Vill að sveitar­fé­lögum verði skylt að semja við einka­rekna skóla

Áslaugu segist hafa ofboðið þegar þingmenn Samfylkingar lögðu fram frumvarp á þinginu um systkinaforgang sem viðgengst í fjölda sveitarfélaga á höfuðborgarsvæðinu, en ekki í Reykjavík. Áslaug segir ekkert standa í vegi fyrir því að Reykjavík bjóði upp á slíkan forgang eins og önnur sveitarfélög.

Áslaug segir ábyrgðina Samfylkingarinnar í borginni að tryggja börnum leikskólapláss og það hafi gengið bagalega. Ekki hafi verið staðið við gefin loforð um að tryggja pláss á milli 12 og 18 mánaða og auk þess hafi ekki verið staðið við loforð um að finna leik- og grunnskóla Hjallastefnunnar varanlegan stað.

„Það er sama sagan. Þetta er út af einhverjum kreddum í skoðunum vinstri manna í borginni að vilja ekki nýta einkaframtakið til að leysa og mæta þeim vanda sem við blasir, að hér er varla orðið búandi fyrir fólk sem er að eignast börn.“

Lausnir sem ekki séu nýttar

Fjölskyldur eigi ekki efni á því að ekki sé boðið upp á pláss fyrir börn. Það sé jafnréttis- og kjaramál. Til séu lausnir sem meirihlutinn hafi hafnað og nefnir sem dæmi Kópavogsmódelið, að fjölga einkareknum skólum og að innleiða vinnustaðaleikskóla.

Fé eigi að fylgja barni

Áslaug stefnir á að leggja fram frumvarp í vikunni þar sem sveitarfélög eru skylduð til að semja við einkarekna skóla og gera ekki greinarmun á því hverjir eru rekstraraðilar.

„Fé á að fylgja barni í menntakerfinu,“ segir Áslaug og að það eigi ekki að skipta máli hvaða skóla barnið fer í. Ef skólinn er dýrari sé skólinn að koma með fjármagn á móti.

Hún segir áríðandi að borgin finni lausnir í þessu máli. Þetta sé grunnþjónusta sem eigi að vera í lagi. Foreldrar eigi ekki að þurfa að berjast alltaf fyrir því að börn fái pláss. Áslaug segir borginni hafa verið illa stjórnað í allt of langan tíma. Börnum hafi fjölgað í nágrannasveitarfélögum og þar hafi gengið betur að taka inn börn.

Brugðið að sjá skrif Össurar

Áslaug fór einnig fyrir mál Ásthildar Lóu. Hún segir að sér hafi brugðið þegar sá skrif Össurar Skarphéðinssonar um mögulega aðild hennar að máli Ásthildar Lóu þar sem hún var sökuð um að leka upplýsingum um málið.

„Mér var ljúft og skylt að greina frá því að ég hafði engin samskipti haft við fjölmiðla,“ segir Áslaug.

Húns segist hafa fengið póst um málið en hún hafi ekki haft í hyggju að ræða innihald póstsins við fjölmiðla. Hún segir ljóst miðað við gögn og tímalínu forsætisráðuneytisins hvaðan upplýsingarnar komu og hvernig þær bárust forsætis- og barna- og menntamálaráðherra.

Áslaug Arna segir þingið þurfa að fara yfir þetta mál og telur að ýmsum spurningum sé enn svarað, sérstaklega er varðar viðbrögð ríkisstjórnarinnar. Áslaug segist ekki vilja setjast í dómarasæti um mál sem gerðist fyrir svo löngu síðan. Það sé yfirleitt allt upp á borðum um þau sem sinni svo opinberu starfi eða embætti og hún sé vön því.

Hún segir þetta „enn eina málið“ sem trufli ríkisstjórnina á hennar fyrstu 100 dögum. Það sé lítið að gerast í þinginu. Mennta- og barnamálaráðuneytið sé mikilvægt embætti og það sé bagalegt að mál Flokk fólksins séu í sífellu fyrir því að hægt sé að ræða pólitík.

Áslaug minnir á að í aðdraganda myndun ríkisstjórnarinnar hafi það einmitt verið rætt ítrekað hvort Flokkur fólksins væri stjórntækur. Spurð hvort þetta falli betur undir reynsluleysi segir Áslaug að reynsluleysið sé þá gríðarlegt í mörgum málum síðustu daga.

„Ég held að það sé ekki bara hægt að skrifa þetta á reynsluleysi. Þegar þú tekur að þér ábyrgð að vera í ríkisstjórn verður þú að standa undir því og ég held að það sé umhugsunarvert hvort flokkurinn sé óstjórntækur.“