Innlent

Þór­dís segir að það yrði stefnu­breyting bjóði hún sig ekki fram til for­manns

Heimir Már Pétursson skrifar
Þórdís Kolbrún R. Gylfadóttir segist ítrekað hafa lýst vilja sínum til að leysa Bjarna Benediktsson af hólmi í formannsembætti. Það yrði því stefnubreyting af hennar hálfu bjóði hún sig ekki fram.
Þórdís Kolbrún R. Gylfadóttir segist ítrekað hafa lýst vilja sínum til að leysa Bjarna Benediktsson af hólmi í formannsembætti. Það yrði því stefnubreyting af hennar hálfu bjóði hún sig ekki fram. Vísir/RAX

Þórdís Kolbrún R. Gylfadóttir varaformaður Sjálfstæðisflokksins segir að það yrði stefnubreyting af hennar hálfu bjóði hún sig ekki fram í embætti formanns Flokksins. Í Samtalinu með Heimi Má sem sýnt verður í opinni dagskrá að loknum fréttum og Íslandi í dag segir hún Sjálfstæðisflokkinn standa á tímamótum.

Varaformaðurinn segir Íslendinga upplifa viðsjárverða tím og flokkurinn verði gera upp við sig hvers konar framtíð hann vilji beita sér fyrir. Sjálfstæðisflokkurinn þurfi meðal annars að sýna meiri hlýju í málflutningi sínum og höfða til þeirra sem sjái tækifæri til framfara á öllum sviðum samfélagsins.

„Í rauninni tók ég ákvörðun fyrir meira en tveimur árum örugglega, að ég myndi bjóða fram krafta mína þegar Bjarni Benediktsson myndi ákveða að hætta sem formaður. Ég hef ekki tekið nýja ákvörðun síðan þá,“ segir Þórdís Kolbrún meðal annars í Samtalinu.

Það væri hins vegar stór ákvörðun að fara í formannsframboð á þessum tímapunkti eftir allt sem á undan væri gengið.

Þórdís Kolbrún segir Sjálfstæðisflokkinn þurfa að breikka faðminn og laða til fylgis við sig framfarasinnað fólk á öllum sviðum samfélagsins.Vísir/RAX

„Ég er búin að vera varaformaður í sjö ár og það er auðvitað langur tími. En það var líka auðvitað yfirlýsing um að ég treysti mér í forystu Sjálfstæðisflokksins.“

Það væri hins vegar allt annað að leiða flokkinn en vera varaformaður.

Þannig að það yrði stefnubreyting í raun og veru hjá þér persónulega ef þú byðir ekki fram krafta þína í þetta embætti?

„Það yrði það. En ég segi líka, á þessum sjö árum hefur mjög margt breyst og bara á undanförnum tveimur árum hefur mjög margt breyst,“ segir Þórdís Kolbrún.

Í Samtalinu ræðir hún meðal annars breytingar sem hún segir nauðsynlegar á ásýnd Sjálfstæðisflokksins og áherslum hans til framtíðar. Flokkurinn þurfi að breikka faðminn en um leið skerpa á klassískum gildum sínum um vestræna samvinnu, alþjóðaviðskipti og aðhald við ráðstöfun opinberra fjármuna.

Samtalið er í opinni dagskrá á Stöð 2 strax að loknum kvöldfréttum og Íslandi í dag. Þátturinn verður síðan birtur í heild sinni á Vísi fljótlega að útsendingu lokinni.

Samtalið Alþingi Ríkisstjórn Bjarna Benediktssonar (2024) Ríkisstjórn Katrínar Jakobsdóttur (2017-2024) Sjálfstæðisflokkurinn

Tengdar fréttir

Grautfúl að tapa forsetakosningunum

Katrín Jakobsdóttir segist hafa orðið grautfúl eftir að hafa tapað forsetakosningunum því hún hafi að sjálfsögðu farið í þær til að vinna kosningarnar. Í Samtalinu með Heimi Má á Stöð 2 í kvöld segist hún hafa fundið til djúprar sorgar þegar Vinstri græn félllu af þingi í nýafstöðnum alþingiskosningum.

Telja flokkana þrjá geta fundið sterka sameiginlega samnefnara

Þorsteinn Pálsson fyrrverandi forsætisráðherra og einn stofnenda Viðreisnar og Ingibjörg Sólrún Gísladóttir fyrrverandi utanríkisráðherra og formaður Samfylkingarinnar segja nýliðnar alþingiskosningar staðfesta miklar breytingar á flokkakerfinu. Þau telja að þeir flokkar sem nú reyna að mynda ríkisstjórn ættu að geta fundið sameiginlegan samnefnara og eru bjartsýn á að þeim takist að mynda ríkisstjórn.

Hlutverk flokksforingja stórlega ofmetið í kosningabaráttunni

Ólafur Þ. Harðarson prófessor emiritus í stjórnmálafræði við Háskóla Íslands segir hlutverk leiðtoga stjórnmálaflokkanna í öflun vinsælda flokkanna stórlega ofmetið. Sjálfstæðisflokkurinn og Miðflokkurinn bítist nú á um 30 prósenta fylgi hægriflokka á Íslandi en nái ekki út fyrir þann bergmálshelli.

Milljónir ekki komið til Íslands þótt þær gætu það

Sanna Magadela Mörtudóttir oddviti Sósíalistaflokksins fyrir komandi alþingiskosningar segir milljónir manna innan Evrópska efnahagssvæðisins og Schengen ekki hafa komið til Íslands þótt þær gætu það með fullum rétti. Í Samtalinu með Heimi Má á fimmtudag sagði hún Sjálfstæðisflokkinn hafa farið með dómsmálaráðuneytið meira og minna allt frá því þessi samningar voru gerðir og nú kvartaði flokkurinn yfir því að innviðir landsins þyldu ekki þær þúsundir manna sem hingað hafi komið til að vinna á undanförnum árum.

Píratar stefna á stjórnarsamstarf án Sjálfstæðisflokksins

Þórhildur Sunna Ævardóttir þingflokksformaður Pírata er sannfærð um að hreyfingunni takist að koma fulltrúum á þing þótt á brattan hafi verið að sækja í könnunum að undanförnu. Í Samtalinu með Heimi Má segir hún Pírata stefna að því að komast í ríkisstjórn en muni þó ekki mynda stjórn með Sjálfstæðisflokknum.

Kallar eftir um­boði þjóðarinnar til breytinga

Hún kom eins og óskrifað blað inn í íslensk stjórnmál fyrir alþingiskosningarnar 2021 og var orðin formaður Samfylkingarinnar um ári síðar. Fljótlega varð ljóst að hún var stjórnmálamaður af annarri skúffu en flestir. Hún ferðaðist um landið með opna fundi og upp úr þeim ferðum mótaði hún nýja stefnu fyrir Samfylkinguna sem var nálægt því að þurrkast út í kosningunum 2016.

Þakklát fyrir að missa ekki sjónina síðar á ævinni

Inga Sæland formaður og stofnandi Flokks fólksins gerir lítið úr væringum innan flokksins nú þegar hún leiðir hann í fjórða sinn í kosningum til Alþingis. Tveir áberandi þingmenn í forystu flokksins, Tómas A. Tómasson í Reykjavíkurkjördæmi norður og Jakob Frímann Magnússon í Norðausturkjördæmi, fengu ekki brautargengi til að leiða flokkinn í kjördæmum sínum.

For­maður Fram­sóknar segir ríkis­stjórnina hafa talað sjálfa sig niður

Sigurður Ingi Jóhannsson formaður Framsóknarflokksins hefur lagt sjálfan sig að veði í komandi alþingiskosningum með því að taka annað sæti á lista flokksins í Suðurkjördæmi. Þar með baráttusætið því flokkurinn hefur ekki mælst með mann inni úr kjördæminu í nýjustu könnunum.

Þorgerður Katrín: Enginn ráðskonurass undir fólki í Viðreisn

Þorgerður Katrín Gunnarsdóttir formaður Viðreisnar er keppniskona með mikla reynslu af stjórnmálum og er kominn í hlaupaskóna fyrir næstu alþingiskosningar. Hún segir engann „ráðskonurass undir fólki í Viðreisn," sem taki almannahagsmuni fram yfir sérhagsmuni.   Þegar Benedikt Jóhannesson, aðalhvatamaður að stofnun Viðreisnar og fyrsti formaður flokksins, sagði af sér formennskunni aðeins sautján dögum fyrir kosningarnar 2017, stökk Þorgerður Katrín upp í brú á þessu nýsjósetta skipi í ólgusjó íslenskra stjórnmála og kom því í höfn.

Brotthvarf Katrínar hafði mikil áhrif

Svandís Svavarsdóttir er staðráðin í að Vinstrihreyfingin grænt framboð nái fulltrúum á þing í næstu alþingiskosningum þótt kannanir að undanförnu sýni að þar verði á brattan að sækja. Í Samtalinu á Vísi á fimmtudag fór hún yfir erindi hreyfingarinnar, stjórnarsamstarfið með Sjálfstæðisflokki og Framsókn í sjö ár og hvaða mál það eru sem hún telur mikilvægt að ná í gegn á Alþingi fyrir kosningar.

Maður margra storma íhugar stöðu sína

Bjarni Benediktsson hefur í fyrsta sinn opinberlega greint frá því að hann íhugi nú stöðu sína eftir fimmtán ár í formannsstóli Sjálfstæðisflokksins. Hann geri sér grein fyrir að dagur ákvörðunar renni upp innan hálfs árs, eða fyrir landsfund flokksins sem fram fer um mánaðamótin febrúar-mars á næsta ári. Ef til vill væri kominn tími til að hleypa nýju blóði inn í forystu flokksins.

Mest lesið


Fleiri fréttir

Sjá meira


×

Mest lesið