Pall­borðið: Hvað segir stjórnar­and­staðan um út­spil Bjarna?

Forsætisráðherra segir ríkisstjórnarsamstarfið komið á endastöð og útlit er fyrir að landsmenn gangi til kosninga í lok næsta mánaðar, þá mögulega 30. nóvember. Enn er hins vegar óljóst hvort ríkisstjórnin situr þangað til en Halla Tómasdóttir forseti hyggst ræða við formenn alla flokka áður en hún ákveður næstu skref.

Stjórnarandstaðan og fleiri, til að myna verkalýðshreyfingin, hafa kallað eftir kosningum en flestir höfðu þó eflaust horft til vorsins. Nú liggur á að koma saman framboðslistum og ná til kjósenda á aðeins örfáum vikum.

Hvað þykir stjórnarandstöðuþingmönnunum um útspil Bjarna? Hver verða áherslumálin í kosningabaráttunni og hverjum vilja flokkarnir vinna með?

Við freistum þess að svara þessum spurningum í Pallborðinu sem sýnt verður í beinni útsendingu á Vísi og Stöð 2 Vísi klukkan 14 í dag.