Blikkaði í rafmagnslausum Vaðlaheiðargöngum

Eins og fram hefur komið varð rafmagnslaust klukkan 12:25 allt frá Vesturlandi um Norðurland og austur á firði í kjölfar útleysingar hjá Norðuráli. Í svörum frá fyrirtækinu kom fram að útslátturinn hafi verið við reglubundið viðhald.

Fimmtán þúsund heimili urðu rafmagnslaus

Samkvæmt upplýsingum frá RARIK ættu allir að vera komnir með rafmagn að nýju. Rafmagn var komið á í öllu dreifikerfi RARIK rétt eftir klukkan 14 í dag.

Segir í tilkynningu að gert sé ráð fyrir að rúmlega fimmtán þúsund heimili og fyrirtæki á dreifisvæði RARIK hafi orðið fyrir rafmagnsleysi eða verulegum rafmagnstruflunum í eina til tvær klukkustundir.

Í tilkynningunni segir ennfremur að mikið högg hafi komið á allt kerfið og vegna þess að ekki leysti út á Mývatni er ljóst að þar hefur orðið nokkurt tjón á búnaði. Viðskiptavinir RARIK sem urðu fyrir tjóni af völdum rafmagnstruflana eru hvattir til að senda inn tilkynningu í gegnum vef RARIK á www.rarik.is/tjon.

Viðskiptavinir RARIK sem enn finna fyrir rafmagnsleysi eru hvattir til að kanna hvort að lekaliði hafi leyst út hjá sér og ef það er ekki orsökin að hafa samband við RARIK í síma 528 9000.