Kallar eftir rann­sókn og endur­greiðslu á styrkjum til stjórn­mála­flokka

Mikið hefur verið fjallað um fjárstyrki ríkisins til stjórnmálaflokka eftir að í ljós kom að nokkrir flokkar fengu saman hundruð milljóna króna greidda þrátt fyrir að þeir uppfylltu ekki skilyrði laga um starfsemi stjórnmálasamtaka eftir að þeim var breytt árið 2022. Þá var það gert að skilyrði að flokkar væru skráðir sem stjórnmálasamtök. 

Nokkrir þeirra, þar á meðal Flokkur fólksins, fengu styrki áfram þrátt fyrir að þeir væru skrápir sem félagasamtök. Sjálfstæðisflokkurinn, Vinstri græn, Píratar og Sósíalistaflokkurinn fengu einnig styrki án þess að vera skráðir sem stjórnmálasamtök.

Sigurður Ingi Jóhansson, formaður Framsóknarflokksins, segir að gott væri að yfirfara fjármál stjórnmálaflokka til þess að auka traust á lýðræðinu og stjórnkerfinu í aðsendri grein í Morgunblaðinu í morgun.

„Rannsaka hverjir eiga rétt á slíkum greiðslum og krefjast endurgreiðslu frá þeim sem uppfylla ekki skilyrði til þess að fá greiðslur frá fólkinu í þessu landi til að standa straum af rekstri og kosningabaráttu síns flokks,“ skrifar Sigurður Ingi.