Valskonur fá seinni leikinn heima

Í dag kom í ljós að fyrri leikur Vals og Conservas Orbe Zendal Bm Porrino færi fram á Spáni og sá seinni í N1-höllinni á Hlíðarenda.

Fyrri leikurinn fer fram 10. eða 11. maí og seinni leikurinn 17. eða 18. maí.

Valur tryggði sér sæti í úrslitum EHF-bikarsins með tíu marka sigri á Iuventa Michalovce, 30-20, á Hlíðarenda á sunnudaginn. Valur er fyrsta íslenska kvennaliðið sem kemst í úrslit í Evrópukeppni.

Karlalið Vals komst í úrslit EHF-bikarsins á síðasta tímabili og mætti þar Olympiacos. Fyrri leikurinn fór fram á Hlíðarenda og sá seinni í Grikklandi. Þar tryggðu Valsmenn sér titilinn eftir sigur í vítakastskeppni.