Karlmaður á fertugsaldri lést í vinnuslysi á byggingarsvæði í Urriðaholti í Garðabæ í gær.
Þetta kemur fram í tilkynningu frá lögreglunni á höfuðborgarsvæðinu.
Þar segir að hinn látni hafi verið erlendur ríkisborgari, en að ekki sé unnt að skýra frá nafni hans að svo stöddu.
Lögreglan á höfuðborgarsvæðinu og Vinnueftirlitið rannsaka tildrög slyssins.
Tilkynnt var um slysið á um klukkan 16 í gær.
Einn var fluttur á slysadeild síðdegis í dag vegna alvarlegs vinnuslyss í Urriðaholti í Garðabæ. Í tilkynningu frá Lögreglunni á höfuðborgarsvæðinu kemur fram að tilkynning um slysið hafi borist lögreglu um klukkan fjögur. Viðbragðsaðilar hafi farið beint á vettvang.
