Blöskrar framkoma sérsveitar og afskiptasemi nágranna Kolbeinn Tumi Daðason skrifar 24. september 2024 15:31 Frá Bakkafirði þar sem 55 eru skráðir til heimilis samkvæmt Hagstofu Íslands. Vísir/vilhelm Verkstjóri á Bakkafirði hefur ýmislegt við framkomu sérsveitarmanna að athuga sem komu að handtöku pólsks karlmanns og kærustu hans í þorpinu í gær. Hann segir nokkra svarta sauði í samfélaginu gera það að verkum að fimm manna fjölskyldan ætlar að flytja úr bænum eftir fimm ára dvöl. Afskiptasemi og neikvæðni ráði ríkjum á Bakkafirði. Lögreglan á Norðurlandi eystra óskaði eftir aðstoð sérsveitar við aðgerðir í sjávarþorpinu í Langanesbyggð í gær. Margir ráku upp stór augu þegar almennir lögregluþjónar í bland við sérsveitarmenn blésu til aðgerða. Pólskur karlmaður var handtekinn í fiskvinnslunni og kærasta hans færð í járn í íbúð þeirra. Þeim hefur síðar verið sleppt. Lögregla vill lítið tjá sig um málið. Yfirmaður þess handtekna segir framkomu lögreglu með ólíkindum og kann íbúa á Bakkafirði sem skipti sér af öllu litlar þakkir fyrir. Ruðst inn í fiskvinnslu Mbl.is greindi fyrst frá handtöku mannsins. Skarphéðinn Aðalsteinsson, aðstoðaryfirlögregluþjónn á Norðurlandi eystra, staðfesti við miðilinn að embættið hefði verið í aðgerðum í gær og sérsveitin kölluð til að aðstoða. Ekki væri tímabært að greina frá því um hvað málið snúist. Þórir Örn Jónsson flutti á Bakkafjörð ásamt fjölskyldu sinni fyrir fjórum árum. Hann hefur lyft grettistaki í ferðaþjónustu á svæðinu auk þess að reka fiskvinnslu í firðinum. Hann segir lögreglu og sérsveit hafa ruðst inn í fiskvinnsluna um hádegisbil í gær. „Þeir handtóku hér vaktstjóra fyrir einhverjar ábendingar sem þeir höfðu fengið annars staðar frá,“ segir Þórir Örn. Þá hafi lögregla farið í íbúð mannsins og konu hans. „Konan hans var sett í jörðina og járnuð með hendur fyrir aftan bak með mjög harkalegum hætti,“ segir Þórir Örn og lýsir furðu á hvernig sérsveitarmenn höfðu sig í frammi. Byssa Þóris Arnar hafi verið í viðgerð Sérsveit er yfirleitt ekki kölluð til nema grunur sé um að aðilar séu vopnaðir eða von á miklum átökum. Blaðamaður heyrði spurnir af því að málið tengdist skotvopni sem hefði verið í íbúð parsins. Parið leigir íbúð sína af Þóri Erni sem býr ásamt fjölskyldunni í næsta húsi. „Þetta skotvopn sem er talað um er skotvopnið mitt,“ segir Þórir Örn. Hann eigi skotvopn sem hann geymir í byssuskápum eins og lög og reglur segi til um. Þetta tiltekna skotvopn hafi verið bilað og hann beðið nágranna sinn og starfsmann um aðstoð. Byssan hafi vissulega ekki átt að vera á heimili nágrannans en þar hafi hún verið í viðgerð. Hann lýsir furðu á því hvernig staðið var að málum vegna þessa. Dónalegir og leiðinlegir „Fólk hérna var mjög skelkað,“ segir Þórir Örn um augnablikið þegar ruðst var inn í fiskvinnsluna. „Þetta er ekki algeng sjón í svona litlu þorpi.“ Pólska parið hafi búið hér í fjögur ár og sé algjört fyrirmyndarpar. Hann unnið sig upp í stjórnunarstöðu. Um sé að ræða vinalegt fólk sem vinni ekki bara hjá honum í fiskvinnslunni og leigi af honum hús heldur séu orðin mjög náin fjölskyldunni. Þóri Erni blöskraði hvernig sérsveitarmennirnir komu fram. „Þeir voru dónalegir og leiðinlegir. Þau skilja lítið í ensku og ég var að reyna að útskýra fyrir þeim. Mér var sagt að drulla mér í burtu, samt voru þeir óboðnir inni í minni fiskvinnslu. Þeir voru með mjög langt prik uppi í rassgatinu,“ segir Þórir Örn. Hann tekur fram að almennir lögreglumenn hafi komið vel fram og hann skilji að lögreglumenn þurfi að sinna sinni vinnu. En það sé ekki sama hvernig komið sé fram. Þarna hafi vantað alla mennsku. Mætti sýna smá mennsku Parinu var sleppt að loknum yfirheyrslum nokkruk klukkustundum síðar í gær. Þau mættu bæði til vinnu í dag. „Þau mættu bæði og ég ræddi mikið við þau. Þau upplifa sjokk og vanlíðan. Sérstaklega kærastan,“ segir Þórir Örn. Hún hafi verið að ganga út af baðherberginu og á leiðinni til læknis vegna magaverkjar þegar sérsveitamaður hafi tekið hana í gólfið. „Hún reyndi að segja þeim að hún væri á leiðinni til læknis en þeim var skítsama,“ segir Þórir Örn. Hann segir fleirum í þorpinu hafa blöskrað hve hart sérsveitin gekk fram. Þeir hafi líklega verið fjórir auk leitarhunds. Auk þess hafi líklega fjórir almennir lögreglumenn verið á svæðinu. „Þeir almennu voru mjög almennilegir og fínir. En sérsveitarmennirnir ættu að huga að sínum vinnubrögðum. Ég hef fengið fleiri sögur af sérsveitarmönnum að hegða sér eins og fíl. Já, það þarf að handtaka en það þarf ekki dónaskap eða hroka við alla í kringum. Það má sýna smá mennsku við svona framkvæmdir í staðinn fyrir að setja hálft samfélagið í sjokk hérna.“ Hringt í lögreglu út af litlu sem engu Þórir Örn segir að lögregla hafi gripið til aðgerða vegna ábendingar frá íbúa á svæðinu. „Það er þannig í svona litlu samfélagi að það eru gamlir fýlupúkar sem þurfi að skipta sér af öllu.“ Virðist þá engu skipta hvort um sé að ræða lausan hund eða skotvopn í viðgerð. „Það benda allar örvarnar í sömu átt. Þetta er ekki í fyrsta skipti sem sá aðili hringir í lögreglu fyrir minniháttaratriði,“ segir Þórir Örn. „Því miður eru svartir sauðir sem ná að skemma svona samfélag ansi hratt með þessari hegðun.“ Búin að fá nóg Þórir Örn segist óviss hvaða eftirmálar verða af málinu. Þetta sé hins vegar kornið sem fylli mælinn sem íbúi í þorpinu. Sumarið 2023 var Þórir Örn í viðtali hjá Morgunblaðinu þar sem fjallað var um hvernig fjölskyldan hefði stimplað sig inn í þorpið sem það hafði engar tengingu við. Flutninga á Bakkafjörð eftir helgarheimsókn. Þórir og fjölskylda sinna nú ferðaþjónstu með rekstri gistiheimilis og tjaldsvæðis auk þess að reka fiskvinnslu. Í viðtalinu talaði Þórir Örn um Bakkafjörð sem týnda perlu. Hún virðist þó hafa sína dökku hlið. „Afskiptasemi og neikvæðni toppar allt hérna. Við erum að flytja héðan út af samfélaginu,“ segir Þórir Örn. Það sé alveg sama hvað fjölskyldan reyni. Það sé enga vini að eignast. „Þetta er neikvæðasta og afskiptasamasta samfélag sem ég hef kynnst, á þessum fimm árum hér. Ég er að yfirgefa samfélagið út af fólkinu hérna,“ segir Þórir Örn. Þau hjónin eiga tvo unga syni og von á dóttur í október. „Hér höfum við tekið þátt í að byggja upp brothætta byggð. Lagt í það blóð svita og tár,“ segir Þórir Örn. Vissulega séu ekki allir svartir sauðir á Bakkafirði. Alls ekki. „En í fimmtíu manna samfélagi er nóg að séu tíu.“ Langanesbyggð Lögreglumál Mest lesið Nótt innbrota í Laugardal: „Ömurlegt að það sé verið að fara inn í bílana en vandamálið er stærra“ Innlent Flugmenn tókust óafvitandi á um stjórnina í mikilli ókyrrð yfir Íslandi Innlent „Þetta er vondur klukkutími hér í þessum þingsal“ Innlent „Enn sem er komið er staðan óbreytt og orð Sönnu ósönn“ Innlent „Þeir sem búa í glerhúsi ættu að spara grjótkastið“ Innlent Býst við að bróðir sinn Leó feti í fótspor Frans Erlent Mál Margrétar fyrir opnum tjöldum Innlent Átta ára fangelsi í sögulegu fíkniefnamáli Innlent Telur að Ólafur Þór og Sigríður hljóti að víkja við rannsókn málsins Innlent Gamlar nektarmyndir felldu glænýjan þjóðaröryggisráðgjafa Svíþjóðar Erlent Fleiri fréttir Ætla að ráðast í umfangsmikla rannsókn á gagnaþjófnaðinum Íbúasamtök vilja láta endurskoða rafrænt eftirlit Bílastæðasjóðs Víðfeðm rannsókn, baunað á skólaþorp á bílastæði og stórvirki Mál Margrétar fyrir opnum tjöldum Útilokað að þeir hafi ekki vitað af efnunum og fá þunga dóma „Enn sem er komið er staðan óbreytt og orð Sönnu ósönn“ Munu geta aðgreint fanga eftir alvarleika brota í nýju fangelsi Nótt innbrota í Laugardal: „Ömurlegt að það sé verið að fara inn í bílana en vandamálið er stærra“ Ólafur Þór segir ekki tilefni til afsagnar Túnin aftur rennandi blaut en spáð hlýindum í næstu viku Framkvæmdir á hólmanum í fullum gangi Þingmenn slá Íslandsmet Krefst svara frá MAST vegna eftirlits með blóðmerum Kristrún ræddi við Trump og Selenskíj á fundi JEF-ríkja Jákvæður tónn í Norðurþingi um samstarf við Carbfix Íslandsmet á Alþingi og saksóknarar gagnrýndir Telur að Ólafur Þór og Sigríður hljóti að víkja við rannsókn málsins „Þetta er vondur klukkutími hér í þessum þingsal“ Flugmenn tókust óafvitandi á um stjórnina í mikilli ókyrrð yfir Íslandi Skipulögð brotastarfsemi er komin til að vera Skilríkjalaus og með fíkniefni „Hún er albesti vinur minn“ Loftslagsmál sitji á hakanum vegna stríða og heimsfaraldurs „Þeir sem búa í glerhúsi ættu að spara grjótkastið“ „Svik við lögreglumannastéttina“ og slái hann „mjög illa“ Átta ára fangelsi í sögulegu fíkniefnamáli Einn rólegur, annar afar ósáttur Skólaþorpið í Laugardal: Syðri innkeyrslunni lokað og 256 bílastæði fjarlægð „Gott að eldast“ í tuttugu og tveimur sveitarfélögum Uppsagnir á Þjóðminjasafninu Sjá meira
Lögreglan á Norðurlandi eystra óskaði eftir aðstoð sérsveitar við aðgerðir í sjávarþorpinu í Langanesbyggð í gær. Margir ráku upp stór augu þegar almennir lögregluþjónar í bland við sérsveitarmenn blésu til aðgerða. Pólskur karlmaður var handtekinn í fiskvinnslunni og kærasta hans færð í járn í íbúð þeirra. Þeim hefur síðar verið sleppt. Lögregla vill lítið tjá sig um málið. Yfirmaður þess handtekna segir framkomu lögreglu með ólíkindum og kann íbúa á Bakkafirði sem skipti sér af öllu litlar þakkir fyrir. Ruðst inn í fiskvinnslu Mbl.is greindi fyrst frá handtöku mannsins. Skarphéðinn Aðalsteinsson, aðstoðaryfirlögregluþjónn á Norðurlandi eystra, staðfesti við miðilinn að embættið hefði verið í aðgerðum í gær og sérsveitin kölluð til að aðstoða. Ekki væri tímabært að greina frá því um hvað málið snúist. Þórir Örn Jónsson flutti á Bakkafjörð ásamt fjölskyldu sinni fyrir fjórum árum. Hann hefur lyft grettistaki í ferðaþjónustu á svæðinu auk þess að reka fiskvinnslu í firðinum. Hann segir lögreglu og sérsveit hafa ruðst inn í fiskvinnsluna um hádegisbil í gær. „Þeir handtóku hér vaktstjóra fyrir einhverjar ábendingar sem þeir höfðu fengið annars staðar frá,“ segir Þórir Örn. Þá hafi lögregla farið í íbúð mannsins og konu hans. „Konan hans var sett í jörðina og járnuð með hendur fyrir aftan bak með mjög harkalegum hætti,“ segir Þórir Örn og lýsir furðu á hvernig sérsveitarmenn höfðu sig í frammi. Byssa Þóris Arnar hafi verið í viðgerð Sérsveit er yfirleitt ekki kölluð til nema grunur sé um að aðilar séu vopnaðir eða von á miklum átökum. Blaðamaður heyrði spurnir af því að málið tengdist skotvopni sem hefði verið í íbúð parsins. Parið leigir íbúð sína af Þóri Erni sem býr ásamt fjölskyldunni í næsta húsi. „Þetta skotvopn sem er talað um er skotvopnið mitt,“ segir Þórir Örn. Hann eigi skotvopn sem hann geymir í byssuskápum eins og lög og reglur segi til um. Þetta tiltekna skotvopn hafi verið bilað og hann beðið nágranna sinn og starfsmann um aðstoð. Byssan hafi vissulega ekki átt að vera á heimili nágrannans en þar hafi hún verið í viðgerð. Hann lýsir furðu á því hvernig staðið var að málum vegna þessa. Dónalegir og leiðinlegir „Fólk hérna var mjög skelkað,“ segir Þórir Örn um augnablikið þegar ruðst var inn í fiskvinnsluna. „Þetta er ekki algeng sjón í svona litlu þorpi.“ Pólska parið hafi búið hér í fjögur ár og sé algjört fyrirmyndarpar. Hann unnið sig upp í stjórnunarstöðu. Um sé að ræða vinalegt fólk sem vinni ekki bara hjá honum í fiskvinnslunni og leigi af honum hús heldur séu orðin mjög náin fjölskyldunni. Þóri Erni blöskraði hvernig sérsveitarmennirnir komu fram. „Þeir voru dónalegir og leiðinlegir. Þau skilja lítið í ensku og ég var að reyna að útskýra fyrir þeim. Mér var sagt að drulla mér í burtu, samt voru þeir óboðnir inni í minni fiskvinnslu. Þeir voru með mjög langt prik uppi í rassgatinu,“ segir Þórir Örn. Hann tekur fram að almennir lögreglumenn hafi komið vel fram og hann skilji að lögreglumenn þurfi að sinna sinni vinnu. En það sé ekki sama hvernig komið sé fram. Þarna hafi vantað alla mennsku. Mætti sýna smá mennsku Parinu var sleppt að loknum yfirheyrslum nokkruk klukkustundum síðar í gær. Þau mættu bæði til vinnu í dag. „Þau mættu bæði og ég ræddi mikið við þau. Þau upplifa sjokk og vanlíðan. Sérstaklega kærastan,“ segir Þórir Örn. Hún hafi verið að ganga út af baðherberginu og á leiðinni til læknis vegna magaverkjar þegar sérsveitamaður hafi tekið hana í gólfið. „Hún reyndi að segja þeim að hún væri á leiðinni til læknis en þeim var skítsama,“ segir Þórir Örn. Hann segir fleirum í þorpinu hafa blöskrað hve hart sérsveitin gekk fram. Þeir hafi líklega verið fjórir auk leitarhunds. Auk þess hafi líklega fjórir almennir lögreglumenn verið á svæðinu. „Þeir almennu voru mjög almennilegir og fínir. En sérsveitarmennirnir ættu að huga að sínum vinnubrögðum. Ég hef fengið fleiri sögur af sérsveitarmönnum að hegða sér eins og fíl. Já, það þarf að handtaka en það þarf ekki dónaskap eða hroka við alla í kringum. Það má sýna smá mennsku við svona framkvæmdir í staðinn fyrir að setja hálft samfélagið í sjokk hérna.“ Hringt í lögreglu út af litlu sem engu Þórir Örn segir að lögregla hafi gripið til aðgerða vegna ábendingar frá íbúa á svæðinu. „Það er þannig í svona litlu samfélagi að það eru gamlir fýlupúkar sem þurfi að skipta sér af öllu.“ Virðist þá engu skipta hvort um sé að ræða lausan hund eða skotvopn í viðgerð. „Það benda allar örvarnar í sömu átt. Þetta er ekki í fyrsta skipti sem sá aðili hringir í lögreglu fyrir minniháttaratriði,“ segir Þórir Örn. „Því miður eru svartir sauðir sem ná að skemma svona samfélag ansi hratt með þessari hegðun.“ Búin að fá nóg Þórir Örn segist óviss hvaða eftirmálar verða af málinu. Þetta sé hins vegar kornið sem fylli mælinn sem íbúi í þorpinu. Sumarið 2023 var Þórir Örn í viðtali hjá Morgunblaðinu þar sem fjallað var um hvernig fjölskyldan hefði stimplað sig inn í þorpið sem það hafði engar tengingu við. Flutninga á Bakkafjörð eftir helgarheimsókn. Þórir og fjölskylda sinna nú ferðaþjónstu með rekstri gistiheimilis og tjaldsvæðis auk þess að reka fiskvinnslu. Í viðtalinu talaði Þórir Örn um Bakkafjörð sem týnda perlu. Hún virðist þó hafa sína dökku hlið. „Afskiptasemi og neikvæðni toppar allt hérna. Við erum að flytja héðan út af samfélaginu,“ segir Þórir Örn. Það sé alveg sama hvað fjölskyldan reyni. Það sé enga vini að eignast. „Þetta er neikvæðasta og afskiptasamasta samfélag sem ég hef kynnst, á þessum fimm árum hér. Ég er að yfirgefa samfélagið út af fólkinu hérna,“ segir Þórir Örn. Þau hjónin eiga tvo unga syni og von á dóttur í október. „Hér höfum við tekið þátt í að byggja upp brothætta byggð. Lagt í það blóð svita og tár,“ segir Þórir Örn. Vissulega séu ekki allir svartir sauðir á Bakkafirði. Alls ekki. „En í fimmtíu manna samfélagi er nóg að séu tíu.“
Langanesbyggð Lögreglumál Mest lesið Nótt innbrota í Laugardal: „Ömurlegt að það sé verið að fara inn í bílana en vandamálið er stærra“ Innlent Flugmenn tókust óafvitandi á um stjórnina í mikilli ókyrrð yfir Íslandi Innlent „Þetta er vondur klukkutími hér í þessum þingsal“ Innlent „Enn sem er komið er staðan óbreytt og orð Sönnu ósönn“ Innlent „Þeir sem búa í glerhúsi ættu að spara grjótkastið“ Innlent Býst við að bróðir sinn Leó feti í fótspor Frans Erlent Mál Margrétar fyrir opnum tjöldum Innlent Átta ára fangelsi í sögulegu fíkniefnamáli Innlent Telur að Ólafur Þór og Sigríður hljóti að víkja við rannsókn málsins Innlent Gamlar nektarmyndir felldu glænýjan þjóðaröryggisráðgjafa Svíþjóðar Erlent Fleiri fréttir Ætla að ráðast í umfangsmikla rannsókn á gagnaþjófnaðinum Íbúasamtök vilja láta endurskoða rafrænt eftirlit Bílastæðasjóðs Víðfeðm rannsókn, baunað á skólaþorp á bílastæði og stórvirki Mál Margrétar fyrir opnum tjöldum Útilokað að þeir hafi ekki vitað af efnunum og fá þunga dóma „Enn sem er komið er staðan óbreytt og orð Sönnu ósönn“ Munu geta aðgreint fanga eftir alvarleika brota í nýju fangelsi Nótt innbrota í Laugardal: „Ömurlegt að það sé verið að fara inn í bílana en vandamálið er stærra“ Ólafur Þór segir ekki tilefni til afsagnar Túnin aftur rennandi blaut en spáð hlýindum í næstu viku Framkvæmdir á hólmanum í fullum gangi Þingmenn slá Íslandsmet Krefst svara frá MAST vegna eftirlits með blóðmerum Kristrún ræddi við Trump og Selenskíj á fundi JEF-ríkja Jákvæður tónn í Norðurþingi um samstarf við Carbfix Íslandsmet á Alþingi og saksóknarar gagnrýndir Telur að Ólafur Þór og Sigríður hljóti að víkja við rannsókn málsins „Þetta er vondur klukkutími hér í þessum þingsal“ Flugmenn tókust óafvitandi á um stjórnina í mikilli ókyrrð yfir Íslandi Skipulögð brotastarfsemi er komin til að vera Skilríkjalaus og með fíkniefni „Hún er albesti vinur minn“ Loftslagsmál sitji á hakanum vegna stríða og heimsfaraldurs „Þeir sem búa í glerhúsi ættu að spara grjótkastið“ „Svik við lögreglumannastéttina“ og slái hann „mjög illa“ Átta ára fangelsi í sögulegu fíkniefnamáli Einn rólegur, annar afar ósáttur Skólaþorpið í Laugardal: Syðri innkeyrslunni lokað og 256 bílastæði fjarlægð „Gott að eldast“ í tuttugu og tveimur sveitarfélögum Uppsagnir á Þjóðminjasafninu Sjá meira
Nótt innbrota í Laugardal: „Ömurlegt að það sé verið að fara inn í bílana en vandamálið er stærra“ Innlent
Nótt innbrota í Laugardal: „Ömurlegt að það sé verið að fara inn í bílana en vandamálið er stærra“ Innlent