Stærsti leikur ársins í Eyjum fer fram í kvöld

Leikurinn hefst klukkan 17.00 og spilaðir verða tveir átta mínútna hálfleikir.

Þjálfarar liðanna sem í ár eru Navy bláir á móti gráum verða þeir Ísak Rafnsson og Magnús Stefánsson.

Leikmenn og þjálfarar meistaraflokks karla og kvenna sjá um umgjörð leiksins.

Það var mikið lagt í allt í kringum leikinn og meðal annars var haldinn blaðamannafundur sem má sjá hér fyrir neðan. Honum stjórnuðu goðsagnarnir Grétar Þór Eyþórsson og Theodór Sigurbjörnsson sem voru fulltrúar liðanna.

Á fundinum voru meðal annars allir leikmenn í Stjörnuleiknum kynntir til leiks.

Bergvin Haraldsson og Sindri Ólafsson dæma leikinn og það verður meira að segja eftirlitsmaður HSÍ á leiknum sem er Nökkvi L. Óðinsson.

Allur ágóði rennur til Downs-félagsins.