Mag­deburg á toppinn eftir enn einn stór­leikinn hjá Ómari og Gísla

Ómar Ingi var markahæstur allra á vellinum með 9 mörk og ofan á það lagði hann upp 4 mörk. Gísli Þorgeir var ekki minni maður og kom einnig með beinum hætti að 13 mörkum. Hafnfirðingurinn skoraði 8 og gaf 5 stoðsendingar. Hvað Viggó varðar þá skoraði hann 7 mörk ásamt því að gefa 2 stoðsendingar.

Gummersbach gerði sér lítið fyrir og vann ótrúlegan 16 marka sigur á Göppingen, lokatölur 41-25. Elliði Snær Viðarsson skoraði 5 mörk og gaf eina stoðsendingu. Teitur Örn Einarsson lagði einnig sitt á vogarskálarnar fyrir lærisveina Guðjóns Vals Sigurðssonar í sigurliðinu.

Andri Már Rúnarsson skoraði þá fimm mörk og gaf eina stoðsendingu í stóru tapi Leipzig gegn Kiel, 39-24. 

Með sigri kvöldsins er Magdeburg komið á toppinn með 51 stig en Füchse Berlín er aðeins stigi á eftir með leik til góða. Gummersbach er í 8. sæti með 36 stig. Leipzig er í 12. sæti með 21 stig.