Króuðu stolinn bíl af í Kömbunum eftir eftir­för þvert yfir Hellis­heiði

Garðar Már Garðarsson, yfirlögregluþjónn hjá lögreglunni á Suðurlandi, segir lögreglubíl frá höfuðborgarsvæðinu hafa veitt stolna bílnum eftirför eftir að ábending barst. Lögregla hafi þá gefið ökumanni stolna bílsins merki um að nema staðar sem hann hafi ekki sinnt.

Upp hófst eftirför yfir endilanga Hellisheiðina. Óskað var eftir liðsauka frá Lögreglunni á Suðurlandi sem kom úr hinni áttinni upp heiðina og loks náði lögreglan að króa ökumanninn af í Kömbunum.

Garðar segir aðgerðina hafa gengið vel og að ekki hafi þurft að keyra utan í bílinn eða framkvæma aðrar hættulegar tilraunir til að stöðva ferð bílsins.