Sverrir Ingi Ingason kemur inn í landsliðshópinn en hann missti af leikjunum gegn Svartfjallalandi og Tyrklandi vegna meiðsla. Brynjólfur Andersen Willumsson kemur einnig inn í hópinn en hann hefur aðeins leikið tvo A-landsleiki.
Hákon Arnar Haraldsson er fjarri góðu gamni vegna meiðsla sem hann varð fyrir í aðdraganda síðustu landsleikja. Arnór Sigurðsson er heldur ekki í hópnum vegna veikinda. Þá er Albert Guðmundsson ekki í hópnum en kynferðisbrotamál á hendur honum er nú til meðferðar hjá héraðsdómi. Von er á niðurstöðu í málinu á næstu dögum eða vikum.
👀 Hópur A karla fyrir leiki gegn Wales og Tyrklandi í Þjóðadeild UEFA.
— Knattspyrnusambandið (@footballiceland) October 2, 2024
🎟 Miðasala á leikina er í fullum gangi á https://t.co/iwyH4UEb7x
👉 https://t.co/NuUGL3InBn
Our squad for the matches against Wales and Turkey in the UEFA Nations League.#viðerumísland pic.twitter.com/VqGGyPQpDB
Ísland mætir Wales 11. október og Tyrklandi þremur dögum síðar. Báðir leikirnir fara fram á Laugardalsvelli. Íslendingar eru með þrjú stig eftir fyrstu tvo leiki sína í riðli 4.
Íslenski hópurinn
- Elías Rafn Ólafsson - FC Midtjylland - 6 leikir
- Patrik Sigurður Gunnarsson - K. V. Kortrijk - 4 leikir
- Hákon Rafn Valdimarsson - Brentford F.C. - 13 leikir
- Kolbeinn Birgir Finnsson - FC Utrecht - 13 leikir
- Logi Tómasson - Stromsgodset Toppfotball - 4 leikir
- Daníel Leó Grétarsson - Sonderjyske Fodbold - 20 leikir
- Hjörtur Hermannsson - Carrarese Calcio 1908 - 29 leikir, 1 mark
- Guðlaugur Victor Pálsson - Plymouth Argyle F.C. - 45 leikir, 2 mörk
- Sverrir Ingi Ingason - Panathinaikos F.C. - 51 leikur, 3 mörk
- Valgeir Lunddal Friðriksson - Fortuna Düsseldorf - 11 leikir
- Alfons Sampsted - Birmingham City F.C. - 22 leikir
- Willum Þór Willumsson - Birmingham City F.C. - 11 leikir
- Mikael Neville Anderson - AGF - 30 leikir, 2 mörk
- Stefán Teitur Þórðarson - Preston North End F.C. - 22 leikir, 1 mark
- Arnór Ingvi Traustason - IFK Norrköping - 59 leikir, 6 mörk
- Jóhann Berg Guðmundsson - Al-Orobah FC - 95 leikir, 8 mörk
- Ísak Bergmann Jóhannesson - Fortuna Düsseldorf - 28 leikir, 3 mörk
- Jón Dagur Þorsteinsson - Hertha BSC - 39 leikir, 6 mörk
- Mikael Egill Ellertsson - Venezia FC - 15 leikir, 1 mark
- Gylfi Þór Sigurðsson - Valur - 82 leikir, 27 mörk
- Brynjólfur Andersen Willumsson - Groningen - 2 leikir, 1 mark
- Andri Lucas Guðjohnsen - K. A. A. Gent - 26 leikir, 6 mörk
- Orri Steinn Óskarsson - Real Sociedad - 10 leikir, 3 mörk
