar Ársæls. Þá verður hátíðarguðsþjónusta í Seltjarnarneskirkju klukkan ellefu. Klukkan korter í eitt verður gengin skrúðganga frá Leikskóla Seltjarnarnes yfir í Bakkagarð og lúðrasveit tónlistarskólans, trúðar, stultufólk og fánaberar verða þar í broddi fylkingar. Við tekur skemmtanahald í Bakkagarði klukkan eitt. Fjallkonan flytur ljóðið Hver á sér fegra föðurland og tónlistarmenn troða upp. Þá verður einnig fjölbreytt úrval af leiktækjum í Bakkagarði. Dagskrána má lesa í heild sinni á vef Seltjarnarnesbæjar. Akureyri Þjóðhátíðardagurinn verður haldinn hátíðlegur á Akureyri í Lystigarðinum. Skrúðgangan leggur af stað frá Gamla húsmæðraskólanum við Þórunnarstræti og heldur suður í Lystigarð þar sem formleg hátíðarhöld fara fram. Við komuna þangað hefst hátíðardagskráin. Tónlist, ávörp, dans og alls kyns skemmtanir verða aðgengilegar Akureyringum milli tvö og fimm. Dagskrána má lesa hér. Reykjanesbær Þjóðhátíðardegi Íslendinga verður fagnað í Reykjanesbæ og verður stærsti fáni landsins dreginn að húni á fánastönginni í skrúðgarðinum í Keflavík. Dagskráin hefst klukkan tólf með hátíðarguðsþjónustu í Keflavíkurkirkju. Þá verður skrúðganga gengin frá Keflavíkurkirkju í skrúðgarðinn með sérstökum gestum úr U.S. Naval Forces Europe og Africa Band. Klukkan 13:20 tekur við hátíðardagskrá í skrúðgarðinum þar sem Karlakór Keflavíkur syngur þjóðsönginn, fjallkonan ávarpar lýðinn og fleira. Þá tekur við skemmtidagskrá með fjölbreyttum tónlistar- og dansatriðum ásamt hoppuköstulum, hestateymingu, andlitsmálningu og fleiru. Dagskrána má sjá í heild sinni hér. Árborg Á Selfossi verður fjölbreytt hátíðardagskrá fyrir alla aldurshópa. Skrúðganga verður gengin frá Selfosskirkju klukkan korter yfir eitt, gengið verður Kirkjuveg, Eyraveg, Austurveg, Reynivelli, Engjaveg, Sigtún og inn í Sigtúnsgarð. Klukkan 13:30 hefst svo hátíðardagskrá í Sigtúnsgarði. Þar verða hoppukastalar, loftboltar, andlitsmálum og alls konar sælgæti til sölu. Fjallkonan ávarpar hátíðargesti og tónlistarfólk treður upp. Dagskrána á Selfossi má sjá hér. Ísafjörður Á Ísafirði verður haldið upp á afmæli lýðveldisins á Eyrartúni. Klukkan 13:15 verður skrúðganga gengin frá Silfurtorgi upp á Eyrartún og þar tekur við hátíðardagskrá. Lúðrasveitin leikur fjörug lög, hátíðarræðu heldur Ólafur Guðsteinn Kristjánsson og fjallkona bæjarins ávarpar gesti. Á Eyrartúni verða einnig hoppukastalar, andlitsmálun, karamelluregn, hestbak fyrir börn og sölutjöld á vegum körfuknattleiksdeildar Vestra. Þá verður einnig dagskrá á Hrafnseyri, fæðingarstað sjálfs Jóns Sigurðssonar, þar sem krakkar fá tækifæri til að spreyta sig á fornleifauppgrefti undir handleiðslu fornleifafræðings. Þar verður íbúum af erlendum uppruna einnig boðið upp á leiðsögn og fræðslu um íslenska lýðveldið, Jón Sigurðsson, Hrafnseyri og fornminjar á einfaldri íslensku. Dagskrána má sjá í heild sinni hér. Fjarðabyggð Fjarðabyggð heldur 17. júní hátíðlegan í samstarfi við íþróttahreyfinguna í Fjarðabyggð og fer hátíðardagskrá sveitarfélagsins fram til skiptis í hverjum bæjarkjarna. Í ár fer hátíðardagskráin fram við Salthúsmarkaðinn á Stöðvarfirði. Dagskráin hefst klukkan 12:20 með afhjúpun og vígslu upplýsingaskilta við Stöðvarkirkjugarð og um fornleifauppgröftinn við Stöð. Þá mun forseti bæjarstjórnar ávarpa lýðinn klukkan eitt og fjallkonan í kjölfarið. Við Salthúsmarkaðinn verða hoppukastalar, andlitsmálning og götulist. Einnig verður boðið upp á pylsur og köku. Dagskrána má sjá í heild sinni hér. Hvolsvöllur Á Hvolsvelli hefst hátíðardagskráin snemma eða klukkan níu með morgunmat í Hvolnum. Frá klukkan tíu verður opið hús hjá lögreglunni og björgunarsveitinni Dagrenningu. Klukkan 12:10 verður komið saman við Kirkjuhvol og leggur skrúðgangan af stað klukkan 12:30. Frá klukkan eitt verður hátíðardagskrá á miðbæjartúninu. Þar verður íþróttaálfurinn, tónlistaratriði, fjallkonan ávarpar gesti, hoppukastalar og fleira. Dagskrána má sjá hér.
17. júní Reykjavík Kópavogur Hafnarfjörður Garðabær Mosfellsbær Seltjarnarnes Akureyri Ísafjarðarbær Fjarðabyggð Rangárþing eystra Mest lesið Myndir frá eldsvoðanum í Húsafelli í nótt Innlent Fleiri foreldrar í vanda með máluppeldi en áður Innlent Bandarískum kjósendum líst illa á stöðuna í forsetaslagnum Erlent „Hann á að vera hér á Íslandi“ Innlent Leitin að Slater blásin af Erlent Ómögulegt að vita hvað leynist í „brúnku-nefspreyjum“ sem seld eru á samfélagsmiðlum Innlent Útlitið svart hjá Macron fyrir kosningar á morgun Erlent Hiti víða yfir tuttugu stigum á Austurlandi Veður Stungumaðurinn á hlaupahjólinu áfram í haldi Innlent Ungur maður tekinn af lífi fyrir að hlusta á K-pop í Norður-Kóreu Erlent Fleiri fréttir Samsæriskenningar, borgarstjóri um húsnæðismál og kosningar Stungumaðurinn á hlaupahjólinu áfram í haldi Fleiri foreldrar í vanda með máluppeldi en áður Riðu um miðbæinn til að fagna Landsmóti Ómögulegt að vita hvað leynist í „brúnku-nefspreyjum“ sem seld eru á samfélagsmiðlum 82 ára snillingur í Hafnarfirði í hannyrðum „Hann á að vera hér á Íslandi“ Myndir frá eldsvoðanum í Húsafelli í nótt Alvarlegar aukaverkanir af brúnkunefspreyjum og brottvísun Yazans Tamimi Rændi fötum fyrir nánast hundrað þúsund Hugsi yfir lausagöngu fjár við vegi eftir að ferðamaður ók á lamb Séra Aldís Rut tekur við af verðandi biskup Parísarhjólið varla óvinsælt ef sextíu þúsund vilja taka snúning Rabarabarahátíð í gamla bænum á Blönduósi Býst ekki við nýju eldgosi Hyggst ekki flýta bílabanni og efasemdir um nýtt eldgos Stútar á rafhlaupahjólum handteknir og mega búast við sektum Hjólhýsi brann í Húsafelli Boða til samstöðufundar með Yazan Tíu ára stúlku vísað úr strætó Kristján Loftsson skilur ekkert hvað hvalveiðar koma alls kyns samtökum við Séra Sigfús Jón Árnason látinn Kolólöglegt og hættulegt brúnkulyf í tísku á samfélagsmiðlum Verðlagning landsbyggðarstrætó „glórulaus“ Landsvirkjun með hundraðasta frisbígolfvöll landsins Stórir viðburðir í hættu þegar miðbærinn stækkar „Maður þurfti að vakta að hann myndi ekki kveikja í okkur“ Reykspúandi flugsveit veltir sér yfir Akureyri Hélt fyrst að innbrotsþjófurinn væri sölumaður „Hótanir eru að færast nær fjölskyldum og heimilum“ Sjá meira