Rúmar fimmtíu milljónir á mánuði fyrir Rússaáróður Samúel Karl Ólason skrifar 5. september 2024 14:06 Frá fundi á vegum dómsmálaráðuneytisins í gær. Merrick Garland, dómsmálaráðherra, situr hér milli þeirra Lisu Monaco, aðstoðardómsmálaráðherra, og Chrstopher Wray, yfirmanni Alríkislögreglu Bandaríkjanna. AP/Mark Schiefelbein Forsvarsmenn dómsmálaráðuneytis Bandaríkjanna sökuðu í gær ráðamenn í Rússland um að verja milljónum dala til áróðursherferða gegnum ríkismiðil Rússlands, RT (sem áður hét Russia Today). Áróðrinum var ætlað að hjálpa Donald Trump við forsetaframboð hans og grafa undan stuðningi Bandaríkjamanna við Úkraínu. Rússar eru sagðir hafa meðal annars fjármagnað bandarískan fjölmiðil gegnum RT en vinsælir hægri sinnaðir áhrifavalda fengu greiddar fúlgur fjár fyrir að framleiða myndbönd og hlaðvörp, þar sem málflutningur Kreml var endurtekinn, fyrir bandaríska miðillinn. Tveir starfsmenn RT hafa verið ákærðir vegna málsins fyrir peningaþvætti og fyrir að brjóta lög varðandi skrásetningu erlendra útsendara. Fékk 55 milljónir króna á mánuði Áhrifavaldar þessir munu þó ekki hafa vitað af því hvaðan greiðslurnar kæmu. Meðal umræddra áhrifavalda eru þeir Tim Pool, Dave Rubin og Benny Johnson. Þeir eiga milljónir fylgjanda í Bandaríkjunum og víðar um heiminn, samkvæmt frétt AP fréttaveitunnar. Þeir unnu fyrir miðilinn Tenet Media, en sá miðill er sagður hafa verið fjármagnaður gegnum RT. Dómsmálaráðuneytið lagði hald á 32 vefsvæði vegna ákæranna og segja þau hafa verið notuð til að reyna að hafa óeðlileg áhrif á kosningar í Bandaríkjunum. Einn Áhrifavaldanna fékk fjögur hundruð þúsund dali á mánuði fyrir störf sín fyrir Tenet auk hundrað þúsund dala fyrir að skrifa undir samning við fyrirtækið, fyrir það eitt að gera fjögur myndbönd á viku. Fjögur hundruð þúsund dalir samsvara rúmum 55 milljónum króna, miðað við gengið í dag. Annar fékk hundrað þúsund dali fyrir hvert myndband sem hann gerði fyrir Tenet. Today, the Justice Department announced the ongoing seizure of 32 internet domains used in Russian government-directed foreign malign influence campaigns colloquially referred to as “Doppelganger,” in violation of U.S. money laundering & criminal trademark laws. pic.twitter.com/zSaxVqrLyS— U.S. Department of Justice (@TheJusticeDept) September 4, 2024 Einnig stendur til að beita frekari ákærum, viðskiptaþvingunum og öðrum leiðum til að sporna gegn þessum áróðri Rússa, samkvæmt frétt New York Times. Þá hefur utanríkisráðuneytið tilkynnt að fimm ríkismiðlar Rússlands; RT, Ruptly, Sputnik og aðrir, verði skilgreindir sem erlendar stofnanir og dregið verði úr vegabréfsáritunum fyrir starfsmenn rússneskra ríkismiðla. Þetta eru þriðju forsetakosningarnar í Bandaríkjunum í röð þar sem embættismenn segja Rússa hafa haft afskipti af þeim. Garland sagði í gær að umsvif þessara afskipta hefðu aldrei verið meiri en núna og það sama ætti við ógnina. Sjá einnig: Upplýsingahernaður háður úr „Tröllaverksmiðju“ í Pétursborg Í síðasta mánuði gerðu starfsmenn Alríkislögreglu Bandaríkjanna (FBI) húsleit á heimili tveggja bandarískra álitsgjafa RT. Annar þeirra var Scott Ritter, fyrrverandi vopnaeftirlitsmaður Sameinuðu þjóðanna, og hinn var Dimitri K. Simes, fyrrverandi ráðgjafi forsetaframboðs Trumps árið 2016. Embættismenn opinberuðu hluta sönnunargagna þeirra í gær en þeirra á meðal voru minnisblöð úr rússneskri stjórnsýslu sem leyniþjónustur Bandaríkjanna komu höndum yfir. Í einu skjali var taldir upp þeir áhorfendahópar sem Rússarnir vildu ná til. Þar á meðal voru óákveðnir kjósendur í mikilvægum ríkjum eins og Arizona og Pennsylvaníu, tölvuleikjaspilarar og notendur Reddit, svo einhverjir séu nefndir. Skjölin sína einnig að háttsettir embættismenn í Kreml komu að áróðrinum. Í einu tilfelli skipaði Sergei Kiriyenko, aðstoðarstarfsmannastjóri Kreml, fólki að ýta undir einangrunarstefnu í Bandaríkjunum, ýta undir ótta vegna ástandsins á landamærum Bandaríkjanna og Mexíkó og reyna að ýta undir efnahagslegar deilur og deilur milli kynþátta, samkvæmt frétt Washington Post. „Bandaríska þjóðin hefur rétt á því að vita þegar erlend ríki eiga í pólitískum aðgerðum sem þessum eða reyna að hafa áhrif á opinbera umræðu hér,“ sagði Merrick Garland, dómsmálaráðherra, í gær. Segjast ætla að hefna sín Ráðamenn í Rússlandi tilkynntu í morgun að gripið yrði til mótaðgerða gegn bandarískum fjölmiðlum vegna ákæranna og refsiaðgerðanna gegn RT og starfsmanna ríkismiðilsins. María Sakaróva, talskona utanríkisráðuneytis Rússlands, sakaði Bandaríkjamenn um að reyna að þagga í andófsröddum og varaði við því að yrðu settar hömlur á störf starfsmanna ríkismiðla Rússlands í Bandaríkjunum yrði því mætt með sambærilegum aðgerðum í Rússlandi, samkvæmt frétt Reuters. Fréttamenn án landamæra setja Rússlands í 162 sæti af 180 á lista yfir ríki þar sem fjölmiðlar njóta mest frelsis og réttinda. Ríkisstjórn Vladimírs Pútín, forseta Rússlands, hefur um árabil lokað fjölmörgum frjálsum fjölmiðlum þar í landi og fangelsað fjölda blaðamanna. Þá hafa margir blaðamenn verið myrtir í Rússlandi á undanförnum árum. Bandaríkin Forsetakosningar í Bandaríkjunum 2024 Rússland Vladimír Pútín Donald Trump Fjölmiðlar Innrás Rússa í Úkraínu Úkraína Mest lesið „Eins og að fá hnefahögg í andlitið“ Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Bílvelta í Kömbunum Innlent Lögregla kölluð til eftir að bremsuvírar voru klipptir á reiðhjólum barna Innlent Hleypur 110 kílómetra á dag til að setja heimsmet Innlent Skoða að efla geðheilbrigðisþjónustu á Austurlandi eftir röð áfalla Innlent Íbúar mótmæla og vilja börn frekar en byggingu í Gunnarsbrekku Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent Fleiri fréttir Webb smellti af nýburamyndum Harðlega gagnrýndur af bæði Demókrötum og Repúblikönum Fundu ofgnótt ferskvatns undir sjávarbotninum í Atlantshafi Segir af sér sem ráðherra og varaformaður Verkamannaflokksins „Selir“ skutu óvopnaða borgara í leyniaðgerð í Norður-Kóreu Hertogaynjan af Kent er látin Konungssinninn Anutin Charnvirakul nýr forsætisráðherra Taílands Bretar, Kanadamenn, Suður-Kóreubúar og Þjóðverji meðal látinna í Lissabon Sér ekki tilgang í öryggistryggingum þar sem Rússum sé treystandi Skoða að banna trans fólki að eiga skotvopn Svíar saka Rússa um auknar truflanir í staðsetningarbúnaði Gekkst undir aðgerð vegna húðkrabbameins Kynnir stríðsmálaráðuneytið til leiks Gerðu loftárás á vinnusvæði danskra hjálparsamtaka Yfir tvö þúsund látnir eftir jarðskjálftann Segir 26 ríki vilja senda hermenn til Úkraínu Sá sem ók á skrúðgöngu Liverpool-manna lýsti yfir sakleysi Mátti ekki stöðva fjárveitingar til Harvard Tískugoðsögnin Giorgio Armani er fallin frá Búa sig undir komu hermanna og útsendara ICE Evrópuleiðtogar funda um öryggistryggingar fyrir Úkraínu Spinna samsæriskenningar vegna óvenjumargra andláta frambjóðenda Biðja hæstarétt um flýtimeðferð vegna tolla Höfundur Father Ted handtekinn fyrir að hvetja til ofbeldis gegn trans fólki Allir íbúar munu geta höfðað mál vegna þungunarrofslyfja Vinna að lista yfir vini og samstarfsmenn Epstein Mjótt á munum í Noregi og líkur á flókinni stjórnarmyndun Mótmæla hugmyndum um innlimun nær alls Vesturbakkans Þjóðarsorg lýst yfir í Portgúal Pútín og Xi ræddu ódauðleika í gegnum líffæragjöf Sjá meira
Rússar eru sagðir hafa meðal annars fjármagnað bandarískan fjölmiðil gegnum RT en vinsælir hægri sinnaðir áhrifavalda fengu greiddar fúlgur fjár fyrir að framleiða myndbönd og hlaðvörp, þar sem málflutningur Kreml var endurtekinn, fyrir bandaríska miðillinn. Tveir starfsmenn RT hafa verið ákærðir vegna málsins fyrir peningaþvætti og fyrir að brjóta lög varðandi skrásetningu erlendra útsendara. Fékk 55 milljónir króna á mánuði Áhrifavaldar þessir munu þó ekki hafa vitað af því hvaðan greiðslurnar kæmu. Meðal umræddra áhrifavalda eru þeir Tim Pool, Dave Rubin og Benny Johnson. Þeir eiga milljónir fylgjanda í Bandaríkjunum og víðar um heiminn, samkvæmt frétt AP fréttaveitunnar. Þeir unnu fyrir miðilinn Tenet Media, en sá miðill er sagður hafa verið fjármagnaður gegnum RT. Dómsmálaráðuneytið lagði hald á 32 vefsvæði vegna ákæranna og segja þau hafa verið notuð til að reyna að hafa óeðlileg áhrif á kosningar í Bandaríkjunum. Einn Áhrifavaldanna fékk fjögur hundruð þúsund dali á mánuði fyrir störf sín fyrir Tenet auk hundrað þúsund dala fyrir að skrifa undir samning við fyrirtækið, fyrir það eitt að gera fjögur myndbönd á viku. Fjögur hundruð þúsund dalir samsvara rúmum 55 milljónum króna, miðað við gengið í dag. Annar fékk hundrað þúsund dali fyrir hvert myndband sem hann gerði fyrir Tenet. Today, the Justice Department announced the ongoing seizure of 32 internet domains used in Russian government-directed foreign malign influence campaigns colloquially referred to as “Doppelganger,” in violation of U.S. money laundering & criminal trademark laws. pic.twitter.com/zSaxVqrLyS— U.S. Department of Justice (@TheJusticeDept) September 4, 2024 Einnig stendur til að beita frekari ákærum, viðskiptaþvingunum og öðrum leiðum til að sporna gegn þessum áróðri Rússa, samkvæmt frétt New York Times. Þá hefur utanríkisráðuneytið tilkynnt að fimm ríkismiðlar Rússlands; RT, Ruptly, Sputnik og aðrir, verði skilgreindir sem erlendar stofnanir og dregið verði úr vegabréfsáritunum fyrir starfsmenn rússneskra ríkismiðla. Þetta eru þriðju forsetakosningarnar í Bandaríkjunum í röð þar sem embættismenn segja Rússa hafa haft afskipti af þeim. Garland sagði í gær að umsvif þessara afskipta hefðu aldrei verið meiri en núna og það sama ætti við ógnina. Sjá einnig: Upplýsingahernaður háður úr „Tröllaverksmiðju“ í Pétursborg Í síðasta mánuði gerðu starfsmenn Alríkislögreglu Bandaríkjanna (FBI) húsleit á heimili tveggja bandarískra álitsgjafa RT. Annar þeirra var Scott Ritter, fyrrverandi vopnaeftirlitsmaður Sameinuðu þjóðanna, og hinn var Dimitri K. Simes, fyrrverandi ráðgjafi forsetaframboðs Trumps árið 2016. Embættismenn opinberuðu hluta sönnunargagna þeirra í gær en þeirra á meðal voru minnisblöð úr rússneskri stjórnsýslu sem leyniþjónustur Bandaríkjanna komu höndum yfir. Í einu skjali var taldir upp þeir áhorfendahópar sem Rússarnir vildu ná til. Þar á meðal voru óákveðnir kjósendur í mikilvægum ríkjum eins og Arizona og Pennsylvaníu, tölvuleikjaspilarar og notendur Reddit, svo einhverjir séu nefndir. Skjölin sína einnig að háttsettir embættismenn í Kreml komu að áróðrinum. Í einu tilfelli skipaði Sergei Kiriyenko, aðstoðarstarfsmannastjóri Kreml, fólki að ýta undir einangrunarstefnu í Bandaríkjunum, ýta undir ótta vegna ástandsins á landamærum Bandaríkjanna og Mexíkó og reyna að ýta undir efnahagslegar deilur og deilur milli kynþátta, samkvæmt frétt Washington Post. „Bandaríska þjóðin hefur rétt á því að vita þegar erlend ríki eiga í pólitískum aðgerðum sem þessum eða reyna að hafa áhrif á opinbera umræðu hér,“ sagði Merrick Garland, dómsmálaráðherra, í gær. Segjast ætla að hefna sín Ráðamenn í Rússlandi tilkynntu í morgun að gripið yrði til mótaðgerða gegn bandarískum fjölmiðlum vegna ákæranna og refsiaðgerðanna gegn RT og starfsmanna ríkismiðilsins. María Sakaróva, talskona utanríkisráðuneytis Rússlands, sakaði Bandaríkjamenn um að reyna að þagga í andófsröddum og varaði við því að yrðu settar hömlur á störf starfsmanna ríkismiðla Rússlands í Bandaríkjunum yrði því mætt með sambærilegum aðgerðum í Rússlandi, samkvæmt frétt Reuters. Fréttamenn án landamæra setja Rússlands í 162 sæti af 180 á lista yfir ríki þar sem fjölmiðlar njóta mest frelsis og réttinda. Ríkisstjórn Vladimírs Pútín, forseta Rússlands, hefur um árabil lokað fjölmörgum frjálsum fjölmiðlum þar í landi og fangelsað fjölda blaðamanna. Þá hafa margir blaðamenn verið myrtir í Rússlandi á undanförnum árum.
Bandaríkin Forsetakosningar í Bandaríkjunum 2024 Rússland Vladimír Pútín Donald Trump Fjölmiðlar Innrás Rússa í Úkraínu Úkraína Mest lesið „Eins og að fá hnefahögg í andlitið“ Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Bílvelta í Kömbunum Innlent Lögregla kölluð til eftir að bremsuvírar voru klipptir á reiðhjólum barna Innlent Hleypur 110 kílómetra á dag til að setja heimsmet Innlent Skoða að efla geðheilbrigðisþjónustu á Austurlandi eftir röð áfalla Innlent Íbúar mótmæla og vilja börn frekar en byggingu í Gunnarsbrekku Innlent Kjölur ekki á dagskrá Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent Fleiri fréttir Webb smellti af nýburamyndum Harðlega gagnrýndur af bæði Demókrötum og Repúblikönum Fundu ofgnótt ferskvatns undir sjávarbotninum í Atlantshafi Segir af sér sem ráðherra og varaformaður Verkamannaflokksins „Selir“ skutu óvopnaða borgara í leyniaðgerð í Norður-Kóreu Hertogaynjan af Kent er látin Konungssinninn Anutin Charnvirakul nýr forsætisráðherra Taílands Bretar, Kanadamenn, Suður-Kóreubúar og Þjóðverji meðal látinna í Lissabon Sér ekki tilgang í öryggistryggingum þar sem Rússum sé treystandi Skoða að banna trans fólki að eiga skotvopn Svíar saka Rússa um auknar truflanir í staðsetningarbúnaði Gekkst undir aðgerð vegna húðkrabbameins Kynnir stríðsmálaráðuneytið til leiks Gerðu loftárás á vinnusvæði danskra hjálparsamtaka Yfir tvö þúsund látnir eftir jarðskjálftann Segir 26 ríki vilja senda hermenn til Úkraínu Sá sem ók á skrúðgöngu Liverpool-manna lýsti yfir sakleysi Mátti ekki stöðva fjárveitingar til Harvard Tískugoðsögnin Giorgio Armani er fallin frá Búa sig undir komu hermanna og útsendara ICE Evrópuleiðtogar funda um öryggistryggingar fyrir Úkraínu Spinna samsæriskenningar vegna óvenjumargra andláta frambjóðenda Biðja hæstarétt um flýtimeðferð vegna tolla Höfundur Father Ted handtekinn fyrir að hvetja til ofbeldis gegn trans fólki Allir íbúar munu geta höfðað mál vegna þungunarrofslyfja Vinna að lista yfir vini og samstarfsmenn Epstein Mjótt á munum í Noregi og líkur á flókinni stjórnarmyndun Mótmæla hugmyndum um innlimun nær alls Vesturbakkans Þjóðarsorg lýst yfir í Portgúal Pútín og Xi ræddu ódauðleika í gegnum líffæragjöf Sjá meira