Stolt móðir Gísla Þor­geirs: Fylgdist með syninum og felldi tár

Gísli var með tvö mörk og átta stoðsendingar í sigrinum á Slóvenum í dag sem tryggði íslenska landsliðinu sæti í undanúrslitum á Evrópumótinu.

Ísland er að fara að spila um verðlaun á stórmóti í fyrsta sinn í sextán og Gísli hlýtur að gera stórt tilkall til að komast í úrvalslið mótsins með frábærri frammistöðu sinni.

Fyrir þá fáu sem ekki vita þá er Þorgerður Katrín Gunnarsdóttir, utanríkisráðherra Íslands, móðir Gísla.

Hún hefur oft fylgt honum út á mót en hún var heima á Íslandi þegar liðið tók þetta risastóra skref enda nóg að gera í utanríkisráðuneytinu þessar vikurnar.

Sigmar Guðmundsson, flokksfélagi Þorgerðar í Viðreisn, birti myndband af Þorgerði á samfélagsmiðlum þar sem hún fylgdist með viðtali við Gísla eftir leikinn frábæra í dag.

„Stolt móðir, frábær sonur og frábært lið. Áfram Ísland,“ skrifaði Sigmar sem er formaður þingflokks Viðreisnar.

Hér fyrir neðan má sjá myndband af Þorgerði þar sem hún fylgdist með syninum og felldi tár.