Gabriel Jesus skaut Arsenal á­fram í undanúrslitin

Arsenal tryggði sér sæti í undanúrslitum enska deildabikarsins í kvöld eftir 3-2 heimasigur á Crystal Palace.

Brasilíumaðurinn Gabriel Jesus var hetja kvöldsins hjá Arsenal því hann skoraði þrennu í leiknum.

Þetta byrjaði ekki vel fyrir Arsenal því Jean-Philippe Mateta kom Palace í 1-0 strax á fjórðu mínútu eftir stoðsendingu Dean Henderson markvarðar.

Gabriel Jesus jafnaði metin á 54. mínútu eftir stoðsendingu frá Martin Ödegaard sem kom inn á sem varamaður í hálfleik.

Jesus kom Arsenal yfir á 73. mínútu eftir stoðsendingu frá Bukayo Saka sem var þá einnig nýkominn inn á völlinn.

Ödegaard lagði síðan upp þriðja mark Jesus á 81. mínútu og þrennan var gulltryggð.

Palace menn gáfust ekki upp og Edward Nketiah minnkaði muninn fimm mínútum fyrir leikslok. Þeir náði ekki að skora fleiri og Arsenal fagnaði sigri.

Gabriel Jesus var fyrir leikinn aðeins búinn að skora eitt mark í tuttugu leikjum í öllum keppnum.