Loka banda­ríska sendi­ráðinu í Ísrael

Ekkert lát er á loftárásum milli Ísraels og Írans sem gengið hafa milli ríkjanna síðan á föstudaginn. Nú stendur umfangsmikil eldflaugaárás frá Íran yfir og loftvarnarflautur óma í Ísrael þar sem fólk leitar skjóls í loftvarnarbirgjum.

Ísraelsk yfirvöld tilkynntu rétt í þessu að þeir hefðu gert aðra loftárás á Teheran. Þeir hefðu gert atlögu að tólf hernaðarstöðvum Írana í Teheran.

Donald Trump Bandaríkjaforseti hefur ýjað að því að til standi að Bandaríkjaher blandi sér í átökin milli ríkjanna. Hann krefst skilyrðislausrar uppgjafar Írana.

Bandarísk yfirvöld hafa tilkynnt um að sendiráði þeirra í Ísrael verði lokað næstu þrjá daga.

„Vegna öryggismála og í samræmi við tillögur ísraelskra hernaðaryfirvalda, munum við loka sendiráðinu okkar í Jerúsalem næstu þrjá daga. Þetta á einnig við um skrifstofurnar í Tel Aviv og Jerúsalem“ stóð í tilkynningu Bandaríkjamanna.

Telegraph

CNN