Jakob nýr for­maður Raf­iðnaðar­sam­bandsins

Þetta kemur fram á vef sambandsins, en aukaþingið fór fram í Gullhömrum í Grafarholti í dag.

Kristján Þórður Snæbjarnarson, sem tók sæti á Alþingi á dögunum, hefur því látið af störfum sem formaður. Hann gegndi formennsku í um 14 ár.

Margrét Halldóra Arnarsdóttir hafði gefið kost á sér til formanns en tilkynnt var í upphafi þingsins um að hún hefði dregið framboð sitt til baka.

„Jakob hlaut standandi lófaklapp þegar forseti þingsins, Georg Páll Skúlason, las upp úrslitin,“ segir í tilkynningunni.

Í stuttu ávarpi mun Jakob hafa þakkað þinginu fyrir stuðninginn og hvatt til samstöðu. 

„Ég heiti því að gera mitt allra besta í starfi sem formaður Rafiðnaðarsambands Íslands,“ er haft eftir Jakobi.