Segir vopna­hlé í höfn

„TIL HAMINGJU ALLIR. Ísrael og Íran hafa samþykkt algjört vopnahlé (sem tekur gildi eftir um sex klukkutíma, þegar Ísrael og Íran hafa klárað yfirstandandi verkefni!)“ sagði Trump á Truth Social.

„Eftir um 24 tíma verður TÓLF DAGA STRÍÐIÐ BÚIÐ og því verður fagnað um allan heim“

„Ef fram fer sem horfir og stríðið tekur enda, þá vil ég óska báðum löndum til hamingju fyrir að hafa hugrekkið, úthaldið og vitsmunina til að binda endi á það sem ætti að kalla TÓLF DAGA STRÍÐIÐ.“

Segir Trump svo að stríðið hefði getað haldið áfram árum saman og lagt Mið-Austurlönd í rúst.

„Guð blessi Ísrael, guð blessi Íran, guð blessi Mið-Austurlönd, guð blessi Bandaríkin, og guð blessi heiminn,“ sagði Trump Bandaríkjaforseti.