VIP-miðar í boði til að komast nær strákunum okkar

VIP-miðarnir kosta 24.900 krónur stykkið og eru í boði bæði á fyrri leikinn á Hlíðarenda á fimmtudaginn, sem og á seinni leikinn í Kaplakrika á laugardaginn.

Um er að ræða vináttulandsleiki og jafnframt fyrstu leiki strákanna okkar eftir að þeir náðu 4. sæti á EM í janúar, þar sem þeir unnu meðal annars Svía. Bæði lið mæta með sinn sterkasta hóp nema hvað Ísland er án Ómars Inga Magnússonar sem var að verða pabbi.

Hvað er innifalið í VIP-miða?

Samkvæmt upplýsingum frá HSÍ munu VIP-gestir meðal annars fá að sitja í frátæknum sætum bakvið varamannabekkina í höllunum, eða sem næst leikmönnum.

Þá munu þeir geta gætt sér á pinnamat og drykkjum, hlustað á Aron Pálmarsson og Guðjón Val Sigurðsson í sérstöku pallborði sem Jóhann Alfreð stýrir, og notið góðrar tónlistar.

Arnór Atlason, aðstoðarlandsliðsþjálfari, mun svo heilsa upp á fólk fyrir leik.

VIP opnar einum og hálfum tíma fyrir leik og er einnig opið í hálfleik.

Dagskráin í VIP 19. mars:

• Opnar klukkan 18:00
• Aron Pálmarsson og Guðjón Valur á pallborði sem Jóhann Alfreð sér um
• Hreimur peppar fólkið með gítarnum
• Pinnamatur og drykkir í boði hússins
• Frátekin sæti bakvið varamannabekki

Dagskráin í VIP 21. mars:

• Opnar klukkan 15:30
• Aron Pálmarsson auk leynigests á pallborði sem Jóhann Alfreð sér um
• Tónlistaatriði
• Pinnamatur og drykkir í boði hússins
• Frátekin sæti bakvið varamannabekki

Miðasala á leikina er í gegnum Stubb, bæði fyrir fyrri leikinn og fyrir seinni leikinn.