„Það þarf heppni og það þarf gæði“

Strákarnir okkar eru á leið í undanúrslit EM í fyrsta sinn síðan 2010 eftir mikið hark.

„Ég er ótrúlega stoltur af liðinu og þakklátur. Við fáum auka orku núna, það var lítil pása í gær en rosaleg orkuinnspýting í gær þegar við sáum hvernig hinir leikirnir fóru. Allt í einu fór maður úr því að líða mjög illa líkamlega yfir í að líða bara ágætlega. Það hjálpar og það hjálpar líka að vinna í dag. Við fáum einn dag í hvíld og svo þurfum við bara að halda áfram að gera það sem við gerum best.“

Óvíst er hverjum Ísland mun mæta í undanúrslitunum en sama hver andstæðingurinn verður er markmiðið það sama hjá strákunum okkar.

„Klárlega [er stefnan sett á úrslitaleikinn]. Við bara sjáum hvaða lið við fáum, svo förum við strax að undirbúa okkur“ sagði Elliði.