Bein út­sending: Risaþota flýgur í lág­flugi yfir Reykja­vík

Flugfélagið kveður Boeing 747-breiðþotuna sem farþegaflugvél eftir 31 ár í rekstri. Flugvélin var upphaflega smíðuð fyrir Air France og afhent í marsmánuði árið 2004. Árið 2016 var hún tekin í þjónustu Air Atlanta Icelandic sem TF-AAL.

Flugvélin er merkt Saudia-flugfélaginu sem Atlanta flýgur fyrir en vélin sinnti meðal annars pílagrímaflugi í sumar. Hún er skrásett hjá systurfélaginu Air Atlanta Europe á Möltu með skráningarnúmerið 9H-AZA og getur borið 460 farþega.

Kvikmyndatökumaður Stöðvar 2 er staðsettur í Öskjuhlíð í Reykjavík og mun streyma frá fluginu á þriðja tímanum. Flugvélin flýgur í um þrjú þúsund feta hæð en viðbúið er að vegna stærðar flugvélarinnar muni fólk á höfuðborgarsvæðinu telja hana mun nær jörðu en hún í raun er.

Hér að neðan má sjá frétt Kristjáns Más Unnarssonar frá því á sunnudaginn þar sem fjallað var um tímamótin.

Spilari verður aðgengilegur á Vísi upp úr klukkan 14. Fylgst verður með gangi mála í vaktinni hér að neðan.