Bein útsending: Hvar eru um­hverfis- og loftslagsmálin í kosninga­bar­áttunni?

Fundurinn sem hefst klukkan tvö og er haldinn í sal Íslenskrar erfðagreiningar er á vegum Landverndar, Ungra umhverfissinna og fleiri náttúruverndarsamtaka og má fylgjast með honum í spilarara hér neðar.

Á síðu Landverndar segir að umhverfis- og loftslagsmálinu séu með mikilvægustu málefnum samtímans en þrátt fyrir það virðist þau ekki í forgangi hjá flokkum í framboði.

„Verndun loftslags og náttúru eru mikilvægustu málefni samtímans, við eigum allt okkar undir heilbrigðum hringrásarkerfum jarðarinnar. Loftslagsbreytingar og hnignun vistkerfa hafa þegar mikil áhrif á líf okkar allra! Ef ekkert verður aðhafst eigum við von á fordæmalausum breytingum á lífsskilyrðum okkar vegna hlýnunar jarðar.“