Byggjum upp örugga sjúkraflutninga fyrir landið og miðin Alma D. Möller skrifar 20. nóvember 2024 08:15 Heilbrigðismálin eru okkur mikilvæg Heilbrigðismál er það málefni sem flestir nefna að skipti máli í komandi kosningum skv. nýrri könnun Gallup. Óhætt er að fullyrða að enginn stjórnmálaflokkur leggur eins mikla áherslu á heilbrigðismál og Samfylkingin. Stefna flokksins nefnist Örugg skref í heilbrigðis- og öldrunarþjónustu og er fengin í gegnum samtal við almenning og fagfólk um land allt. Aðgerðirnar skiptast í fimm þætti: 1. Að fólk fái fastan heimilislækni og heimilisteymi, 2. Þjóðarátak í ummönnun eldra fólks, 3. Öruggt aðgengi um land allt, 4. Bættar starfsaðsæður heilbrigðisstarfsmanna svo þeir fái meiri tíma með sjúklingnum og 5. Að við tökum ábyrgð á heilgðiskerfinu í heild. Margt fleira mætti nefna en með því að styrkja grunnþjónustu og þjónustu við eldra fólk mun losna um í kerfinu til að sinna sérhæfðari þjónustu. Hlúum að landsmönnum öllum Margt þarf að gera til að jafna aðgengi að heilbrigðisþjónustu um landið en þar hallar verulega á landsbyggðina. Það eru réttmætar væntingar að eiga aðgang að grunnþjónustu hvar sem er á landinu. Því viljum við efla heilsugæsluna þannig að fólk hafi fastan heimilislækni, en svo er einungis um 50% Íslendinga sem stendur, samanborið við 95% í Noregi. Á Íslandi eru 57 heimilislæknar per 100 þúsund íbúa meðan meðaltal Norðurlanda er 87. Hér þarf því að gefa verulega í og mun taka tíma. Því þarf einnig að nýta krafta annarra starfstétta til að allir fái tengilið við kerfið. Samfylkingin hefur bent á hvernig nýta megi efnahagslega hvata til að fá lækna til starfa á landsbyggðinni og einnig fjölbreyttari inntökuleiðir þannig að nemendur af landsbyggðinni komist frekar í læknanám. Þá þarf að þróa tilfærslu verkefna milli starfsstétta enn frekar og má nefna til dæmis hjúkrunarfræðinga, sjúkraliða, sjúkraþjálfara og lyfafræðinga án þess að um tæmandi upptalingu sé að ræða. Liður í því að heilbrigðisfólki líði vel með aukin og fjölbreytt verkefni er margs konar sérmenntun. Til að efla aðgengi að sérfræðiþjónustu væri æskilegra að sérfræðingar sæki heim landsbyggðina í meira mæli en nú er, að fjarþjónusta og -ráðgjöf verði byggð frekar upp, að sjúkraflutningar verði efldir og að greiðsluþáttaka verði aukin fyrir fólk sem þarf að sækja heilbrigðisþjónustu um langan veg. Öruggar samgöngur eru líka heilbrigðismál Þegar upp kemur bráð þörf fyrir sérfræðiþjónustu þarf ekki aðeins öflugt fyrsta viðbragð og sjúkraflutninga heldur líka öruggar samgöngur sem eru jú lífæðar samfélagsins. Þar skortir víða á og það er innviðaskuld í samgöngumálum. Við, í þessu strjálbýla landi, verjum einungis 0,5% af vergri landsframleiðslu til samgöngumála þegar meðaltal OECD ríkja er 1%. Þar vill Samfylkingin bæta úr og tvöfalda fjárfestingu í samgöngum. Við erum með plan um þetta sem heitir Krafa um árangur í atvinnu- og samgöngumálum. Eins og þar kemur fram eru bættar samgöngur líka atvinnumál og undirstaða aukinnar verðmætasköpunar. Til að skapa fjölskylduvæn samfélög á landsbyggðinni er öruggt aðgengi að heilbrigðisþjónustu grundvallaratriði, ásamt öruggum samgöngum og fjölbreyttum atvinnutækifærum. Eflum sjúkraflutninga Það þarf að styrkja fyrsta viðbragð um land allt. Liður í því er að setja aukinn kraft í styrkingu sjúkraflutninga, með því meðal annars að vinna áfram að hærra menntunarstigi sjúkraflutningafólks, ekki síst í dreifðari byggðum. Leggja þarf áherslu á verklega þjálfun í bráðameðferð með ráðgjöf og stuðningi frá fjarskiptalækni eftir því sem þörf er á. Hægt væri að nýta fjárhagslega hvata fyrir hjúkrunarfræðinga og sjúkraliða í dreifbýli til að sækja námskeið í sjúkraflutningum, til að styrkja og standa vaktir í neyðarþjónustu. Þannig nýtum við menntun og krafta þessara mikilvægu starfsstétta enn betur. Sjúkraflutningar með þyrlum Ísland er dreifbýlt land þar sem samgöngur á landi eru ekki alltaf greiðar og allra veðra von. Lykilatriði til framtíðar er að efla sjúkraflutninga með þyrlum. Þyrlusveit Landhelgisgæslunnar hefur unnið stórkostlegt starf en undirrituð hefur notið þeirra forréttinda að hafa fengið að taka þar þátt. Um starf þyrlusveitarinnar má lesa í nýútkominni bók sem nefnist Til taks efir yfirflugstjórana Benóný Ásgrímsson og Pál Halldórsson í félagi við Júlíus Ó. Einarsson. Samfylkingin vill að þyrluáhöfnum Landhelgisgæslunnar verði fjölgað og að ein sérútbúin sjúkra- og björgunarþyrla verði staðsett utan höfuðborgarsvæðisins. Fleiri vel staðsettar sjúkra- og björgunarþyrlur yrðu bylting í öruggu aðgengi allra Íslendinga að bráðaþjónustu, bæði til sjós og lands. Þetta fyrirkomulag, að fela Landhelgisgæslunni að reka sérstaka sjúkraþyrlu, væri hagkvæmasta lausnin og myndi einnig styrkja Landhelgisgæsluna. Að sjá sjúkra- og björgunarþyrlu birtast þegar á þarf að halda er ómetanlegt fyrir okkur öll og líka að sjá hana halda af stað með hinn veika eða slasaða í öruggu skjóli. Kæru landsmenn, byggjum upp örugga sjúkraflutninga fyrir landið og miðin. Samfylkingin er með plan um þetta og er tilbúin til verka en til þess þurfum við umboð í komandi kosningum. Höfundur er fyrrum þyrlulæknir og oddviti Samfylkingar í Suðvesturkjördæmi. Viltu birta grein á Vísi? Sendu okkur póst. Senda grein Alma D. Möller Skoðun: Alþingiskosningar 2024 Sjúkraflutningar Samfylkingin Mest lesið Áfastur plasttappi lýðræðisins Þórður Snær Júlíusson Skoðun Halldór 22.02.2025 Halldór Háskóli Íslands fyrir öll - Rektorsframboð Silju Báru Ólöf Bjarki Antons og Atli María Kjeld Skoðun Harka af sér og halda áfram Hulda Jónsdóttir Tölgyes Skoðun Söngvakeppnin og hömlulaus áfengisdýrkun Björn Sævar Einarsson Skoðun Um Varasjóð VR Flosi Eiríksson Skoðun Góðir vegir – Aukin lífsgæði og blómlegt atvinnulíf Edda Rut Björnsdóttir Skoðun Úr hörðustu átt Rósa Guðbjartsdóttir!!! Alma Björk Ástþórsdóttir Skoðun 12 spor ríkisstjórnarinnar Guðmundur Ingi Þóroddsson Skoðun Þorgerður áttar sig á gildi fullveldisins Hjörtur J. Guðmundsson Skoðun Skoðun Skoðun Opið bréf til bæjarstjóra Kópavogs Ágústa Dröfn Kristleifsdóttir skrifar Skoðun Stjórn Sambands íslenskra sveitarfélaga er sama um menntun barna en hvað með foreldra? Helga C Reynisdóttir skrifar Skoðun Söngvakeppnin og hömlulaus áfengisdýrkun Björn Sævar Einarsson skrifar Skoðun Íþróttastarf fyrir alla Guðmundur Sigurbergsson,Ingvar Sverrisson,Hrafnkell Marínósson skrifar Skoðun Á hlóðum Mennta- og barnamálaráðuneytisins Meyvant Þórólfsson skrifar Skoðun Að verja friðinn Þorgerður Katrín Gunnarsdóttir skrifar Skoðun 12 spor ríkisstjórnarinnar Guðmundur Ingi Þóroddsson skrifar Skoðun Færni í nýsköpun krefst þjálfunar Ingibjörg Gunnarsdóttir skrifar Skoðun Þorgerður áttar sig á gildi fullveldisins Hjörtur J. Guðmundsson skrifar Skoðun Góðir vegir – Aukin lífsgæði og blómlegt atvinnulíf Edda Rut Björnsdóttir skrifar Skoðun Háskóli Íslands fyrir öll - Rektorsframboð Silju Báru Ólöf Bjarki Antons og Atli María Kjeld skrifar Skoðun Áfastur plasttappi lýðræðisins Þórður Snær Júlíusson skrifar Skoðun Um Varasjóð VR Flosi Eiríksson skrifar Skoðun Töfrakista tækifæranna Hrefna Óskarsdóttir skrifar Skoðun Dómskerfið reynir að þegja alla gagnrýni á sig í hel Jörgen Ingimar Hansson skrifar Skoðun Frelsið er yndislegt þegar það hentar Jens Garðar Helgason skrifar Skoðun Borgaralegt og hernaðarlegt Bjarni Már Magnússon skrifar Skoðun Áskorun til Reykjavíkurborgar um matvæli í leik- og grunnskólum Anna Laufey Stefánsdóttir skrifar Skoðun Gervigreind er síðasta von íslensks heilbrigðiskerfis – munum við grípa tækifærið? Sigvaldi Einarsson skrifar Skoðun Við erum ennþá hvalveiðiþjóð, hvenær ætlar ríkisstjórnin að grípa í taumana? Micah Garen skrifar Skoðun Vegna umfjöllunar Kveiks um kynferðislega áreitni á vinnustöðum Andri Valur Ívarsson,Anna Rós Sigmundsdóttir,Dagný Aradóttir Pind,Hrannar Már Gunnarsson,Jenný Þórunn Stefánsdóttir skrifar Skoðun Grafið undan grunngildum Sólveig Anna Jónsdóttir skrifar Skoðun Samúð Jón Steinar Gunnlaugsson skrifar Skoðun Allskonar núansar Lilja Kristín Jónsdóttir skrifar Skoðun Íslensk framleiðsla á undanhaldi - hver græðir? Guðmundur Þórir Sigurðsson skrifar Skoðun Magnús Karl Magnússon – öflugur málsvari Háskóla Íslands Arna Hauksdóttir,Þórarinn Guðjónsson skrifar Skoðun Tungumálakort – leitin að tungumálaforðanum 2025 Renata Emilsson Peskova,Þorbjörg Halldórsdóttir,Kristín R. Vilhjálmsdóttir skrifar Skoðun Byggjum meira á Kjalarnesi Gunnar Alexander Ólafsson skrifar Skoðun Hæstaréttardómari kallar Gróu á Leiti til vitnis Heimir Már Pétursson skrifar Skoðun Álitsgerð um hvalveiðar, sögu og stöðu þeirra, misferli, lögbrot og veiðileyfi, sem ekki stenzt Ole Anton Bieltvedt skrifar Sjá meira
Heilbrigðismálin eru okkur mikilvæg Heilbrigðismál er það málefni sem flestir nefna að skipti máli í komandi kosningum skv. nýrri könnun Gallup. Óhætt er að fullyrða að enginn stjórnmálaflokkur leggur eins mikla áherslu á heilbrigðismál og Samfylkingin. Stefna flokksins nefnist Örugg skref í heilbrigðis- og öldrunarþjónustu og er fengin í gegnum samtal við almenning og fagfólk um land allt. Aðgerðirnar skiptast í fimm þætti: 1. Að fólk fái fastan heimilislækni og heimilisteymi, 2. Þjóðarátak í ummönnun eldra fólks, 3. Öruggt aðgengi um land allt, 4. Bættar starfsaðsæður heilbrigðisstarfsmanna svo þeir fái meiri tíma með sjúklingnum og 5. Að við tökum ábyrgð á heilgðiskerfinu í heild. Margt fleira mætti nefna en með því að styrkja grunnþjónustu og þjónustu við eldra fólk mun losna um í kerfinu til að sinna sérhæfðari þjónustu. Hlúum að landsmönnum öllum Margt þarf að gera til að jafna aðgengi að heilbrigðisþjónustu um landið en þar hallar verulega á landsbyggðina. Það eru réttmætar væntingar að eiga aðgang að grunnþjónustu hvar sem er á landinu. Því viljum við efla heilsugæsluna þannig að fólk hafi fastan heimilislækni, en svo er einungis um 50% Íslendinga sem stendur, samanborið við 95% í Noregi. Á Íslandi eru 57 heimilislæknar per 100 þúsund íbúa meðan meðaltal Norðurlanda er 87. Hér þarf því að gefa verulega í og mun taka tíma. Því þarf einnig að nýta krafta annarra starfstétta til að allir fái tengilið við kerfið. Samfylkingin hefur bent á hvernig nýta megi efnahagslega hvata til að fá lækna til starfa á landsbyggðinni og einnig fjölbreyttari inntökuleiðir þannig að nemendur af landsbyggðinni komist frekar í læknanám. Þá þarf að þróa tilfærslu verkefna milli starfsstétta enn frekar og má nefna til dæmis hjúkrunarfræðinga, sjúkraliða, sjúkraþjálfara og lyfafræðinga án þess að um tæmandi upptalingu sé að ræða. Liður í því að heilbrigðisfólki líði vel með aukin og fjölbreytt verkefni er margs konar sérmenntun. Til að efla aðgengi að sérfræðiþjónustu væri æskilegra að sérfræðingar sæki heim landsbyggðina í meira mæli en nú er, að fjarþjónusta og -ráðgjöf verði byggð frekar upp, að sjúkraflutningar verði efldir og að greiðsluþáttaka verði aukin fyrir fólk sem þarf að sækja heilbrigðisþjónustu um langan veg. Öruggar samgöngur eru líka heilbrigðismál Þegar upp kemur bráð þörf fyrir sérfræðiþjónustu þarf ekki aðeins öflugt fyrsta viðbragð og sjúkraflutninga heldur líka öruggar samgöngur sem eru jú lífæðar samfélagsins. Þar skortir víða á og það er innviðaskuld í samgöngumálum. Við, í þessu strjálbýla landi, verjum einungis 0,5% af vergri landsframleiðslu til samgöngumála þegar meðaltal OECD ríkja er 1%. Þar vill Samfylkingin bæta úr og tvöfalda fjárfestingu í samgöngum. Við erum með plan um þetta sem heitir Krafa um árangur í atvinnu- og samgöngumálum. Eins og þar kemur fram eru bættar samgöngur líka atvinnumál og undirstaða aukinnar verðmætasköpunar. Til að skapa fjölskylduvæn samfélög á landsbyggðinni er öruggt aðgengi að heilbrigðisþjónustu grundvallaratriði, ásamt öruggum samgöngum og fjölbreyttum atvinnutækifærum. Eflum sjúkraflutninga Það þarf að styrkja fyrsta viðbragð um land allt. Liður í því er að setja aukinn kraft í styrkingu sjúkraflutninga, með því meðal annars að vinna áfram að hærra menntunarstigi sjúkraflutningafólks, ekki síst í dreifðari byggðum. Leggja þarf áherslu á verklega þjálfun í bráðameðferð með ráðgjöf og stuðningi frá fjarskiptalækni eftir því sem þörf er á. Hægt væri að nýta fjárhagslega hvata fyrir hjúkrunarfræðinga og sjúkraliða í dreifbýli til að sækja námskeið í sjúkraflutningum, til að styrkja og standa vaktir í neyðarþjónustu. Þannig nýtum við menntun og krafta þessara mikilvægu starfsstétta enn betur. Sjúkraflutningar með þyrlum Ísland er dreifbýlt land þar sem samgöngur á landi eru ekki alltaf greiðar og allra veðra von. Lykilatriði til framtíðar er að efla sjúkraflutninga með þyrlum. Þyrlusveit Landhelgisgæslunnar hefur unnið stórkostlegt starf en undirrituð hefur notið þeirra forréttinda að hafa fengið að taka þar þátt. Um starf þyrlusveitarinnar má lesa í nýútkominni bók sem nefnist Til taks efir yfirflugstjórana Benóný Ásgrímsson og Pál Halldórsson í félagi við Júlíus Ó. Einarsson. Samfylkingin vill að þyrluáhöfnum Landhelgisgæslunnar verði fjölgað og að ein sérútbúin sjúkra- og björgunarþyrla verði staðsett utan höfuðborgarsvæðisins. Fleiri vel staðsettar sjúkra- og björgunarþyrlur yrðu bylting í öruggu aðgengi allra Íslendinga að bráðaþjónustu, bæði til sjós og lands. Þetta fyrirkomulag, að fela Landhelgisgæslunni að reka sérstaka sjúkraþyrlu, væri hagkvæmasta lausnin og myndi einnig styrkja Landhelgisgæsluna. Að sjá sjúkra- og björgunarþyrlu birtast þegar á þarf að halda er ómetanlegt fyrir okkur öll og líka að sjá hana halda af stað með hinn veika eða slasaða í öruggu skjóli. Kæru landsmenn, byggjum upp örugga sjúkraflutninga fyrir landið og miðin. Samfylkingin er með plan um þetta og er tilbúin til verka en til þess þurfum við umboð í komandi kosningum. Höfundur er fyrrum þyrlulæknir og oddviti Samfylkingar í Suðvesturkjördæmi.
Háskóli Íslands fyrir öll - Rektorsframboð Silju Báru Ólöf Bjarki Antons og Atli María Kjeld Skoðun
Skoðun Stjórn Sambands íslenskra sveitarfélaga er sama um menntun barna en hvað með foreldra? Helga C Reynisdóttir skrifar
Skoðun Íþróttastarf fyrir alla Guðmundur Sigurbergsson,Ingvar Sverrisson,Hrafnkell Marínósson skrifar
Skoðun Háskóli Íslands fyrir öll - Rektorsframboð Silju Báru Ólöf Bjarki Antons og Atli María Kjeld skrifar
Skoðun Áskorun til Reykjavíkurborgar um matvæli í leik- og grunnskólum Anna Laufey Stefánsdóttir skrifar
Skoðun Gervigreind er síðasta von íslensks heilbrigðiskerfis – munum við grípa tækifærið? Sigvaldi Einarsson skrifar
Skoðun Við erum ennþá hvalveiðiþjóð, hvenær ætlar ríkisstjórnin að grípa í taumana? Micah Garen skrifar
Skoðun Vegna umfjöllunar Kveiks um kynferðislega áreitni á vinnustöðum Andri Valur Ívarsson,Anna Rós Sigmundsdóttir,Dagný Aradóttir Pind,Hrannar Már Gunnarsson,Jenný Þórunn Stefánsdóttir skrifar
Skoðun Magnús Karl Magnússon – öflugur málsvari Háskóla Íslands Arna Hauksdóttir,Þórarinn Guðjónsson skrifar
Skoðun Tungumálakort – leitin að tungumálaforðanum 2025 Renata Emilsson Peskova,Þorbjörg Halldórsdóttir,Kristín R. Vilhjálmsdóttir skrifar
Skoðun Álitsgerð um hvalveiðar, sögu og stöðu þeirra, misferli, lögbrot og veiðileyfi, sem ekki stenzt Ole Anton Bieltvedt skrifar
Háskóli Íslands fyrir öll - Rektorsframboð Silju Báru Ólöf Bjarki Antons og Atli María Kjeld Skoðun