Handbolti

Spila um Forsetabikarinn á HM

Ágúst Orri Arnarson skrifar
Elmar Erlingsson var markahæstur í íslenska liðinu eins og í öðrum leikjum heimsmeistaramótsins.
Elmar Erlingsson var markahæstur í íslenska liðinu eins og í öðrum leikjum heimsmeistaramótsins.

Handboltalandslið Íslands skipað leikmönnum 21 árs og yngri spilar úrslitaleik næsta laugardag um Forsetabikarinn, sautjánda sætið, á heimsmeistaramótinu sem fer fram í Póllandi. Strákarnir okkur komust í úrslitaleikinn með öruggum 32-38 sigri gegn heimamönnum.

Staðan var jöfn í hálfleik 18-18 en í seinni hálfleik setti Ísland fótinn á bensíngjöfina og leit ekki í baksýnisspegilinn. Ísland skoraði fjögur mörk í röð og tók afgerandi forystu sem hélst alveg til enda. Lokatölur í leiknum 32-38 fyrir Íslandi.

Elmar Erlingsson var langmarkahæstur hjá Íslandi, líkt og í öðrum leikjum mótsins, með ellefu mörk úr fjórtán skotum á pólska markið. Hornamaðurinn Össur Haraldsson fylgdi honum eftir með átta mörk. Þrátt fyrir það var hinn pólski Piotr Mielczarski valinn maður leiksins. Nánari tölfræði og leikmannahóp Íslands má finna hér. 

Sigurinn fleytir Íslandi áfram í úrslitaleik um Forsetabikarinn, sem efsta liðið úr neðri hluta mótsins vinnur. Leikurinn verður gegn sigurliðinu í leik Alsír og Serbíu, og verður í beinu streymi á Vísi á morgun.

Leikur Íslands gegn Póllandi var í beinu streymi á YouTube síðu alþjóðahandboltasambandsins og má sjá hér fyrir neðan.

Handbolti Landslið karla í handbolta

Mest lesið


Fleiri fréttir

Sjá meira


×

Mest lesið