Nablinn vill ræða við mannauðsstjórann hjá Sýn um þessa vit­leysu

Félagarnir keppa allan vetur í Extra-þætti Bónus Körfuboltakvölds og hafa þeir fengið að prófa alls konar íþróttir til þessa.

„Fyrsta greinin í MMA, það er bara einfalt. Hvor ykkar kýlir fastar? Og Andri, þú sparkar fastar,“ sagði Stefán Árni Pálsson og Andri rifjaði þá upp sigur sinn frá því í boxkeppni á Rokkbarnum.

„Við erum með það líka á hreinu að ég kýli fastar því þegar við fórum á Rokkbarinn í Hafnarfirði fórum við í svona boxtæki. Þar byrjaði þetta allt saman því þar fæddist hugmyndin að þessum þætti,“ sagði Andri.

„Ég er bara stressaður fyrir þessu og held að hann geti tekið þetta,“ viðurkenndi Tómas.

Tómas náði samt þremur góðum höggum. „Hann gjörsamlega haggaðist ekki og ég meiddi mig aðeins,“ sagði Tómas en það nægði þó til sigurs.

„Andri, það er alltaf von fyrir þig að koma til baka af því að þú ert sterkari í endurkomunni,“ sagði Stefán Árni.

„Já, ég kem alltaf til baka, því get ég lofað þér,“ sagði Andri en var ekki alveg ánægður með keppnirnar sem þeir félagar eru settir í.

„Er mannauðsstjóri á Sýn? Við verðum að fara að finna þennan mannauðsstjóra og tala við hann um þá sem eru að eiga þessar hugmyndir að senda okkur í þessa vitleysu,“ sagði Andri ekki alveg sáttur.

Það má sjá þessa nýjustu keppni í Extraleikunum hér fyrir neðan og svo auðvitað hörð viðbrögð manna á eftir.