Biluð flug­vél en gestirnir flugu inn í úrslitavikuna

Leikur KA/Þórs og Gróttu hófst ekki fyrr en klukkan 20:45, eftir að hafa verið frestað vegna bilunar í flugvél, samkvæmt tilkynningu HSÍ. 

Að lokum vann KA/Þór þriggja marka sigur, 24-21, og verður því með þegar barist verður um bikarinn í lok mánaðarins.

Fyrr í kvöld komust Haukar áfram með öruggum sigri gegn Víkingi, og Fram sló ÍR út í gærkvöld. FH og Valur bítast svo um síðasta lausa farseðilinn annað kvöld.

Eftir fína byrjun Gróttukvenna í kvöld náði KA/Þór frumkvæðinu og var 14-10 yfir í hálfleik. Gróttu tókst reyndar að minnka muninn í 18-17 en þá tóku gestirnir aftur við sér og komust í 23-17, og tryggðu sér öruggan sigur.

Samkvæmt HB Statz var Bergrós Ásta Guðmundsdóttir markahæst hjá KA/Þór með 5 mörk en þær Trude Hakonsen, Sólveig Lára Kristjánsdóttir og Lydía Gunnþórsdóttir skoruðu 4 mörk hver. Hjá Gróttu var Ída Margrét Stefánsdóttir með sjö mörk, eða þriðjung mraka liðsins, og Katrín S Scheving Thorsteinsson skoraði 5.